تربية وحياة زوجية

بالله ساعدوني ماابغا اقسى على طفلي وابغا اربيه بحب وحنان واعيش سعيدة واسعد نفسي وزوجي واعدل حياتي مره حزينه وماني قادرة اطلع من جو الاكتئاب والضيق وكارهه كل شي الله يكتب اجر كل من عطاني حل وعدل حياتي

السلام عليكم ورحمة الله وبركاته
اولا ربي يحفظه ويحفظكم،،، انا ربيت ولد وبنت بالطريقة القديمة يعني اذا اكل وشرب وحفاظه نظيف خلاص، العبه واتركه شوي لحتى يتعود لان شغل البيت وظروف العمل والحياة والمجاملات والتعامل مع الزوج واهل الزوج كله يريد وقت وطاقة،،، لذا عندنامثل يقول..(ولدك علي شنو تربيه
وزوجك على شنو تعوديه) ٠مثل ليبي 🇱🇾
يعني عودي ابنك يلعب لحاله بغرفة تكون آمنة لافيها اشياء تعرضه للخطر ولانوافذ من غير حماية،،، وعوديه يتفرج تفرجي معه علي رسوم تكون هادفة وانصحك برسوم زمان لانه جميلة وتعلم الأدب والأخلاق من النت نزليها علي شاشة التلفزيون مثل سنان وعدنان ولينا وفلونة وهايدي،،، وتفرجي معه وأهتمي وراح يقلدك اتركيه بهدوء وعلي فترات حتي يتعود يتفرج لحاله،،، احضري له لعب مكعبات او اي لعب تركيب بشرط تكون آمنة ولايبلعها،،، والعبي معه اول يومين وادعي ان اللعبة مهمة وجميلة وترا الاطفال يحبون التقليد علي طول راح يتعلق باللعب،، لاتعوديه علي التلفون،،، وصدقيني لاتظنى نفسك الوحيدة ترا كلنا اولادنا اتعبونا لحتى كبرو بالعمر،،، وياما تعبنا وشقينا معاهم،،، ومايكبر راس لحتى يشيب راس معروفة
لذلك لاتحزنى ولاتيأسي أكيد ابنك راح يفضل لعبة رسم تركيب كرتون راح ينسجم ويتفرج ويتعلم، وماتخافي كل مايمر يوم كل مايكبرويكتسب مهارة جديدة
اذا ابنك مشاغب ويحرك كل شئ، اكبر غلطة انك تحولين الاثاث او الكريستال والتحف وتبعدين كل شئ عن يده لاغلط كل شئ يكون بمكانه وهو يحترمه،، لاتضربيه ترا الضرب لايوصل للعقل،،، عاقبيه ماتعطيه حلو او احبسيه بسريره اذا كان صغير جدا وبغرفته اذا كان كبير وقولي له ماترجع لحتى تعتذر عن خطئك،،، صدقينى الامومة ماهي سهلة،،، تتطلب تعب وسهر وضغط وحزن وألم لكن تذكري الجنة تحت اقدام الامهات ماجت من فراغ... طمنيني عليكي كل فترة وياريت تنجح معه كل هالخطط كل التوفيق لاحلى ماما

وعليكم السلامورحمةاللهوبركاته الله يعطيكي العافيه على الرد يا اختي الوضع صعبجدا مو بهالسهوله انا عندي نقص فيتمينات حاد والوضع ماش ولسا بديت استخدم ادوية ولسا مافيه اي تحسن والطفل جدا عنيد يحب يستكشف كل شي قدامه حتى الملابس بالدولاب الصحون بالمطبخ حرفيا كل شي حتى الحمام والاحذيه الي عند باب البيت الله يعزكم مايخلي شي بمكانه والاب عصبي ومايتحمل وحاد واذا بغينا بروحه للسوق يتكاسل واحيان الوضع المادي سيء فما بالك ب ألعاب واشياء تلهي الطفل والله إني متحمل فوق طاقتي واشياء فوق عمري بكثير والعلم عند الله وصلني كلام من كثر من شخص ان في ناس حاسديني وفي منهم يتكلمون عن الجن والسحر والعياذ بالله لدرجه صارت تجيني رجفه ودوخه أثناء الصلاه والصدق أني صرت مقصر اسمع الأذان وقلبي يتقطع مقدر يجيني نوم مره دوخه بس المشكله أني اشغل قران رقيه شرعيه مايصير شي ودايم أتعوذ من الشيطان إذا عصبت أو دخلت الحمام وإذا جيت اقرأ ايه الكرسي ينقطع نفسي وانتفيس بصعوبه ويالله أكملها واحيان يجيني تثاوب واعيدها والله عذاب مدري وش فيني أدعو لي ان ربي يفرجها علي ويشرح صدري ويرزقني ويهديني لكل خير ويبعد عني كل شر ولكم بالمثل ان 

أما عن التلفزيون نادرا اشغله. لأنه مره يقرب له واخاف على عيونه واصلا هالايام صارت القنوات تطلع أشياء ماهي زينه الصدق وما أحطه إلا وقت الحاجه الضروريه إذا كان به شي مهم وطفلي من النوع الي يطفش من الشي بسرعه حتى لو فيه شي جديد يلعب كم ساعه ويتركه الله يهديه ان شاءالله يارب

يارب يبعد عنك كل شر ارقي نفسك( خير رقية المرء لنفسه) اقرأي الفاتحة والمعوذات ثلاث مرات وآية الكرسي ورشي بيتك واشربي وامسحي علي وجه ولدك وشربيه،،، اعرف انهم يخربون كل شئ ويفتحون الثلاجة والابواب ويبعثرون كل شئ،، لكن فيه طرق ولو بسيطةاربطي ايدي الابواب برباط واقفلي كل شئ واذاكان عندك تنظيف وغسيل شربيه واكليه وغيري حفاظه واحبسيه بسريره اذا كان عالي اوبغرفته لاتتركيه يتمادى ترى هو زي العجينة لازم تشكليه من الان والا يستمرطول عمره عنيد وفوضوي،، لاتنفذي كل مايريد،، يتعبك عندما يكبر،،، عوديه الان هو مسؤوليتك.،،، انت لوحدك
لاتعنفيه اوتضربيه علميه وعوديه،،، اتركيه بغرفة وولعي كرتون،،، ردي بعد شوي تجديه منسجم،،، تفرجي معه بالبداية واتركيه راح يتعود،،، اتمنى لك الأفضل وربي يعينك