مشمع الأرضيات

بنات وانا اتلفف على محلات السجاد ، أشوف شوه عندهم جديد وأفكر هل أحط جرانيت والا موكيت لقيت عندهم شغله حلوة مشمع للأرضيات على أشكال مختلفة: مثل الخشب، السيراميك، الرخام وغيره.
صراحة شكلها أحلى عن الخشب و الجرانيت، المتر بحوالي 50 درهم. أفكر أحط منه في بيتنا بس محتارة :confused: أخاف يطلع شكلة على التركيب مب حلو.
بنات اللي مجربتنه ترد علي بسرعة وتقولي وين ممكن نستخدمه: غرف النوم، الصالة.....

8 تعليق 9,847 مشاهدة

شاركي في النقاش

سجلي الدخول لإضافة تعليق.

التعليقات

8
  1. @romee

    إلى ان تجيب عليك واحدة مجربة سأرد عليك
    انا لم اجربه لكن شاهدته في بعض المستشفيات واعجبني منظره
    واراهم يغسلون الارض بالماء عادي كأنه بلاط
    ارجو ان توفقي به
  2. @shab_khyr

    اختي بالفعل شكله حلو ...
    ومع ان بيت اهلي جديد الا اني خبرت امي عشان تسوي تغييرات في البيت و تحطه في
    المطعم لانه ما يوسخ مب مثل الفراش ..
    وبعد في غرف الصغار بعد عشان حسيت ان فراشهم صار ما ينفع مع انه جديد وقلتلها تحط من اللي يشبه الخشب...
    وهو عالعموم يتنظف بسرعه وبدون ما يتوسخ....
    انصحج اتحطينه في الاماكن العمليه الي انتي متأكده انها بتتوسخ بسرعه ...
    اما باقي البيت وخصوصا الواجهه(الصاله) فحاولي انج تسوينها من شيء افخم رخام اوغيره..
    والسموووووووووووحه..
  3. @danyh_1

    انا جربته ..... في غرف الاطفال والجلسه ...

    اتوكلي على الله وحطي منه ..:27:

    1 - مريح من ناحية الاطفال اذا طاحوا لاقدر الله مايتعورو زي السيراميك لانو سميك وطري ,

    2 - في الشتاء ماهو بارد مثل السيراميك علي الاطفال اذا مشيو من غير شراب ,

    3 - وفي التنظيف سهل ..
  4. @bsomh_1

    شوفي حبيبتي

    اولا انا اشوف ان الجرانيت لا يقارن بالمشمع

    الا اذا حبيتي تغيرين الارضيه بعد كل فتره

    اذا بتاخذين مشمع :-

    اذا مشمع قطعه وحده انصحك لالالالالالالالالالالا تاخذين قولي ليش

    اولا :- لان المشمع يمزع( يتمزق) وبعدين ما تقدرين ترقعين المكان
    ويصير شكله بايخ وترجعين تغيرينه كله
    ثانيا : - لو تنقلين شي علية راح يحتك مع المشمع
    ويصير خطوط سوداء وصعبه تروح

    (كلامي من تجربه)

    واذا انت تبغين مشمع >>>>>>>انصحك بالمشمع القطع قولي ليش

    اولا :- لأنها تشبه البلاط تجي مربعات وتتركب زي البلاط العادي
    ثانيا :- وبعد لو انمزع (تمزق) معاك اوصار فيه خطوط من اثر الاحتكاك
    ممكن تغيرين القطع الخربانه وتستبدلينها بالجديده ويصير الوضع عادي


    اتمنى لك التوفيق
  5. صاحبة الموضوع
    مشكورين حبيباتي :33: ............
    رومي
    سحابة خير
    دانية
    بسومة
    على تجاوبكم ويايه.....
    وشكلي باتوكل على الله وبحط المشمع اللي ديزاينه خشبي في غرفة الطعام عشان يمشي مع الطاولة الخشب ، أما غرفة الصغاريه باشوف اذا التصميم اللي على شكل سيراميك يمشي مع الديكور أو باحط ديزاين ملون شفته في المحل.
    تسلموووووووون لي
    :26:

تابعي تجارب أخرى من هذا القسم.