الموضوع مغلق
عندك مبلغ بسيط ودك يتضاعف خصوصا واحنا بالعشر من ذي الحجه
عموما بنات الدال على الخير كفاعله
انا اعرف اسره في عز هالبرد بيتهم مافيه غير الباب الرئيسي لمدخل البيت
اقسم بالله انهم يرجفون من البرد حتى دورات المياه ماعليها ابواب غير ورق كرتون
والارض فرشوا بطانيه وجلسوا عليها
وابوهم رجال كبير واهم اسرة كبيره
فياليت نتعاون ونجمع لهم قيمه ابواب وفرشه بسيطه
خصوصا ان عندهم بنت صغيره معاها الربو
ويشهد الله وملائكته اي ريال يدفع لهم راح يوصلهم
لاني عارفه ابوهم مع حالته يرفض ياخذ شي من احد
بس انا اعرفهم واقدر اساعدهم
فلا نبخل بالقليل او نستحي منه لان ممكن عشره على عشره
نقدر نجيب لهم باب يسترهم
وتذكروا قوله تعالى
(مثل الذين ينفقون أموالهم في سبيل الله كمثل حبة أنبتت سبع
سنابل في كل سنبلة مائة حبة والله يضاعف لمن يشاء والله )
اتمنى ما تخيبوني احنا شايفين البرد كيف صاير
هاليومين ومافيه شي يضيع عند رب العالمين حتى لو قليل
لا تستحي من تقديم القليل فالحرمان اقل منه
ولا نجلس نقول وش بتسوي لهم الخمسه او الريال
تراها تفرق مع ناس اذامافرقت معانا
واللي ما تقدر تساهم بالبسيط
على الاقل ترفع الموضوع
ولنكن كما قال -صلى الله عـلـيـــه وسلم-: (مثل المؤمنين في توادّهم وتراحمهم وتعاطفهم مثل الجسد إذا اشتكى منه عضو تداعى له سائر الجسد بالسهر والحمّى)