هههههههههه مياسين الله يهديك ضحكتيني...
يعني تبغي تكوني انتي والشيطان عون عليا...
انا صح ضربته بس كنت غلطانه ترا الامور ما تمشي بهذي الطريقه...
مشكوره حبيبتي على الرد...
....
اخواتي مشروع فيلسوفه وهدوء بارك الله فيكم..
احبكم في الله والله اتغيرت حالتي ونفسيتي ميه وثمانين درجه بفضل الله ثم بفضل ردودكم والاخوات ودعواتكم الصادقه بارك الله فيكم...
اختي هدوء انا مو خايفه انه يرجع يضربني تاني في الفتره الحاليه انما اعرف بزوجي هو دحين في مرحله الندم ما راح يسويها تاني لكن.. ممكن بعد ما يتنسي الموضوع نرجع زي ما كنا للعصبيه اللي مالها لزمه..
يعني ممكن بعد ثلاثه اربعه شهور ما ادري حسب مزاجه...
...
انا ما ابغا اني اصير زي الحريم اللي ينضربوا كل فتره على الطالع والنازل...
ما ابغا يستهين بيا ويقلل من احترامه ليا..
هذي ثالث مره..!!!!
كيف اتعامل معاه لمن يجي يعتذر كيف اخليه يتادب- وقبل ما تهزءوني انا كمان عارفه غلطي واتادبت- خلاص كفايه تهزيء فيا انا عارفه غلطي بس هو كمان غلطه اكبر وافدح...
..
انا لمن كلمت بابا وقلتله قالي لو انتي ما غلطتي ومديتي يدك وجادلتيه كان انا عرفت اتصرف تصرف رجال..
كان جبتك السعوديه وما ترجعيله الا اذا اعتذر وتعهد امام شهود في مجلس رجال انه معد يعيدها تاني ولا يمد يده عليكي ابدا بس انتي اخذتي حقك بنفسك باي وجه انا اتكلم معاه...وكمان سبيتي ابوه..
الله يهديني ...
...
عموما...
اللي شاغل بالي دحين كيف اتصرف معاه لمن يعتذر هل اخليه يحلف على المصحف؟؟؟ ولا اطنشه ولا اسامحه على طول؟؟؟
ما ادري؟؟؟
محتاره..
...
سبحان الله مغير الاحوال والنفوس كانت نفسيتي في اسفل الهاويه .. والحزن اعمى بصيرتي .. والان افكر بتعقل وتفاؤل... بارك الله في اناملكم الذهبيه .. واقر اعينكم بالسعاده والتوفيق في الدنيا والاخره...
..
والله احبكم في الله .. واحب هذا المنتدى ...
جزاكم الله كل خير
زوجي عصبي ويضربني .. فهل من حل ؟؟..او نصيحه؟؟.. اودعوه بان يفرج الله همي؟؟
متابعة النقاش، صفحة 5