شلة الفراشه الماسيه((اطفالنا اكبادنا 5))

مشكورة أختي أم نفل على سعة صدرك وأجابتك على اسئلتي .

بس معليش مافهمت النقطة هذي معليش مخي متنك تحمليني ((المعيشه بدبي يا طويلة العمر مو مثل السعوديه ابدا غاليه هنا حيل تخيلي الحين هذا الشهر محمد بن راشد وش سوى الدخول بضريبه اربعه ريال يعني تتمشين بسياره ما فيه تخيلي بتروح فلوسك ....

أهلين أختي أم جمانة أنا صار لي كم ليلة وأنا أدخل ماسنجر بالليل للفجر علشاني أصوم وأسهر علشان أتسحر وأصلي الفجر وأنام على بركة الله ومالقى أحد .حتى لاحظي ردودي كلها في الليل .بس أنتن وينكن ؟؟

ام اماني

ترا دفايه الغاز اتدفي زيييين اكثر من الكهرب بكثير

يقول مره زوجي ان اخذها معاه للبر وشغلها بالخيمه وهم نايمين بالليل لا فرش ولا عوازل بررررررر
قال احترينا وشلنا البطانيات

ام جمانه

شفتي الخيال يالله الحلم ببلاش

بالنسبه لكيف اتعامل مع رسيل اطنشها ما اضحكلها ولا اهاوشها ولا اتلفت عليها اللين تهدا اعطيها الي تبي ابغاها تعرف انها ما رح اتحصل على حاجتها بالصراخ


ام غلا

الله يشفيه ويصبر امه
يالله علمينا الي طلع فيك برد والا حمل


رحت امس لعثيم مول

يحوم الكبد ليش مو منزلين بضاعه للعيد ما ادري؟!

السلام عليكم بنات
شخباركم وشخبار عيالكم والبرد وياكم

انا الحمدلله بس برداااااااااااااااااااااااااااااااااااااااااااااااااااااااااااااااااانه
شقتنا قريب من البحر فالدنيا برررررد
ومثل ما قالت ام رسيل دفاية الزيت تدفي بس ما احب اشغلها لان حمادي دايما يبي يلعب فيها

من زمان ابي اكتب رد طويل بس ما عندي وقت
خالتي سافرت الحج والخدامه سافرت من زمان وانا اللي اقوم بالشغل في بيت خالتي طبعا مو كل الشغل بس يعني زادت مهماتي وخصوصا الطبخ كل يوم تقريبا عشان جذي ما اقدر وخبركم ندخل المطبخ بالساعات

حمادي الحمدلله زين مع ان الكحه للحين والعنقز خف عنه قاعد الحب يتقشر وقالوا لي الحين يعدي ادعوا ما يعديني:( اهو عدا ولد عمه وانا انتظر كل يوم اقول ما طلع في جسمي شي خايفه والله

انوار عسى ما شر ان شاء الله صرتي احسن
ام رسيل
عشت الحلم وقلت الله على ماليزيا خاطري ازورها مره ثانيه مع اني رحتها وانا حامل وكنت اقل شي يدور راسي بس خاطري ازورها مره ثانيه
تصرفات رسيل مثل ولدي لا وتدرين شنو زوجي يقول له حمادي خلنا نهجم على الماما ويشوف ابوه ماسكني يجي هو يشد شعري وكأنه يعضني بس كمزح لان يضحك ضحك وانا اصيح واهاوش زوجي اقول له انت اللي تعلمه هالحركات
موته يشوف احد نايم اللي نايم يهجم عليه لا واحيانا يضحك ىعلي يجي يحضني ويقول بوسه اممممممممممممه امممممممممممممه ويكشر عن انيابه ويعضني عاد انا ما اسكت عنه زوجي يقول انتي شديده معاه وانا اقول انت اللي ما تعطيه قواعد يمشي عليها واذا كبر بتشتكي منه اقول له انت الرجال انت الشديد المفروض مب انا بس هالزمن الرجال الرقيقين والنسوان الشديدين من كثر ما نقاسي الله يساعدنا ويعينا

انجل ما شاء الله على ولدك كمل السنه او لسه؟؟؟
ودايما يقولون الاولاد اسرع في الحركه والبنات اسرع في الكلام وانا انتظر البطل يمشي هو يخطي كم خطوة ويطيح


البنات الباقي سوري اذا ما رديت عليكم لان راح عن بالي اللي ابي اكتبه

وبالنسبة للدورة كنسلتها واذا راح البرد ان شاء الله اسجل مره ثانية


بنات ما تدرون عن بطني يوجعن؟؟؟ اختفت مره وحده عسى المانع خير

يالله اخليكم اشوفكم على خير
اتحملوا باعماركم وباطفالكم وبازواجكم

في امان الله

صباحكم احلى صباح يا حبايب قلبي.......

ام منوه يا عمري الاسعار هنا غاليه حيل اي شيء بفلوس يعني لو الود ودهم كان حتى الكلام بفلوس
تخيلي العطورات فيه عطر من شنيل اخذته من السعوديه 280 ريال وهنا 400 ريال وغير المكياج وغير البنزين اللي يكسر الضهر وووو وزياده على ذا كله الحين لما تبين تدخلين دبي انا ساكنه بعجمان يا عسل بس عشان اوضح لك السالفه يعني لما نروح دبي نتمشى ندخل بفلوس باربعه ريال يعني نشتري بطاقه ب100 ب200 اي شيء لو 1000 المهم كل ماندخل دبي بواسطة اشعع مثل الرادار يسحب 4 ريال من رصيدك فهمتي كيف واذا ماعندك طبعا بطالقه تكتب عليك مخالف يعني كل ماتبين تجديدين السياره اوتسافرين فيها نلاقها في المخالفات يعني ما فيه مفر :eek: فهمتي عيوني ادري كثرت عليك وغير كذا السكن نار اقل ايجار شقه غرفه وصاله 20 الف وبعد شقه تمشي الحال بس الحمد الله على كل حال انا بشقه حلوه غرفتين وصاله وخالتي بفلا ملكه بانينها هم احسن بس كلفتهم مليون ونص يعني غلا غير طبيعي هنا .....وطبعا لما سوو دراسه على اغناء دول العالم طلعت دبي 2 دوله........تعبت يدي من الكتابه

بنات راح توحشوني بكره بروح بيت خالتي بعيد عندها زوجي بيروح السعوديه راح توحشوني عيدكم مبارك قبل الزحمه