الله يسعدكم تساعدوني اني اكمل هالديكوباج بس سؤال

السلام عليكم اخواتي ....انا امبارح شريت مناديل للديكوباج بس اشرحولي بالتفصيل شو اسوي وشو نوع الغراء انا عندي الغراء الابيض...ينفع؟؟؟وكيف استعمله؟؟ و ما رح يخرب المنظر و الصورة لانه لونه ابض
ومية الف مليون و عشر مليارات شكر الكم

7 تعليق 945 مشاهدة

شاركي في النقاش

سجلي الدخول لإضافة تعليق.

التعليقات

7
  1. هلا عيوني

    بتجيبي الغرا الأبيض وبتدهني طبقة على الشيء المراد عمل ديكوباج عليه

    بعدين بتحطي المنديل يعني الرسمة على الغرا ياللي دهنتيه

    بعدين ابتدهني طبقة غرا فوق الرسمة

    يعني هلأ صارت طبقة غرا فوق الرسمة وطبقة تحتها

    وابتتركيها لحتى تنشف منيح

    ما تخافي ما ببين الغرا بس ينشف بيصير يعني شفاف مو باين شي والرسمة بتكون واضحة منيح وحلوة ولا كإنو مدهون علهي اشي

    المهم انتي بعد ما تخلصي بقطنة صغيرة ابتمسحي الغرا الزايد ياللي بيكون خارج الرسمة بس من باب التنظيف

    وإنشالله تكوني افهمتيني
  2. @romee

    وعليكم السلام
    الرجاء قراءة مواضيع الفهرس عن الديكوباج
    وبعدها اي سؤال احنا حاضرين

    وعن اسئلتك:
    نعم الغراء الابيض ينفع

    ونستعمله مخفف قليلا بالماء

    وما راح يخرب المنظر بلونه الابيض لانه بعد الجفاف يصبح اللون شفاف
    في انتظار اعمالك بشوق

    وفقك الله
  3. أختي hh-29 الأفضل يكون مناديل ديكوباج وان ما اتوفر ممكن تجيبي أي رسمة على اي ورقة بس تكون سماكتها رقيقة حتى ما تبين بعد الديكوباج كانها ستيكرز

    وان كانت عندك مثلاً صورة لطفلك وحابة تعمليها بهالطريقة ممكن تخففي من سماكتها بنقعها بماء ساخن اشوي وبعدين بالراااااااااااااااااحة واشوي اشوي حاولي اتخففي من الطبقات ياللي خلف الصورة حتى تصير رقيقة أكتر وبس تنشف اعمليها بطريقة الديكوباج راح تزبط انشالله

تابعي تجارب أخرى من هذا القسم.