عارفين يا بنات جوزي ضحى امبارح ورجع بدري علشاني رجع الساعة تسعة بالليل وطبعا اخدت محاضرة طويلة عريضه منه ازاي اني سيبته شغله وخضيته عليا وغيره وغيره
المهم على الساعة اتنين صباحا صحيت مفزوعة على حد عمال يلف ويدور في الشقة زي الليث الجريح
طبعا مش عاوزة زكاوة هو هو جوزي قمت قلتله خير في ايه طبعا اتخضيت
تفتكروا طلع ايه
ياعيني زهقان ومقريف ومش عارف يخرج علشاني
قمت قلتله لا يا حبيبي اخرج ومتعملش في نفسك كده محدش يستاهل
يعني حسيت بيه بعدها على الساعة اربعه الصبح معرفش بقى رجع امتى مانا اصلا في غيبوبة بفوق شوية والباقي مبدراش بالدنيا
يلا كله يهون المهم انه يروح لحبيبته التانيه
متفهمونيش غلط انا قصدي الادمان بتاعة
القعدة على القهوة ربنا يعافيه منها وينسيهاله قادر يا كريم ادعوله يا بنات لحسن حالته وحشه اوي ده لو فرضا جدلا يعني نام وهو مش قاصد طبعا يصحى الفجر مفزوع وينزل على القهوة حتى لو نصف ساعة ويرجع ينام تاني
شفتوا الحالة متاخرة ازاي
ال والست نودي تقولي شاور وبتر ولا معرفش ايه
يا دون انا منسحبة من مواضيع العيال دول انا معاكي حتى الثمالة