السلام عليكم ..
بغيت نتجمع هنا حنا الموظفات وكل وحدة تقول لنا تجربتها مع الوظيفة وضعها الأسري والأجتماعي بعد الوظيقة وعلاقتها وأثر الوظيفة عليها سلباَ وايجاباً..
بسم الله ببدأ أنا ..:)
أنا موظفة من أكثر من عشر سنوات وراتبي بفضل من الله سبحانه حلو وساترة فيه نفسي وعيالي والحمدلله وساعدت أهلي فيه كثير وحاليا خصصت لأمي راتب أمشيه لها كل شهر ..
نجي للمتاعب : طبعا بعد السنوات هذي الى الآن ما كونت لي بيت ليش لأن أبو الشباب يبغاني أشري البيت معاه وأنا بصراحة ما أبغى لأن زوجي ما ينضمن أببببببببببببببببداً ومن النوع الي يخبي عني كل شيء فليش أساعده >>> أعمي عيني بيدي زي ما يقولون .. هذي وحدة الثانية المعاناة الي القاها من الناس الي حولي وخاصة الي عارفين ان راتبي حلو عيونهم أعوووووووووووووووووذ بالله والله العظيم أحس الحسد بيطلع منهم وهم قاعدين وما كن هذا رزق من الله يوزعه بين عباده وراتبي هذا ما جاء الا من تعبي وطلعة الفجر وتاركة بيتي غير التعب الصحي والنفسي من الوظيفة أحياناً:(
وعندي وحدة من خواته الحمدلله رب العالمين وبس تنقهر لو تشوف علينا شي أنا وعيالي والمصيبة انها عارفة انو من راتبي أجل لو من أخوها وش تسوي لكن ما أقول الا الله يكفيني شرهم وأذاهم
هذا علمي وسلامتكم .. ياليت خواتي الي لها تجربة حلوة في هالمجال تقولها وكيف تتحاشين نظرات الي حولك من الحساد أنا بصراحة أعاني من بعض خواته ونظراتهم أحسها تخنقني :( لأن مصدرها الحسد والله يوم ما أرجع لبيتي منهم أرجع مريضة وكثير يلمحون ويرمون كلام علي :(
الله لايشغلنا الابطاعته وبس
الموضوع مغلق