منو تقدر تستثمرلي 1000 درهم كل شهر ؟؟

السلام عليكم حبيباتي ...

بدخل في الموضوع على طول .. انا وحده مالي في شغل البزنس و لا اعرف كيف استثمر البيزات او حتى أوفرها .. وانا الحمد لله اشتغل و ينزلي راتب شهري .. واحب اني استثمر جزء منه بدل ما اصرفه كل شهر و يطير على أشيا تافهه .. ولا اوزعه يمين و يسار ..

انا خاطري انه يكون عندي بزنس .. و اني اسوي مشروع و اربح من وراه .. بس في نفس الوقت ما اريد اجازف .. واريد اتعلم شوي شوي .. و ابدا شوي شوي ..

فقلت البركه في خواتي التاجرات .. ماشاءالله عليهم .. وادري انهم ما بيقصرن معاي ..
انا اللي قررت اني اسويه .. اني اقططع ألف درهم كبدايه من راتبي .. اعطيها وحده تخاف ربها و تكون ثقه .. تستثمرلي ها الألف و اطلعلي منها ربح .. حتى لو كان بسيط .. المهم 1000 درهم ترجعلي + الربح .. ويكون بينا اتفاق عسب كل طرف يضمن حقه .. وشوي شوي انا اذا شفت انه الموضوع مشا معاي اوكي يمكن ازيد المبلغ من 1000 الى 2000 وهكذا ..

فاللي تشوف في نفسها القدره على مساعدتي .. اطرشلي ع الخاص .. و تشرحلي كل شئ بالتفصيل ..
وانا بقرر اختار منو عسب يشتغل في بيزاتي .. ويمكن اختار كذا وحده ..

في انتظار ردودكم ..
:)

7 تعليق 1,354 مشاهدة

شاركي في النقاش

سجلي الدخول لإضافة تعليق.

التعليقات

7
  1. @romanove






    السلام عليكم ورحمة الله وبركاته

    ختيه %طمطومه%

    أنا استثمرت ويا الأخت uae-moon 44

    الربح يكون بشكل أسبوعي

    ويكون تقريباً 20% زيادة على المبلغ كل أسبوع

    أنا عطيتها 6000 درهم

    يعني أول أسبوع

    المبلغ زاد 1200 درهم

    يعني المجموع 7200 درهم

    فطلبت منها تشتغل به أسبوع ثاني شامل الربح

    وثاني أسبوع المبلغ صار 8640 درهم

    وثالث أسبوع 10368 درهم

    ورابع أسبوع 12500 درهم

    وخامس أسبوع هو الأسبوع الحالي

    وصار 15000 درهم ما شاء الله

    يعني خلال 5 أسابيع

    زاد المبلغ للضعف وأكثر ما شاء الله

    وهي تشغل المبلغ في التجارة

    وتتقاسم الأرباح ويا اللي يشاركونها

    وأنا متابعة وياها إن شاء الله


    شي ثاني حبوبة

    ممكن تتعاملين ويا التاجرات

    تاخذين بضاعة بالجملة بهالمبلغ

    وترجعين توفرين البضاعة بالمفرق بأسعار مناسبة

    بتكونين ظهرتي قيمة راس المال + الأرباح


    وإن شاء الله ربي يوفقج







  2. @tmtomh_2

    صاحبة الموضوع
    Romanove
    السلام عليكم ورحمة الله وبركاته ختيه %طمطومه% أنا استثمرت ويا الأخت uae-moon 44 الربح يكون بشكل أسبوعي ويكون تقريباً 20% زيادة على المبلغ كل أسبوع أنا عطيتها 6000 درهم يعني أول أسبوع المبلغ زاد 1200 درهم يعني المجموع 7200 درهم …
    انشاءالله الحينه برسللها .. ومشكوره الغاليه ع ردج الطيب

تابعي تجارب أخرى من هذا القسم.