اهلي والمهر

السلام عليكم ورحمه الله
عندي مشكله وابغى رأيكم فيها بصدق بدايه انا غير موظفه واهلي مايعطوني اي مصروف او حتى يسألون مره وحده وش احتاج تخرجت من الجامعه من سنوات وخلال هذي السنوات ماقد جو حتى بالغلط يسألون وش ابغى ودائما يكررون ان البنت ماعندها مشروع الا الزواج وطفشوني بذي السالفه حتى كرهتها وكرهت الرجال على الارض ، المهم مرت الايام وتقدم لي شخص اشوفه مناسب من كل النواحي وقلت يابنت لاتوقفين نصيبك واصلا وصلت لعمر مناسب اتزوج فيه والصدق ان صار ودي استقل ف وافقت والحمدلله كل شي تيسر ف اهلي قالو ان ماراح نعطيك مهرك نهائيا الا قبل الزواج بفتره بسيطه جدا عشان لو صار طلاق نقدر نرجع فلوس الرجال ! المشكله انهم استبقوا الاحداث وعكرو مزاجي واتهموني اني احب المال لمجرد اني طالبت بحقي الشرعي وفوقها اخذو منه لحفله الملكه يعني سبحان الله حفله الملكه عادي اما انا لا مااصرف ، للمعلوميه ان الزواج بعد نصف سنه تقريبا وانا لااثق فيهم نهائيا لحفظ المهر لان صار لي موقف سابق اعطيتهم مبلغ على اساس يحافظون عليه وهو مبلغ تافه جدا جدا استحي اقوله قالو اعطينا نحفظه للوقت اللي انتي تحتاجينه وتخيلو مرت سنه كامله بعدها رجعوه !؟ وانا كنت في حاجته لاعندي مصروف او وظيفه وحتى لمن توصلني هدايا غاليه يقولون لاتستخدمينها اعرضيها للبيع وخذي فلوسها كمصروف لك ، انا تعبت جدا من هذا الوضع ، يعلم الله ان حتى الاكل بالمرصاد وبمقدار وبمراقبه الثلاجه يوميا والاكل عباره عن وجبه وحده 60 بالميه منها قديم وتم تسخينه عده مرات حتى اذا دبرت مبلغ اجيب اكل يرفضون وهم ياكلون من كل مالذ وطاب واكل جديد ومايسخنون اكل امس لانفسهم والله العظيم هذي مو عيشه انسان بكرامه ودائما يوهموني انهم يحبوني ويبغون لي الخير وين الخير اذا انا اتلوى من الجوع كل يوم وين الخير اذا انا مااحد يسأل وش احتاج واذا شافو عندي مبلغ وطار على صحتي يفرحون فرح غير لمن احط بسعادتي وكانهم ينتظرون امرض عشان اطير الريالين اللي معي ، انا بس كل اللي ابغاه حقي الشرعي ابغى افرح زي كل البنات والله العظيم حتى يقسمونه قدامي وقالو احنا نختار لك حتى الملابس طيب انا مستحيل البس من ذوق احد مااحب نهائيا احس كاني دميه بخيوط ويتحكمون فيها لالي رأي او كلمه مسموعه رغم اني انا اللي بتزوج مو هم