بنات مصر في الغربه

أنا عندي فكرة يا رب تعجبكوا إيه رأيكم بمناسبة إن أحنا داخلين على سنة جديدة ( السنة الهجرية طبعا)
أن كل واحدة تشوف أي طاعة معينة هي مقصرة فيها وتبتدي تعملها وتحافظ عليها مثلا اللي مش محافظة على الصلاة في أول وقتها تبتدي تروح تتوضأ مباشرة بعد سماع الأذان ..... أو مثلا واحدة مش مداومة على صلاة الضحى ..... أو واحدة مش مخصصة كمية معينة لقراءة القرأن تبتدي تخصص لها ورد معين تنتظم في قراءته يوميا مهما كان مشاغلها .......أو السنن الرواتب أو تقصير في صلة رحم أو في الحفظ أو أو أو... في أشياء كتيرة أكيد الدنيا شغلانا عنها مع إن ربنا ما خلقنا إلا لنعبده ( قال تعالى وما خلقت الجن والإنس إلا ليعبدون )
إيه رأيكم في الفكرة المجربه دي أنا أول ماجربتها بدأت في المحافظة على صلاة الضحى وفعلا بعد ما كنت أصليها حسب الظروف بقيت مواظبة عليها وفي السنة التي بعدها شفت حاجة تانية وهكذا

عايزة رأيكم ( أحسن أزعل .............. أه صحيح إحنا قلنا ما فيش زعل )

سهلوله اوافقك فى الراى يالها من فكره رائعه وتزيدنا قربا من الله سبحانه وتعالى

وانا نفسى اداوم على صلاة الضحى لانى بقطع فيها ودة مزعلنى من نفسى

كلبوزتي أنا فرحانه قوي إنك رديتي عليا
بالنسبة لصلاة الضحى إليوم اللي بصليها بحس براحة كبيرة طول اليوم وبركة في كل حاجة الله يعنا على طاعته