أسأل الله رب لعرش العظيم أن يشفي ولدك ويشفي جميع مرضى المسلمين آميييين يا رب العالمين
أسأل الله الشافي أن يشفي ولدك ويلبسه ثوب الصحة والعافية وان يشفي جميع المسلمين آميييين يا رب العالمين .
اختي جربي معاه العسل تراه زين وايد وسمعت ان يخلط مع الحبة السودا ويكون مفعوله وايد زين. انا مرة صادتني كحة عجيبة وشخصوها على انها التهاب رئوي تخيلي من شدتها كنت أبول على نفسي وظلت هالكحة معاي 4 شهور تقريبا وماظل شي ما سويته حتى لما راح التهاب الرئة ظلت الكحة موجودة وفي اخر مرة عيز الطبيب معاي وقالي انا حاولت بكل الطرق ولازم تراجعين دكتور متخصص أنف وأذن وحنجرة يمكن فيك التهاب باللأذن وينزل الصديد على مجاري التنفس ويسببلك الكحة والأنف المسدود على فترات طويلة بس قالي راح أجرب معاك هالدوا وشوفي لو فاد معاكي ولا لأ ولو ما فاد روحي للكتور المختص بهالسوالف المهم عطاني بنادول للجيوب الأنفية وعطاني شي مثل البخاخ ما أذكر اسمه وعطاني حبوب زيرتك للحساسية والحمدلله خفت الكحة وايد وانفتح خشمي وصرت زينة وراحت الكحة نهائيا وترجع بس مع البرد وخفيفة مو مثل قبل .عاد ما أدري شنو اللي كان فيني بالضبط هل التهاب الجيوب النفية ولا حساسية بالصدر ان شاء الله بروح لدكتور مختص اشوف شالسالفة عشان ما تكرر مرة ثانية بس ما أدري بالنسبة لولدك هل تصلح له هالأدوية ولا لأ .
وعلى فكرة فيه وحدة روسية اختصاصية تجميل لما شافتني اكح جذيه قالت لي قطعي بصل شرايح وحطي عليهم شوية عسل وسكري الماعون وخليه شوية لما ينزل البصل الماي اللي فيه وبعدين شربي وداومي عليه وشوفي شلون بتروح الحكة لأن تدرين البصل كل مضادات حيوية طبيعية . وبعد عطتني وصفة ثانية ما أذكرها بالضبط بس اذا ماكنت غلطانة قالت لي جيبي ورق الزبدة اللي نستعملها في الحلويات وحطي عليه شوية زبدة ونقطة يود وبعدين حطي الورق على صدرك وظهرك ونامي اهي تقول ان هالوصفة وايد زينة بس للأسف نا ما داومت على هالوصفات ولا سويتها .بس ما أدري اذا تفيد هالوصفات مع ولدك ولالأ.
نصيحة مني بعد اقري على لدك الرقية الشرعية واقري في الزيت ودهني منه على صدره واقري في الماي اللي يشربه وان شاء الله نسمع عنه اخبار زينة
سألتكم بالله تساعدون طفلي حتى لو بالدعاء معاناته منذ الولاده
متابعة النقاش، صفحة 7