اصبغى شعرك بالبيت كالمحترفين

ازيكم بنات عاملين ايه كل سنة وانتم بخير
قريت كتير عن البنات ومشاكلهم مع الصبغة وازاى الالوان بتطلع غير اللى عايزينها
انا من العام الماضى فى عيد الاضحى رحت مع زميلتى للكوافيرة علشان تصبغ شعرها
وحاولت اركز معاها اوى علشان اعمله انا بالبيت هى الطريقة صعبة شوية بس فى النهاية بيطلع رائع مش هطول عليكم بس انا اول مرة اشرح فهشرح على قد ما اقدر واى نقطة معرفتش اوضحها اسئلونى عنها وانا هرد عليكم ان شاء الله
الخطوة الاولى اختارى لون الصبغة نفس اللون اللى انتى عايزاه مش افتح ولا اغمق
الخطوة التانية تجيبى بودرة التشقير وتعجنيها ببسلم الاكسجين وتحطيها على شعرك لغاية ما يفتح شعرك خالص ويبقى اشقر وللتسريع غطيه ببونيه الشعر ومررى عليه هواء ساخن من بعيد
الخطوة التالتة تغسلى شعرك جيدا وبعدين تعمليله حمام كريم لمدة 5او10 دقائق وتغسليه بالماء فقط
الخطوة الرابعة تنشفى شعرك وبعدين تحطى عليه الصبغة بس لازم توزعيها كويس علشان مايبقاش لونين وتلفى شعرك بالبونيه وتعرضيه لهواء ساخن لحد ماتوصلى للدرجة اللى انتى عايزاها
الخطوة الخامسة نفس الخطوة التالتة
الخطوة السادسة (اختيارية)لو عايزة تعملى خصل بتجيبى بونيه الماشيت وتطلعى منه الخصل بالطريقة اللى تعجبك وبعدين تجيبى الخصلات الرفيعة دى وتصبغيها او ممكن تعملى خصل عريضة بدون بونيه
انا عارفة هتقولوا طريقة تبهدل الشعر بس انا والله جربتها عليه العام الماضى وعلى اخت زوجى لما شافتها عليه بس لازم علشان تحافظى على شعرك تتبعى الشوط دى :
1)الصبغات تكون ماركة وكويسة الكافيرة كانت تستعمل ماركة اسمها ego بس انا ملقيتهاش هنا فى مصر
2)لازم تواظبى على حمام الكريم زى مانا مبينة فى الطريقة علشان شعرك ماينشفش وجربى حمام كريم فاشكول
3)الخطوة التانية هى السر فى ان اللون يطلع هو اللى انتىمختاراه
انا كنت عاملة اللون البندقى والاخصل رفيعة ودهبى على بيج
يارب تكونوا فهمتوا من شرحى واى استفسار انا معاكم
بالله عليكم ادعوا لابنى ربه يشفيه واطمئن عليه