بسم الله الرحمن الرحيم..
اخواتي الفاضلات..
ترددت كثيرا جدا قبل قيامي بكتابة مشكلتي على صفحات المنتدى..
ولكن يعلم الله كم انا بحاجه الى النصيحه.. والكلمه الطيبه والمواساه...
فليس لي احد بعد الله سواكم...
ارجو منكم نصحي او على الاقل الدعاء لي ولو بظهر الغيب..
..
كم يعز علي ان اشكي همي على صفحات المنتدى.. احس بأي انشر همي على الملأ وان كرامتي -او ما تبقى منها- تتبعثر امامي على لوحه المفاتيح..:(
..
سادخل في الموضوع مباشره..
بسم الله توكلت على الله..
انا متزوجه لي ثلاث سنوات ونصف وعندي ابنه رائعه..مغتربه في بريطانيا بسبب عمل زوجي..
اعيش مع زوجي كاي زوجين احاول ان اجعل بيتي جنة هادئه .. وواحه امنه...
زوجي يحاول ان يسعدني بكل الوسائل والطرق..
وهو ولله الحمد زوج طيب وحنون ويخاف الله..
ولكن عيبه الكبير انه عصبي عصبي عصبي... والله عصبيه رهيبه ما تتصوروها...
اه يا قلبي...
اذا عصب يزعق ما فرقت معاه في سوق في مطعم في الشارع في البيت ما فرقت معاه..
والمشكله انه يعصب على اشياء تافهه والله تافهه جدا جدا...:(
اخاف احكيلكم تحتقروه..
واذا عصب يضربني وهذه هي المشكله الحقيقيه...
...
ما اعرف كيف اتعامل معاه.. يمسكني من شعري ويضرب راسي في الارض يرفسني يضربني باي شئ في طريقه...
يصير مجنون...خاصه اذا سبيته وهو يضربني يزداد جنون وشراسه..
...
اخاف اكرهه..
وبعد ما ينتهي من مجزرته الرهيبه يخرج من البيت ويرجع اخر الليل.. وينام..
وبعد كم يوم يتجنبني فيها واتجنبه ... يمسكني ويعتذر ويبكي انه معد يعيدها.. ويحلف ويقسم...
...
مره من المرات اتدخلوا الجيران.. دق جاري الجرس لبست شرشف الصلاه ونزلت فتحتله الباب ..قالي انتي طيبه تبغيني اناديلك البوليس؟؟
طبعا رفضت وقلتله كل شئ تمام دونت ووري..
بعدها طبعا فاق ورجع لعقله شويه وخرج من البيت...
...
وهذي اخر مره قبل يومين...
كنا من اروع ما يكون وقبلها بيوم جابلي بوكيه ورد وكنا نضحك من السعاده والسرور...
بعد الغدا طلع ينام ..وانا اتصلوا عليا شركه للهاتف منافسه للشركه اللي احنا بنتعامل معاها-ملاحظه:في امور التعامل مع الشركات البريطانيه زوجي عاده يخليني انا اقوم بكل الامور بس بعد مشورته -
المهم اتكلمت مع مندوب الشركه وقالي عرضهم وانه افضل من الشركه اللي احنا معاها بس بشرط نلتزم معاهم لمده سنه وعندي فتره شهر من استلامي (للويلكم باك) اني اغير راي وما علينا اي مسائله او غرامه..
طيب انا عجبني عرضهم وزوجي كان نايم فقلتلهم طيب ارسلولي الويلكم باك بالبريد ووانا اشوف اذا ما عجبني ارجع اكنسل العقد...
صحي زوجي وحكيتله.. والله العظيم يا جماعه بهدوووء .
اصلا ما سمع العرض حتى ثار كانه مجنون.. شئ مو طبيعي قالي كيف تتصرفي من غير ما تقوليلي؟؟
-والغريب انه انا اللي دائما اتصرف مو اول مره-
قلتله انه راح يتكنسل اذا ما عجبني الموضوع صار يصرخ..
وانا كرامتي ما استحملت عصبت ورديت عليه وقلتله انت منت انسان عاقل .. انت مجنون..هو زعل من هذي الكلمه وصار يقولي انتي ملقوفه ويزعق انا ما استحملت اسلوبه صرت اقوله خلاص اسكت ما ابغا اسمع صوتك اسكت..:09:
صار يقولي ما تقوليلي اسكت .. ويزعق..(ملاحظه انا عندي شغاله لها تقريبا خمسه شهور وما ابغاه يهينني قدامها)
اخذت كتابي اللي كنت باقرا فيه وجيت طالعه على غرفة النوم وانا في طريقي قلتله اصلا انت قليل...!
والله ما كملتها..
قالي ايش تقولي؟؟؟ انا ايش؟؟؟
وطلع ورايا وانا اجري واللي بعدها كانه فلم رعب ... والله اكتب وجسمي يرجف..
طلع يسبني ويسب اهلي وتربيتي -مع انه الحمد لله انا عائلتي من افضل العوائل وابويا مركز وهيبه وهو كمان عيلته ما اقدر اقول عنها شئ-
ولمن سب والدي الله يخليه رحت انا سبيت ابوه..!!
راح تفل في وجهي رحت ضربته كف..!!
وااااااااااه بعدها كسرني بهدلني ضربني بقوه وشده..
وخرج كالعاده من البيت.. وانا منهاره..
..
كلمت والدي واشتكيتله طبعا بابا قالي انا غلطانه عشان ضربت زوجي كف وهو كمان غلطان بس ايش يسوي..:(
طبعا هدا عليا وقالي يا بنتي انتي في غربه لازم تكبري عقلك وزوجك طيب وشغلي اقراي سورة البقره وصلي ركعتين واطلبي من الله خير ....الخ
طبعا ما استفدت الا اني حملت بابا هموم وهو ما بيده شئ ..الله يخليه لنا شكلي راح اجبله المرض من كثر ما اشكيله..لاني ما اقدر اشكي لغيره بعد الله..
ما اقدر اكلم امي واخواتي هم بدون شئ وهم شايلين على زوجي حاسين انه اخذني منهم وغربني وانا ما اتكلم عنه قدامهم الا بكل خير..
...
والله الغربه كربه لو كنت في السعوديه كان رحت على بيت اهلي بعزتي وكرامتي..لكن الحمد لله على كل حال..
..
دحين احنا ما بنكلم بعض وهو طول اليوم بره البيت يروح يجلس مع اصحابه..
وبصراحه انا من همي اعترف لكم اني انا برضه جانبني الصواب بس كنت ابغا افش غلي...ما اقدر استحمل انا كمان بشر مو حجر..
كل ما خرج ارسله رساله على الجوال: ( الله ينكد عليك الله يكسر يدك وينتقم منك):(
طبعا بعد ما ارسل الرساله اجلس في البيت مرعوبه وخايفه بس هو يطنشني..
...
كيف اتصرف دحين؟؟؟ ما ادري؟؟؟ والله ما ادري؟؟؟
ما ابغا اتطلق ولا ابغا اهدم بيتي اللي دائما احاول بكل قوتي اني احافظ عليه..
ما ابغا اخسر زوجي اللي رغم كل هذا احبه..
...
هذي ثالث مره يضربني فيها بهذا الشكل ..
اول مره كانت قبل سنتين ورجعت السعوديه زعلانه وابويا كلمه وهو بكي زي الاطفال وكانت ماساه وحلف انه معد يعيدها تاني .. وجا السعوديه واخذني .. ورجعت بكرامتي..
