السلام عليكم بنات جايتكم اليوم ضايق صدري والله ماعدكم الا خواتي ودي افضفض ماعندي احد ،
بنات انا متزوجه من 8 سنين و اهل زوجي عايله كبيره ماشاءالله واحفادهم في عمري ومن تزوجت وانا داخله فيهم لان بناتهم كثير واروح معهم عشان اتسلى بس احزن ع نفسي بينهم هم كلهم يقربون لبعض ووحده من بناتهم متزوجه معي وهي سليطة لسان وجريئه ومسيطره يحبونها العايله كلهم ويوم من الايام غلطت بحقي وزعلت منها بس ماتخاصمت ولا غلطت بس اني بعدت عنها وربي شاهد على كلامي بعدها العايله كلها تغيرت عليي حرفياً صاروا متجاهليني ومايعطوني وجه المهم انا مااحب الزعل وبدأت معها اتكلم ورجعت العلاقه بس صارت كل مانجتمع نكون انا وهي وطرف ثالث تجلس تمدح اي شي عند الطرف الثالث اهم شي انا لا وكني مو موجوده مثلاً تقول فلانه ياحلو ساعتك ياحلو عبايتك ياحلو شنطتك وزي كذا واذا احد مدح شي لي تقول اممم حلو وفمره عبايتي اعجبت البنات هذولا اقاربها وراحت جابت عبايتها وجلست تقارن فالاقمشه وقالت البسيها والله هذي احلى عليك صح يابنات ونصيحه لاتاخذين عبايه باكمام واسعه تخرب شكلك وصاروا ف صفها قريباتها قالوا ايوا صح وهم قبل كانت عاجبتهم وبس احسها كذا مستعده للهجوم في اي وقت واذا تقابلنا تبوس اطفال العايله الا عيالي كنهم مو موجودين وحتنا اوقات كذا تجي ماتسلم علي والاسبوع الماضي كنت معهم مجتمعه اقسم بالله يابنات رجعت بضيقققققه تخيلوا هم كلهم قدي ومعاهم اطفال ويبوسون فف اطفال بعض واولادي يحزنون ماكنهم عيال عمهم محد يناديهم ولا يبوسهم ولايعبرهم وهم اعمارهم فالسنتين وحولها ودايم تحاول تقلل منهم او تتهمهم يعني تفتح النظر عليهم باي تصرف خطأ لين الكل يشوفهم مو كويسين ومااحب المشاكل هي سليطة لسان واهلها واقاربهم كلهم في صفها ولاادري وين اروح واهلي بعيدين ومجبوره على ذالعايله وربي احس ضيقة الدنيا كلها فيني وماتهمني نفسي قد مايهموني عيالي احزن عليهم يوم اشوف الكل مهمشهم ومهتمين ببعض رغم انهم والله العظيم جميلين ومؤدبين ونظيفين بس ماددري ليش كذا مسوين احزاب الله يسخرلي خلقه ادعوا لي تكفون حتى عيالها ماسلمت منهم ع عيالي يضربون وتشوفهم وتسكت وتحرضهم بس مع عيال قريباتها تقول لا ياحبيبي لا ياعمري وتتعذر من امهاتهم وانا لو تكلمت قدامهم اطلع انا بالشينه ويزيدون ينفرون مني ، شسوي غير اني اعتزلهم لاني اطففش لحالي وفيه ثنتين احبهم وطيبات ماودي اقاطعهم بسبب هذي وشلتها ودعواتكم لي بالفرج
شاركي في النقاش
سجلي الدخول لإضافة تعليق.
التعليقات
22- ياقلبي انتي والله تدرين الناس مو الكل شريحه معينه بالمجتمع تبي تغلط بس ماتبي تحسبينها.. إذا حسبتيها نفرت وعفاتك.. اعتبري انهم فيهم امراض معديه عشان كذا ما يقربون من عيالك قللي روحتك خليها لام زوجك والله يالجلسات النسائيه حش ونميمه ودق أسأل الله أن يبارك فيك ويرزقك راحة البال وانشراح الصدر ويسخر لك وينصرك ويسعدك بالساعه المباركه
- لانك رابطة نفسك فيهم بزيادة صار ماعندك حياة إلا معهم حاولي تسوين لك حياة واهتمامات بعيد عنهم عشان مايصير كل شي يسوونه او يقولونه يأثر فيهك ويخرب مزاجك
اما سالفة العباية ماراح ينقص منك شيء اذا مامدحوها او حتى ما اعجبتها كان يوم جابت العباية قلتي بكل بساطة لا هذي مو ذوقي هي لها لسان وانتي بعد عندك لسان
وبالنسبة لهوشة الاطفال تكلمي وقتها ودافعي عنهم اذا كانوا ماسوو شيء غلط لكن لا تطولين عندهم اذا رحتي وشفتي الجو مو مناسب لك ارجعي بيتك
اي شي يخرب مزاجك ويغثك مو مجبورة تتحملينه سوى اللي عليك واطلعي لاتعطين المواقف اكبر من حجمها ولا تخلينها تاخذ من راحتك ومزاجك - خففي من دخولك في العايله روحي مرة كل شهرين
اشغلي نفسك وحبي عيالك وعززي لهم في البيت عشان هم يصيرون يدافعون عن انفسهم ويدافعون عن بعض ريحانة التميمي ياقلبي انتي والله تدرين الناس مو الكل شريحه معينه بالمجتمع تبي تغلط بس ماتبي تحسبينها.. إذا حسبتيها نفرت وعفاتك.. اعتبري انهم فيهم امراض معديه عشان كذا ما يقربون من عيالك قللي روحتك خليها لام زوجك والله يالجلسات النسائيه حش ونميمه ودق أسأل…
صادقه ، بس شي يحر ويقهر خاصه الاطفال يعني اذا كارهتني اطفالي مالهم ذنب ينقلب عليهم ولدي الكبير صار يحس يقول ياماما محد يحبنيغـــيمة لانك رابطة نفسك فيهم بزيادة صار ماعندك حياة إلا معهم حاولي تسوين لك حياة واهتمامات بعيد عنهم عشان مايصير كل شي يسوونه او يقولونه يأثر فيهك ويخرب مزاجك اما سالفة العباية ماراح ينقص منك شيء اذا مامدحوها او حتى ما اعجبتها كان يوم جابت العباية…
بالعكس والله ماحتك معاهم الا مره كل شهر او شهرين بس والله اطفش يابنات الوحده قاتله وزوجي مداوم او نايم او برا واطفالي صغار مايعرفون يسولفون حتى، واهلي بعيدين وخواتي كبار حتى لما ارسلهم او ابي اكلمهم مشغولات مع ازواجهم وببيوتهم وصرت احاول ارفه عن نفسي وللامانه كانوا عسسسل معي بس الله يسامحها من بعد التتش اللي بيني وبينها قلبوا علي وهي ماشاءالله تفرعنت اكثر وحتى سوالفها تلفها وتجيبها مزحه برزحه ع مايقولون
مواضيع مشابهة
تابعي تجارب أخرى من هذا القسم.