خااااايفه على بنتي

السلام عليكم ...

لقيت بنتي بالثانويه تكلم شاب بالسناب و ترسل له صورها ، انجنيت عليها و ضربتها و هزأتها و سحبت منها الجوال و حذفت صورها اللي بالمحادثه و حظرته و منعتها من الجوال .. بعدين ندمت و خفت ما ادري عنده صور لها او شئ يمسك عليها او ينشرها... وجبرتها ماتنام بالليل الا تصلي ركعتين و تقرأ ٤ اوجه من القرأن ؛ وماتقعد لحالها بالغرفه ، و منعتها اسبوع من المدرسه ، و اشغلتها بالمطبخ كل يوم عليها العشاء و تنظيف المطبخ و صارت هاديه و ماتناقش ...

المشكله أنا الحين خااااااايفه و بموووت من الخوف منه ، كل ما أتذكر صورها و مقاطعها أموت قهر .... لاتقولون ابوها و اخوها بيذبحونها تكفوووون تعبت من التفكير ...

19 تعليق 1,684 مشاهدة

شاركي في النقاش

سجلي الدخول لإضافة تعليق.

التعليقات

19
  1. @farah_26

    أياك تقولي لأبوها،،، او اخوتها يسوون فيها شي لاقدر الله تندمين طول العمر،،، ركزي لازم البنت تتصل بيه تشوفي علي ايش ناوي،، خليها تقوله امي اخذت جوالي وتقصت عليك وعلي اهلك وخايفتها تسوي لك ولي مشكلة انقلي المشكلة له لاتحسسيه بضعفك وخوفك وعلى طول البنت تسكر وتحظره،،، لكن عقابك لها مبالغ فيه كافي انها تحرم من تلفونها ولكن دراستها لازم منها،،، وكذلك لاترهقيها بالعمل ترى هى روح تتعذب مو جماد وقفي عليها الهاتف ولازم تداوم علي الصلاة والقرآن،،،««علمو اولادكم الصلاة؛؛ والصلاه تعلمهم كل شئ»»
    ترى كل البنات يسوون علاقات ويبعثون بصورهم ماهي نهاية العالم،،، تصرفها غلط ونحن مجتمع مسلم محافظ لكن عاقبيها ولاتدمريها،،، خليها تثق بك وتحكيلك لاتخوفيها منك،،، ولكن هدديها تحكى لابوها لوتكرر لكن ما تحكى له لان تصرفهم حيكون بساعة غضب وهى مازالت طفلة،،، لازم تطولي بالك وتصبري عليها لان تربية الاولاد والبنات تريد صبر ووسعة بال،،،، وربي يهديها ويوفقها ويفرحك بيها
  2. @amproaa_alhyaamp

    مشكلة وبتعدي ان شاء الله
    ولاتخافين شباب الزمن هذا مايخوفون مثل الا قبلهم لان صار فيه قوانين ومكافحة ابتزاز وغرمات لا لها اول ولا اخر
    حده يتسلى ويقضي وقت
    اهم شي انتبهي لبنتك ووعيها
    بعدين اسبوعين كذا اجلسي معها وسولفي معها ووعيها ترى بعض البنات تحسب السالفة بس مشاعر وحب وعشق ماعدري وش يعقبها فهميها بطريقتك
    واياك ثم اياك ثم اياك يطلع موضوعها لاحد
  3. مالك اي حق تمنعيها من المدرسة اسبوع كامل إلا العلم خط احمر رجعيها للمدرسه ثانيازمستحيل بنتك تثق فيك لانك تجاوزت حدودك معها صح انها اخطئت وخطها كبير ولكن انتي السبب اللي وصلت له بنتك غير أسلوبك معها طلعيها لكوفي مطعم مول عاقبيها بالمذاكره
  4. @am_goly99

    تناقشي مع بنتك باتزان حاوريها وش اللي خلاها تتجه لهذا المسار علميها بعواقبه علميها انه حرام وربي ماحرمه الا لحكمة ، كذا عاقبتيها بدون ماتعلمينها الصح وكأنك تنتقمين لنفسك عشانك غضبانة ..أنا متأكدة الهدف من عقابك لها تعليمها بس التعليم مو بالقسوة وتذكري الرفق مادخل في شيء الا زانه . اتمنى ماتزعلين من كلامي أسأل الله الحي القيوم أن يصلح حالنا وحالك يارب العالمين .

تابعي تجارب أخرى من هذا القسم.