ولدي وعيال الحموله

وعليكم السلام ورحمة الله وبركاته

اولاً الله يهديهم ويصلحهم

ثانيا والاهم لا تتحسسين وطبيعي جداً اللي صار لان الاطفال كذا

ثالثاً اللي سويتيه خطأ انتِ اندفعتي ولا احتويتي الموقف مفروض مسكتيهم كلهم وحليتي المشكله بالهداوه وخليتيهم يعتذرون من بعض

رابعاً خليه يروح ويجي لهم الاطفال كذا يتهاوشون ويتصالحون وينسون وانتِ بالمستقبل لو لا سمح الله تكرر الموقف خليك حكيمه

فعلاً أنا احس اني تسرعت بس انقهرت ثلاثه متجمعين على واحد وبسيارة أبوه هاذي قلة أدب وبعدين هم كبار م أتغطى عنهم بس غبنوني جد

خليهم يتصالحو والاولاد بصفة عامة يتعاركو ويتصالحو ويضربو وينضربو انصحك لاتتدخلين الا بالشئ المبالغ فيه،،،، وربي يحفظكم جميعا

وعليكم السلام ورحمة الله وبركاته، يا قلبي حاسة بحرقة قلبك، ما فيه أم تتحمل تشوف ولدها مكسور خاطره أو ينظلم، فمشاعرك طبيعية جداً 🤍

بس خذي نصيحة أخت من واقع تجربة مع الأولاد:
١. طمني ولدك واحتويه: اجلسي معاه وقولي له أنت بطل وما أرضى أحد يمد يده عليك، بس بنفس الوقت علميه بهدوء إن الرد بحركات أو ألفاظ ما يليق فينا حتى لو غيرنا غلط.
٢. مسألة المقاطعة بتعدي بسرعة: الأولاد بهذا العمر ما يشيلون بقلوبهم، يومين ثلاثة وتلقينهم يلعبون سوا وكأن ما صار شي! لا تخلينه ينعزل أو يحس إنه منبوذ، خليه يطلع عادي ويلعب مع باقي الصغار.
٣. عشان تكسرين الحاجز: لو شفتيهم مجتمعين بالحوش أو عند الباب، طلعي لهم صحن حلا، فشار، أو عصيرات وقولي لهم "يا عيال كلكم إخوان وحبايب ولا تخلون الشيطان يدخل بينكم".. هالحركة البسيطة تذوب كل الزعل بدون ما تنزلين من قدرك أو قدر ولدك.

الله يحفظ لك ولدك ويصلحه ويجعله قرة عين لك وتشوفينه بأعلى المراتب يا رب 🌸✨