هل اطاوعها في الي تسوية معي أخاف من غضب ربي

السلام عليكم ورحمه الله وبركاته

لي وحدة اعرفها من أصدقاء العائلة ماهي متزوجه وعايشة مع امها وكبيرة عمرها 37 سنه
ومن يوم ماعرفناها وهي تعزني كثير وتفضلني على الكل رغم عصبيتها وشدتها الي انها معاي طيبة
وانا عمري 24 سنه وانا بيضاء وهي سوداء
وجاء يوم من الايام وقالت لي
( ابغاك تفهميني زين انا اعزك كثير وافضلك على الكل (ماهو اعجاب ووقوع في الحرام) لا انا في عاطفه الامومه وانا اعزك من هذي الناحية اعتبرك زي بنتي لانك صغيرة وشكلك بريء مرة زي الاطفال وانا اعتبرك بنتي واحبك واهتم فيك لااكثر ولا أقل عشان بكرة النهار ما تزعلين وتفهميني غلط وأنا أحبك في الله )
والصراحة انها تضمني على صدرها وتسلم علي كانها تتعامل مع طفل صغير تدلعه الصراحة هذا الي شفته منها لا أكثر ولا أقل ابدا قارنت بينها وبين حركات الاعجاب الي يسونها البنات ما شفت منها ولا اي شيء وانا كمان حبيتها في الله

وبعدين فكرت قلت يمكن كل هذا حررررررررام الي يصير خفت ربي يحاسبني وقلت يمكن عشاني بيضاء اغترت فيني وحبتني

وما ابغى اكسر خاطرها والله ما شفت منها الى كل خير

يا جماعه ارجوك افتوني من ناحية الدين أخااااااااااف من عقاب ربي وزعله مني لان همي الكبير رضى الله سبحانه ابغى وحدة عاقله وفاهمه في الدين كثير انها تعلمني الصحيح:26:

54 تعليق 4,149 مشاهدة

شاركي في النقاش

سجلي الدخول لإضافة تعليق.

التعليقات

51
  1. @dr_albhryn_947

    إن شاء الله البنات يفيدونك اكثر بخصوص هالموضوع

    بس لو انه منك اخاااف منها يمكن هي تمهد لك بهالحركات حق شي ثااني وإنتي فاهمتني طبعاً
    ومستحيل راح تجي لك مره وحده لازم تمهد
    والله اعلم
    ما نبي نشك بالبنت
    بس إذا إنتي متضايقة من هالحركات قولي لها علشان تحط حد للسالفه
    لا بنت صغيره ولا اخت صغيره
  2. هي قالت لج تحبج في الله فليش الشكوك والوسواس يمكن لانها ماتزوجت وفيها عاطفة الامومة ومحرومة منها فتعتبرج بنتها طووولي بالج ولا تخلينه محدود لهالدرجة وخاصة تقولين انج ماشفتي منها شي!
  3. @alaaod_almnthor

    ما اعتقد ان قصدها شي
    وانا من صغري واعرف وحده الله ما كتب لها انها تتزوج وتكون ام وتحبني وايد وتحن علي
    لا تحرميها من هالشي ونعمه ان الانسان يلقى حد يحبه
  4. @ktrat_alnda_2

    حبيبتي أحسني الظن بالناس وبنفس الوقت كوني حذرة يعني مسكي العصا من النص والسالفة ما لها علاقة بلون البشرة

    وان شاء الله البنات يفيدونج من الناحية الدينية ويجيبون لج فتوى

تابعي تجارب أخرى من هذا القسم.