وثاني مره اللي اتدخل فيها جارنا كلمت بابا وهو عشان ما يبغا يكبر المشكله قالي نفس الكلام هذا وبعد يومين رجع زوجي واعتذر .. وصار يعاملني كاني اميره.. وسامحته..بس مو بسهوله بعد عناء وبعد ما خليته يحلف اغلظ الايمان انه معد يعيدها تاني.. وانه يحترمني وانها تكون اخر مره..
وهذه ثالث مره...وعادها..
..
تعبت والله تعبت من العصبيه والاستحمال .. تعبت من الكلام اللي بنت الرجال تصبر بنت الرجال...الخ وفي الاخير يسب ابويا والله انه من جد قليل ادب..
...
كيف اتعامل مع عصبيته.. كيف بدون ما اخرب بيتي؟؟؟
ما ابغاه يرجع يضربني تاني...
..
دحين بنتي صغيره كيف اذا بنتي كبرت؟؟؟
الافكار تراودني ليل نهار ..افلام ومسلسلات في عقلي...
انا منجد محتاجه لنصيحه .. عن تجربه وحكمه..
محتاجه الي كتف ابكي عليه محتاجه اهلي..
محتاجه امي ..
ااااااااه ياربي دموعي تنزل ماني شايفه الكي بورد...
يارب اللهم يا عالما باحالي وبما جرالي وبما نزل بي..اللهم يا سامع كل شكوى ويا شاهد كل نجوى ياعلم كل حفيه وكاشف كل كرب وبليه..
--انقطعت امالنا و عزتك الا منك ----- وخاب رجاؤنا وحقك الا فيك --
--ان ابطأت غارة الارحام وابتعدت ----- فاقرب الشئ منا غارة الله --
-- يا غرة الله جدي السير مسرعة----- في حل عقدتنا يا غارة الله --
-- يا غارة الله ان لم تدركي سحرا----- فادركي بالضحى يا غارة الله --
...
:( :( :(
شاركي في النقاش
سجلي الدخول لإضافة تعليق.
التعليقات
61- تعاطفت معك حين قرات البداية لكن عندما يصل الامر منك الى الشتم والضرب هنا تتعقد المشكلة
فكل ما يقوم به من حركات غير اعتيادية سواء في البيت او خرجه يشفع له فيهاسرعة غضبه الشديد الذي هو طبعه
وانت مالذي يشفع لك خاصة وانك تصفين نفسك بالكمال
ولم تشفي غليلك العلقة التى اخذها بل رحتي تلاحقينه برسالات الجوال و المسكين يتلافاك
اخيتي راجعي نفسك وسددي خطاك قبل ان تسددي خطاه هو
فان كان اخطا بضربك فقد اخذت حقك الصاع صاعين شتمتيه ثم ضربتيه ثم اشتكيتيه
و الان ماذا تريدين ...
ان صادفناه سنشد لك اذنيه - اسمحيلي حبيبتي والله إنت قوية وجريئة والله إنت غلطانة بصراحة،، في وحدة تسب زوجها وتضربه كف على وجهه!!!!! وتقولي أنك ما تريدي تتطلقي وتخربي بيتك ،، إذا لما تنوي على خراب بيتك شو بتسوي؟؟!!! صحيح هو في عيب وعيب كبير العصبية بس كل رجالنا من هالشاكلة ،، ما في رجل كامل،، والشاطرة فينا هي اللي تكيف نفسها على طباع زوجها،، والأشطر هي اللي تحاول تحسن من طباعه وما تيأس لحد ما توفق بين طباعها وطباعه للتخفيف من اتساع الفجوة بينهم!! بس أنها توصل معاك أنك تسبي وتسبي أبوه وتضربيه وكف على الوجه!!! أنت أصلا حرام عليك لو ضربتي بنتك كف فكيف بزوجك اللي الرسول عليه الصلاة والسلام قال لو كنت آمرا أحدا أن يسجد لأحد لأمرت المرأة أن تسجد لزوجها!!!! لما للزوج من حق علينا!!
