:::مكيـــــاج العــــــيد مــــــع *الجوهرة* خـــــطوة بخــــــطوة بالصـــــور:::

السلام عليكم ورحمة الله و بركاته
يسرني خواتي اقدم لكم ثاني درس للمكياج و طبعا هالمرة مكياج العيد ....... علشان تستفيدون هالايام و تجهزون للعيد اذا عجبكم المكياج طبعا .... و اذا ما عجبكم خبروني و انقدوا على راحتكم لان روحي رياضية و اتقبل اي انتقاد بشرط يكون بناء مش هدام ينزل من معنوياتي و انحبط و اترك المكياج خير شر و لا ارد له <<<<<<<<< :eek: يووووه كل هذا

في النهاية الناس اذواق و احترم جميع الاراء ..... و يعلم الله ان هدفي من الموضوع افيد شريحة كبيرة من البنات ....... و يستفيدون ولو بجزء بسيط من مواضيعي .........

المهم يا أخواتي ....

نبدأ بسم الله .......



الأدوات المطلوبة :
علبة ايشدو كلاسيك المخملي
كحل كريمي من ماك ( أسود )
دايموند باودر من ميك اب فور ايفر ( أبيض )
ماسكرا هيبنوس من لانكوم ( أسود)
فرشاة اسفنجة صغيرة
فرشاة رفيعة للكحل

طبعا أولا تنظفين ويهج تماما من أي أوساخ أو مساحيق سابقة
ثم تحطين الاساس اللي عندج ( أنا استخدم اساس ديفينورا من جيرلان او ماكس فاكتور اللي غطاه ازرق + بودرة ديفينورا من جيرلان او بودرة كانيبو حسب المزاج كلهم حلوين و انا افضل شخصيا جيرلان ) او مرات افك عمري و اختصر و استخدم ديرماكول من غير بودرة او اساس تغطيته روووووعة << ناسبني شخصيا مادري اذا يناسبكم >>

بعد ما تخلصين من الترتيبات كلها و ترتبين حواجبج بقلم بني غامق او اي منتج اخر .....
نبتدي بالعين :



العين جاهزة و الحواجب مرتبة ............




نجيب علبة كلاسيك اللي فيها 28 لون و انا اخترت لون تركواز مع الفضي .... ممكن تختارين اي لونين يناسبون لبس العيد ... و يفضل واحد غامق و الثاني فاتح .... الغامق للزاوية الخارجية و الفاتح للداخلية ....... ومثل ما مبين في الصورة نحط اللون التركواز على الجفن المتحرك من الخارج الى نص العين ........



ثم اللون الفضي نضعه من الداخل الى النص و نحاول ندمج بين اللونين في النص ... على فكرة انا استخدم صبوعي مع الشدو المخملي ارتب و احلى و الالوان تكون اوضح و الدمج يكون احسن و اسهل ....




مع التركيز نحاول نرسم العين بالكحل الكريمي و الفرشاة الرفيعة .... بحيث نرسم اولا فوق العين و نلاحظ في الزاوية الداخلية للعين راس حاد أحلى و حتى الزاوية الخارجية يبتدي الكحل يسمك و من ثم نرسم تحت العين من نص العين الى الزاوية الخارجة و نترك تماما النص الثاني الى الزاوية الداخلية لا نرسمها بالكحل فقط من نص العين الى الزاوية الخارجية و نحاول ان نمد الكحل للخارج مثل ما مبين في الصورة .... و نلاحظ التركيز اسفل العين من الزاوية الخارجية نحاول ننزل الكحل للاسفل شوي يعطي العين وساعة أكثر و حلاه ....... مادري اذا شرحي واضح اذا ما فهمتوا اسألوا و اعتقد الصورة واضحة .......


يتبع

39 تعليق 3,923 مشاهدة

شاركي في النقاش

سجلي الدخول لإضافة تعليق.

التعليقات

39
  1. @algohr_2

    صاحبة الموضوع


    نأتي الى نقطة مهمة جدا ... الدمج .... باستخدام فرشاة الاسفنجة الصغيرة نحاول ندمج الكحل مع الشدو التركواز من الاعلى بحركات للأعلى و في نفس الوقت نحاول نمسح الكحل السفلي للخارج اي نمده للخارج على امتداد العين و بطريقة نظيفة و مركزة حتى ما نخرب الشغل كله .... للاعلى و للخارج و هكذا حتى يطلع لنا بالشكل المطلوب ..........



    بعد ما خلصنا الدمج نجيب البودرة العادية اللي نستخدمها للويه اي بودرة تستخدمينها نحط شوية منها على فرشاة نظيفة اي فرشاة تستخدمينها و نحاول نمد تحت الكحل السفلي و للخارج بهالطريقة تنظفون مكياجكم و يطلع مرتب أكثر ...... فقط من تحت تسوون هالطريقة .......
    ثم نجيب دايموند باودر من فور ايفر و هو باودر لماع تحطينه على عظمة الحاجب ......فوق الشدو التركواز و الفضي ... شوي شوي حتى يثبت ......



    أخر شي تحطين الماسكرا ............. فوق و تحت ..................




    و خلصناااااااااااااااااااااااااااااااا :09: :)


    الشكل النهائي




    اسمحولي اذا شرحي مش واضح و اسمحولي على رداءة الصور لان اضاءة بيتنا ابدا ما تساعد ... اضاءاتنا كلها رومانسية :22: <<<< ترقع السالفة .............

    و لا تنسوني من دعواتكم و أهم دعوة ان الله يرزقني الذرية الصالحة و يثبت حملي و يتمملي على خير ........... :26:
  2. @shgn_10

    روعــــــة
    الطريقه وايد حلوة وسهله وتطلع حلوة على العين ..
    تسلم يدج على هالدرس ..
    والله يتمم حملج ان شاء الله ويرزقج بـ بنوته حلوة او ولد ..
  3. يسلمووووووو عزيزتي الـ ج ـوهـرهـ
    شرح ولا احلى
    ربي يعطيك العافيهـ ..

    الله يحقق مراداك و يتمم حملك على خير يارب وتقومي بالسلامه ..
  4. @am_sloh

    الله يرزقج الذريه الصالحه و يثبت حملج و يتمم لج على خير

    مشكوووووووره على المجهود الرائع

تابعي تجارب أخرى من هذا القسم.