شاركي في النقاش

سجلي الدخول لإضافة تعليق.

التعليقات

9,185
  1. @rym_57

    رجعت لكم
    الصراحة عجبني الموضوع وفكرت بيني وبين نفسي كثير اسويها ولا ما اسويها بالصراحة انا خايفة من العملية والبنج 0 وخاصة موضوع سعاد نصر واللي صار لها خوفني وايد
    المهم رحت وكان موعدي في شهر 7 الفائت
    يوم دخلت المستشفى وجاني خوف مش طبيعي وصليت استخارة وقلت باتوكل على الله
    قبل العملية تقريبا بنص ساعة قلت للمرضة انا فيني زكام ودقات قلبي سريعة ما يأثر على العملية وبيني وبينك من الخوف اللي فيني راحت وخبرت الاستشاري جاء وقالي احنا الحين ما نقدر نسويها يمكن شوي تعبين من العطاس والظاهر شكله عارف اني مترددة ويبي يعطيني فرصة للتفكير وقالي خلاص بنتصل فيك في اقرب موعد 0
    ولا اتصل المهم جددت الموعد وكان موعدي بعد رمضان
    المهم في رمضان والعشر الاواخر دعيت ربي اذا كان الامر خير لي سهله لي وان كان شر لي فابعده عني 0
    رحت الموعد المحدد لي كان يوم الخميس30/11 قلت اكيد بيعطوني موعد في الصيف لانكم تعرفون مواعيد الحكومة خاصة ان موعدي السابق ما جاء الابعد يمكن 8 شهور
    يوم دخلت على الدكتور ويفاجأني تقدرين تسوينها الاحد 3/12 بصراحة انصدمت , قالي وحدة اعتذرت عن العملية واحنا اسفين ما اتصلنا فيك طول هالمدة 0
    خواتي تخيلوا موقفي من الخوف المهم قالي الحين تدخلين علشان تسوين الفحوصات اللازمة ويوم السبت ترجعين علشان نسويها يوم الاحد 0
    ولا خبرت الا زوجي فقط ولا اهلي ولا اهله ودعيت ربي كثير يسهلها لي
    اخيييييييييير




    سويتها











    يعني أكشن










    المهم سويتها














    اول اسبوع تعبت ما اقولكم بصراحة شي مؤلم , وتأثير البنج متعب


    بس ياسلام على النتيجة



    بصراحة شي حلو احساسك بان بطنك مشدود

    وكل من شافني وما يعرفون اني سويت العملية مستغربين من الرشاقة



    والله ما كان مخرب علي الا هالبطن ومعطيني شكل قرف


    الحين لي 3 اسابيع وصرت البس بدل من زمان مكنت البسها

    صرت احب اشوف نفسي في المراية
    اول كل ما اشوف نفسي اقول امحق كرش تفوه على هالخشه؟؟؟؟؟؟؟؟؟؟؟؟؟؟؟؟؟؟؟؟

    ما تتخيلون رحت امس المعرض ولا التفت صوب الجلابيات اللي اول من ادخل اروح صوبهم

    الحين اروح اطالع البلايز بصراحة شعور جميل اتمنى كل خواتي في المنتدى يسونها بصراحة تغيير جذري في حياتك

    وازيكم من الشعر بيت الدكتور يوم رحت له هالاسبوع قالي بعد بطنك بينشد كثير لان فوق المعدة شوي انتفاخ .
    بس لازم البس المشد لمدة شهرين ما افصخها الا عند الاستحمام

    ونصحني بتقليل الاكل حذرني من حمل اشياء ثقيلة

    ان شاء الله افدت الجميع واي استفسار انا حاضر

    نسيت اقولكم اني خسيت مع العملية تقريبا 5الى 6 كيلو
    اول ما طلعت من الستشفى بس الحين ما ادري لاني خايفة لاني في المستشفى ما كنت اكل نهائي من التعب بس هاليومين اكل طبيعي بس ناوية اسوي نظام تخفيف علشان تكون النتيجة ممتازة
    وسلامتكم
  2. الحمد لله على السلامه اختي ريم
    ومبروووووك نزول الوزن والنتيجه الحلوه :)

    اشكثر صار لج من سويتي العمليه ؟
    وسويتها في مستشفى حمد ولا رميله ؟
    واذا ممكن عند اي دكتور ؟
    واثر العمليه واضح ؟ ولا لا ؟
    والعمليه تعور ولا لا ؟
    واسمحيلي على كثرة الاسئله
  3. @bnt_alsoryh

    السلام عليكم

    ماشاء الله تبارك الله

    يارب تكون خير لك وتتمتعي بالصحه والعافيه على طول

    وعقبالنا انا ودي اسويها بس افكر بالحمل كيف بتمون لو سويتها ثم حملت ؟؟

    الله يكتب لي الي فيه الخير ويرضيني فيه
    سمعت انه احيانا مكان العانه ممكن يتغير لو كان الشد مبالغ فيه
    ريم عندي سؤال صراحه بس ماحبيت احطه في الخاص ودي البنات يستفيدون معي

    سمعت انه احيانا مكان العانه ممكن يتغير لو كان الشد مبالغ فيه
    هل هالشي صحيح
    وهل شد البطن يشد منطقة العانه اذا حدث فيها ترهل مع النحف

    شكرا لك ريم وموفقه
  4. @bnt_alsoryh

    الثلاثنيه انا بعد مسويه مو قيصريه الا قيصريات

    والحمدلله على كل حال
    بس اعرف واحده صاحبتها مسويه شد بطن وتقول ان العانه تغير مكانها ويوم سألت الدكتور قال ايه ممكن اذا الجراح مو شاطر

    بس طبعا القيصريه غير عن الشد وبعدين ليه من الحوض للحوض؟؟؟
    انا فتحه ماتتعدى شبر
  5. هلا اختي الثلاثينيه :)


    كنت متردده والله بين التحوير وبين الربط
    وسألت الدكتور التمياط فالمنتدى
    قال لي التحوير افضل
    وفي آخر موعد سألت الدكتور اللي بيسوي لي العمليه
    قال لي التحوير خلاص ما يتغير
    لكن الربط في اي وقت تقدرين تشلينه
    ومظاعفات التحوير اكثر من الربط
    قال لي الربط عمليه بسيطه .. بس التحوير لا
    ومن مظاعفات التحوير هشاشة العظام
    وقال لي لو سويت التحوير اتم طول عمري اخذ فيتامينات
    بصراحه خفت .. انا من قبل الربط سبب لي مشكله .. والحمدلله شلته
    قلت مع التحوير ما بقدر اسوي شي .. بس لو صار لا قدر الله شي من الربط
    اقدر اشيله في اي وقت :hahaha: وتوته توته خلصت الحدوته :p