أنا ما رح أعملك محاضرة،، بس والله أنا شايفة أنه مشكلتك بسيطة،، بقليل من التنازل منك والصبر ومحاولة فهم الطرف الآخر،، صدقيني ما في رجل بهالدنيا كلها غير قابل للمطاوعة،، تمي وراه،، حاولي معاه ولا تيأسي،، أهم شي لما يعصب اتركيه واختفي من وجهه،، ولا تقولي كرامتي وكرامتي،، ما بين المرأة وزوجها وأبو عيالها كلمة كرامة،، شفتيه معصب ومولع أبعدي عنه،، اتركيه لحد ما يبرد وتهدى أعصابه وكل شي يجي بالهدوء،، جربي أسبوع واحد بس حسني معاملتك معاه وشوفي كيف بيتغير ،، لو حابة تغيري زوجك ،، غيري نفسك أولا ،، غيري معاملتك له ،، ابدئي بالتغيير من عندك ،، والأمور بتنحل إن شاء الله،، الله يسامحك والله ماني مصدقة !! كف على وجهه!! والله كثر الله خيره اللي ما طلقك ،، هذا معناه إنه إنسان واعي وعاقل،، ومطنش مسجاتك وأنت تدعي عليه،، مو رايد يخرب بيته بإيده ،، خايف عليك وعلى بنته!! وأخيرا أنصحك حبيبتي بنفس نصيحة أبوك طول الله بعمره،، واللي غلطتي معاه أكبر غلطة لما خليتيه يقلق عليك بالغربة ورحت كذلك نقلتي له أن زوجك سبه!! الله يسامحك،، وأنصحك بنصيحته،، اقرئي القرآن في بيتك على طول وتأكدي هذه المشاكل كلها بسبب الابتعاد عن الله،، فاطردي الشياطين اللي أوقعت بينك وبينه حتى يتحقق الاطمئنان والسكينة في بيتكم ،، ألا بذكر الله تطمئن القلوب! - السلام عليكم
شلونج حبيبتي.... الله يعينج ان شاء الله ويهدي لج زوجج
حبيبتي هذي نصيحه عن تجربة انا زوجي عصبي جدا بس الحمدلله ما يضرب... بس انا هادية جدا معاه .. كان اذا عصب يقعد يصارخ الحين الحمدلله احلى من السمن على العسل بسبب طريقتي وياه شوفي اذا قام يصرخ اقوله ( شفيك حبيبي ، طيب حبيبي حياتي قصر صوتك ،، حبيبي تعوذ من الشيطان ) و شوي شوي يهدي
بس نصيحتي انتي لا تسبينه ولا تمدين ايدج عليه عشان ما تضيعين تربية اهلج وعشان ما تطلعين انتي غلطانه (شفتي ابوج شنو قالج ) اما مسألت الضرب حبيبتي لازم اهلج ما يكون موقفهم سلبي جذي لازم ابوج يكلمه ويعطي وعد ريال لريال واذا ما فاد لازم تقنعيه يروح لاستشاري نفسي صراحه زوجك مريض....
حبيبتي الله يهدي زوجج لج ويهديج لزوجك امين يا رب - والله ما بعرف شو بدي اقولك بس المهم الله يعينك علا جوزك بس والله يا اختي انه تسبي جوزك وتفي عليه وتضربيه وكمان تدعي عليه والله كتير انا بدعيلك بالصبر عليه يارب بس كمان انتي طولي بالك شوي ما في داعي للسب والضرب وخدي حقك بحاجه تانيه يعني قللي الخدمات شوي اهجري بالفرش وادعيله بالهدايه وانتي كمان اتجنبي استفزازه
- اختي الغاليه كان الله بعونك وازال همك
غاليتي حاولي مناقشه زوجك اقترحي عليه الذهاب الى اخصائي في علم السلوك حتى يستطيع السيطره على عصبيته وحلها .........
بالتوفيق لكما
مواضيع مشابهة
تابعي تجارب أخرى من هذا القسم.