أنا أعاني

والله يا بنات حواء حبيت أشكيلكم بسس انتو بتحسوا عادي بس أنا والله مضايجة
شو أقول؟؟
شوهالبيت ماحبهـ والله أبا أذاكر وهاي آخر سنة لي و كل مافتحت كتاب ييي ..... حتى ماحب اقول اسمه اللي هو ابوي و يعلق أونها الحين هاي اذاكر ... مقطعة الكتب .. أو يظحك و يطلع من الحجره و يقول اذاكر
واذا ماذاكرت ينازع و مادري شو
والله هب اسلوب
حتى اني رحت لامي و صحت و ماقدرت ارمس ورحت علطول غسلت ويهي ورقدت و اصيح زياده لاني اضيع وقتي فوق الفراش و هاي اخر سنه و النظام اليديد يعتمد لفصلين
والله مااعرف شوواسوي ابااذاكر
ضيعت وقت وااايد
انا جي طبعي حساس والحين باقي يومين على الامتحانات يعني بذاكر الماده اللي بتكون علينا اول يوم
صح اني ذاكرت شوي بس والله ما وفيت
ابااييب درجات بس والله ماشي يساعدني على هالشي
مستهترين فيني وايد ليش لاني ادبي مع اني شاطره نسبتي ماتنزل عن الثمانين وانا طموحي احينه بالامتحانات اييب بالتسعين
كل شي يضايجني بهالبيت والله بصيح حتى اليوم ثاني يوم عيد رحت لبيت ربيعتي وانااصيح من مشاكل وايد بالبيت و هواش خواتي وي امي اللي احبها وااايد
والله احس فضيحة رايحه بيت ربيعتي واصيح
والله ماتدرون كيف حسيت بفشلة صجوهاي بعد هب ربيعتي وايد
حتى مادري كيف اشوفها بعدين
أحسني تافهه والله
دمعتي بسرعه تطيح على كل شي
مااقدر اوقفها والله
شو ها
والله جني ياهل

10 تعليق 1,166 مشاهدة

شاركي في النقاش

سجلي الدخول لإضافة تعليق.

التعليقات

9
  1. @mshaaal_bnt_mshaal

    اختي الحزينه والله مادري وش اقولك صرحه مافهمت ولا كلمه من الي كاتبته
    لن لهجه امارتيه بحته ومافهمت الاشي بسيط من معانتك بس ان شاء الله بيفرجه ربك
    وتعوذي من الشيطان وصلي لك ركعتين
    وهذولي اهلك ويحبون ماصلحتك مهم سوو فيك لزم تحبينهم وطيعينهم
    تحياتي لك
    حزينه
  2. @alhzyn_28

    صاحبة الموضوع
    مشاعل بنت مشعل
    اختي الحزينه والله مادري وش اقولك صرحه مافهمت ولا كلمه من الي كاتبته لن لهجه امارتيه بحته ومافهمت الاشي بسيط من معانتك بس ان شاء الله بيفرجه ربك وتعوذي من الشيطان وصلي لك ركعتين وهذولي اهلك ويحبون ماصلحتك مهم سوو فيك لزم تحبينهم وطيعينه…
    :( بكل اختصار أبا أذاكر و ماشي تشجيع كلهـ إحباط وابوي كله يطنز ليش ؟؟ لأني أدبي
    واليوم سايره بيت ربيعتي و صحت و حسيتني ياهل فشلة انايايه اعيد ول اصيح
    ماقدرت
    الحين باقي يومين و الامتحانات يايه وانا امسك الكتاب واصيح
    مستحرقة من داخل
  3. @aasoool

    لاا انتي مو تافهة
    انتي حساسة
    بس لاا تخلين حساسيتك تسيطر عليك وتخرب عليك حياتك
    اولا ابعدي اي فكرة سلبية عنك وفكري بتفاؤل وامل وخلي المشاكل الي تمر فيها حافز لك
    عشان تنجحين وترفعين راس اهلك وراسك وتدخلين الجامعه وتصير شهادتك بايدك وماتحتاجين اي احد
    ثانيا حبيبتي مشاكل بيتكم مفروض ماتطلع لاي كان وحتى لاقرب صديقاتك لان بيتكم له حرمه وخصوصية..
    انا متفهمة انج كنتي متضايقة وحزينه وتبين تفضفين لاي كان بس صدقيني مو هذا اهوا الحل.. الحل انج تلجأين للعلي القدير الي استشارته والشكوى له تريح قلب العبد وتطمنه وهو الوحيد القادر انه يزيل الغمه عنج ويبدل الضيقه الي بقلبج سرور وراحة

    ادعي ياقلبي ربج بكل ايمان وخشوووع ..

    وركزي بدراستج لانها اهيا الي بتفيدج اول وتالي .. ولاا تقولين مافيه وقت.. ميخالف ابدي من الحين وهاللحظه وعوضي الايام الي طافت .. وانا واثقه باذن الله انج بتنجحين وتاخذين الثانوية العامة وبتقدير مايقل عن الامتياز ان شاء الله :) وناطرين بشارتج:)
  4. الحزينـة
    و بعد طول اليوم اللي كنت وي ربيعتي احسها تعاملني بشفقة مااااحب
    السلام عليكم ورحمه الله وبركاته اختي حبيبتي
    استغفري الله وتعوذي من الشيطان الرجيم وعملي هل التمرين لما تكوني مدايقه



    خدي نفس عميق اكثر من عشر مرات اخرجي لتنزه ساعه من الزمن ريحي فكرك ادخلي الغرفه وسكري علي نفسك باي شي بتكوني مرتاحه اعمليه


    تمنياتي لك بالنجاح



    :( وما تزعلي

تابعي تجارب أخرى من هذا القسم.