شاركي في النقاش

سجلي الدخول لإضافة تعليق.

التعليقات

126
  1. @lady_iris

    صاحبة الموضوع
    @@الجوري@@
    موضوع رائع يعطيك العافيه
    السلام عليكم...
    اشحالكم.. عساكم طيبين... اجازة سعيدة^_^

    يالسة اشرب هوت شوكليت بالكريمة:) <== لزوم الجو البارد

    بكمل معاكم ألحين عن التويليت أو كرسي الحمام (المرحاض) كرمكم الله

    ما يحتاي افصل لكم و اشرح كيف و اين و لماذا:22:

    بس بخبركم عن بعض الأشيا إلي يفضل أنج اتحطينها على هالكرسي

    في مكعبات زرقاء تشترينها من الجمعية و اتحطينها في خزان الماي تبع المرحاض
    شو فايدته؟؟
    كل ما تم سحب السيفون بيطلع ماي ازرق ... هذي المكعبات فيها مواد تنظيف و تعقيم و ريحته فريش.....
    شي ثاني يتعلق على الكرسي (من الداخل) .... أنا استخدم ماركة Duck و هو روووعة و كل ما تم سحب السيفون يطلع رغوة ريحتها نظافة و تعقيم.... في عدة أنواع... إلي بريحة الخوخ.. و ريحة الصنوبر...
    شي ثاني مهم جدا....... فرشاة تنظيف المرحاض.... هذي اساسية (بالذات لو الحمام يدخلونه الأطفال و يعفسونه فوق حدر!)
    مثل باقي اجزاء الحمام..... لازم يتم المحافظة على هذا الجزء من الحمام و هو خال من الرطوبة! انبوب الماي إلي يتم استخدامه بعد قضاء الحاجة ... لازم التأكد من نظافته و مسح الماي الزايد منه (أحيانا لما عيال خواتي يستخدمون الحمام... اقوم اغسله لو ان شا الله نص الليل!! الهوز (إلي هو انبوب الماي) اغسله و امسحه بالديتول!)
    و بالنسبة لكلينكس الحمام (الرول)... استخدمي نوعية تقدر تمتص الماي بشكل كبير... ابتعدي عن النوعية المعاد تصنيعها! أنا احب ماركة تنباع في كارفور... الكلينكس مالها يكون ملون... و نااااااااعم بشكل كبير.... و يمتص الماي.... اشتري ألوان اتناسب ألوان حمامج...
    ----
    نظافة كرسي الحمام..
    جيبي سلة (بتحصلين سلال بلاستيكية حلوة عند دايسو هالمحل الياباني)
    و اشتري هالأغراض و حطيها في السلة... هالسلة بتكون عبارة عن سلة تنظيف الحمام، احتفظي فيها بمخزن ادوات التنظيف عندج في البيت....
    بتحتاجين:-
    -ديتول
    -هاربيك (سائل تنظيف المرحاض)
    -قفازات بلاستيكية ديسبوزبل (إلي تستخدمينها مرة وحدة)
    -صابون تايد أو اريل (اشتري كرتون صغير، و صبي الصابون في عبوة بلاستيكية، لأن الكرتون بيتأثر بالرطوبة)
    -ملطف للجو (احب ملطف الجو من ديتول، ريحته نظاااااافة)
    -فوط تنظيف (خليها بسسس لتنظيف المرحاض!!) و يفضل اتكون من إلي تمتص السوائل بشكل كبير

    طريقة التنظيف....
    ألبسي القفاز، و جيبي طشت صغير صبي به مقدار من صابون تايد و معاه ماي، صبي جزء من هالماي إلي بالصابون داخل المرحاض، و استخدمي فرشاة التنظيف و ادعكي بالفرشاة... بعدين صبي سائل التنظيف هاربيك و ادعكيه مرة ثانية بالفرشاة... بعدين اسحبي السيفون... و صبي شوووية ديتول داخل المرحاض
    ألحين بالماي المتبقي (إلي معاه صابون تايد) نظفي السطح الخارجي للمرحاض باستخدام الفوطة.... لاتنسين الأجزاء السفلية المرتبطة بالسيراميك! و لا تنسين الجزء الخلفي من المرحاض... ردي بعدين امسحي هذي الأجزاء بالماي علشان اتشيلين اثر الصابون.... بعد ما اتخلصين... رشي ملطف الجو من ديتول...... و استمتعي بنظافة و لا في الأحلام

    وصلنا ألحين لأحلى جزء.... الشاور...

    انتظروني

    (بعد ما اخلص برد عليكم ان شا الله.. طولوا بالكم علي:26: )

تابعي تجارب أخرى من هذا القسم.