ساعدوني ارجوكم انا عروس

السلام عليكم و رحمة الله و بركاته


خواتي يا ريت تساعدوني انا عرسي بعد 3 شهور و أحاتي الزهبه واااايد لان بعدني وايد عشان اخلص

بقول لكم شو اشتريت للحين و للعلم انا من راس الخيمه يعني صعبه اني اطب دبي او بوظبي كل شوي

1. خورت عند ابراهيم سلطان في دبي 5 و في راس الخيمه 2( كم لازم أخور ؟)
2. بدله وحده ( تنوره و قميص بدون كم )
3.شنطه وحده
4.خذت 3 جواتي . بنفسجي عالي, وردي مب عالي وايد , و عنابي عالي
5. خذت للحين 6 قمصان نوم منها الطويل و منها القصير و بجامات بألوان مختلفه و كلها خذتها من مركز المنال
6. شيله سوداء و تطريزها أسود


هذا كل اللي خذته ,, يا ريت تطمنوني ابغي اعرف اذا كنت انا متأخره و بعدني وااايد و لا شي وقت

و بعد يا ريت اللي تعرف محلات عن اي شي في راس الخيمه او الشارقه ادلني عليهم
أما دبي فصعبه شوي

و شو اللي لازمني ,و انا قريت مواضيع للأخوات ,, بس أكثرها لمحلات و اماكن في دبي :(

الله يخليكم لا تطنشون الموضوع

:06::06::06:


أختكم : العزيـــــزه

14 تعليق 1,638 مشاهدة

شاركي في النقاش

سجلي الدخول لإضافة تعليق.

التعليقات

13
  1. @quotmtaaalyhquot

    اختي العزيزه هلا فيك :26:
    اختي طمني بالك لسه قدامك وقت وان شاء الله بتخلصين كل شي والله يوفقك
    لانو اذا صرتي متوتره ومرتبكه راح تنحاسيين ويضيع منك الوقت على الفاضي

    وعلى فكره انا بعد ان شاء الله زواجي بعد شهريين ولحد الحين ماجهزت شي >>عشان اطمنك



    وبالتوفيق ان شاء الله :27:
  2. @otn_alnhar

    اختي انتي طمني بالج وريحي نفسج وتوكلي على الله
    بس الجهاز يعتمد اذا انتي ساكنة مع حمولتج ولا ساكنة بروحج
    فاذا ساكنة مع حمولتج يبيلج تبلشين تفصلين دراريع (( وهذا اهم شي ))
    وبلشي بالجلديات (( يعني الجواتي والصنادل والجناط (( الشنط ))تكون الوانها اللي تلوق على كل شي يعني الاسود والبني
    اتمنى اكون فدتج
  3. @aaayshh_fy_klb_zogy

    يالله والله انكم باردات تصدقون انه زواجي بعد شهرين بعد لكني خلصت الجهاز حقي من قبل شهر ولابعد الحين غسلتها و بخرتها وحطيتها بالشنط الله يتمم علي فرحتي ويتمم عليكم :24:
    اسمعي حبيبتي العطور والدخون ما جهزتي شي باقي حاولي تجهزينه هو والمكياج وبعد لبس البيت وجهاز الحمام تبعك المناشف والاكسوارات الخاصه بالحمام الخاص بك :26:
    والله يوفق الجميع
  4. @shr_alaayoooon

    شوفي حبيبتي يبيلج جواتي وشناط الوانها عملية مثل الأسود والبيج والبني يعني اطقم
    مكياج وعطورات وكريمات
    بخور وعود ودهن العود
    جلابيات
    بدلات
    قمصان نوم
    فوط
    امممممممممممممممممممم هاي اللي على بالي الحين وعندج في الشارقة مجمع صحاري وايد يمدحونه بس ما رحته
    (على فكرة انا مو من الامارات ):27:
  5. @alaazyzh_2

    صاحبة الموضوع
    متعاليه / الحمد لله طمنتيني يعني في أحد مثلي :)

    وطن النهار / ايه انا بسكن مع أهل ريلي

    اشواق محمد/ ما شاء الله عليج ,, خلصتي ,, الله يوفقج و يوفقني معاج

    سحر العيوووون / مشكورة على الرد ,, و ان شاء الله بسير صحاري


    محد في المنتدى من راس الخيمه ؟

تابعي تجارب أخرى من هذا القسم.