المضيفة المصرية *5 اتفضلى اشربى شاى وخديلك &#1

السلام عليكم
كل سنه وانتم طيبين وعيد سعيد عليكم جميعا
وان شاء الله السنه الجايه احسن وتتحققوا جميع امانيكم يارب

انا معك يا امل اول يوم يكون عند اهل الزوج (ولو اني مش عارفة ليه يعني اشمعني) بس العرف كده فقلنا ماشي لكن السنة دي ماما اول سنة لها في مصر واهل زوجي على طول معانا يعني خدي عندك يا ستي الوقفة يوم الجمعة اللي بنروح فيه عندهم
يوم السبت اول يوم العيد عندهم
يوم الأحد تاني يوم العيد عندهم علشان عيد ميلان ابن اخته وعزمانا من اول اليوم
والعيد اللي فات كان اول يوم عندهم وتاني يوم عندي عيد ميلاد ياسمين

انا اجازتي الوحيدة الكبيرة هى دي نفسي اخرج في العيد اسافر زى باقي الناس وباقول اوكي علشان خاطره وباباه وكله عند ربنا
بس بقى حكاية البيات دي انا اكرهها عمري ما عملتها ومش باستريح الا في بيتي وعلى سريري يا بنتي مش باعرف انام ولا اعمل حاجة
ده غير بقى انك طالما موجودة اخواته البنات بكبروا ويسيبولك انت البيت يعني لو رحت بدري هامسك الموال من اوله الفطار والطبخ ووقفة المطبخ حلد ما ييجوا براحتهم
وعلى فكرة هم بيروحوا عند باباهم آخر يوم العيد زى ما انا كنت عاوزة اعمل مع ماما

ولا يهمك يا امل اهم حاجة تعملي تفاهم مع زوجك فهميه بالراحة

انا حاولت في العيد الصغير لكن هو زعل وكانت خناقة، بعدها اقتنع بكلامي لكن المرة دي مش هاعمل حاجة ولا اقول حاجة ومفوضة امري لله يدبرهالي

فاهمة كلامك و حاسة بيه و الله يا فاطمة، لان حصل معايا نفس الموقف العيد اللي فات و ماشيين من عندهم بخناقة و زعل و نكد و قضينا يومين بعدها في جدل في نفس النقطة، باحاول اعمل زي ما انتي بتقولي بس كتر الزن بقى بيعمل بلاوي.

مش قادرة اقول غير اني اصبر و احتسب و الحمد لله على كل حال. ربنا يعدي ايام الاجازة دي بس على خير و من غير استفزاز يا رب، دي اكتر امنية باتمناها

ياللا كل سنة و انتي طيبة، خلينا ننسى الوش ده و نفتكر حاجة عدلة بدل شيل الهم. بوسيلي ياسمينتي الجميلة و كل سنة و هي طيبة و زي الفل

امول وفطومة صلوا على النبى ومتفكروش فى البلى قبل وقوعه متنكديش على نفسك يا امل للدرجة دى وقلتلكم كبروا مخكم ومعلش يا امل فى داهية الدولاب وفى داهية الصيفى على الشتوى ركزى مع جوزك ومتخليهوش يزعل منك فى العيد علشان متبقيش انتى النكدية بالرغم ان انتى وفاطمة ربنا يكملكم بعقلكم بسم الله ما شاءالله بتفكروا صح وعداكم العيب فى كل كلمة لكن معلش روءوا وعيدوا علشان خاطرى
على فكرة واضح ان الناس ضرباه النهاردة اجازة لان الشوارع فاضية انا رحت رمسيس ورجعت فوريرة عن اذنكم بس حعيد على رانيا













تعالى يا ست رانيا شوفى البيبى ابن ال ....... عامل اية فى مدامات المنتدى

حسبى الله على البيبى وعلى اللى خلفته :hahaha: :hahaha:

يا امل ويا فاطمة ويا ام شهاب انا عايزة بس اهديكم من ناحية اجوازكم كل اللى انتوا بتمروا بيه فى العيد والله والله والله لو فتحناه دلوقتى حتبصى تلاقوا كل مدامات المنتدى زيكم بالضبط زى ما يكونوا الرجالة مصيرين مش مخيرين ووالله والله والله ان العيد بييجى على ستات كتيييير وهما بيعيطوا يعنى مش انتم بس انتم بس صلوا على النبى وعدى يا ليلة وبلاش ولاعتاب ولا خناق من فضلكم
طب حقولكم حاجة واقسم بالله العظيم حصلت انا اعرف واحدة كانت ايام العيد دى مقدسة لاهل الزوج المهم كانت دايما ايام العيد تقضيها عندهم وهى محرجة من اهلها لتقصيرها معهم المهم ولما كانت تناقشه كانوا يتخانقوا المهم حماتها ماتت ولما جة اول يوم العيد راح جوزها دابب خناقة لوش الصبح انه لما كانت مامته عايشة كانت هى دايما بتنكد عليه فى العيد ويضرب بوز طول ايام العيد علشان ميروحوش عند اهلها عندا فيها

وحسبى الله ونعم الوكيل فى البيبى وامه :hahaha: :hahaha: