شاركي في النقاش

سجلي الدخول لإضافة تعليق.

التعليقات

2,027
  1. @dyma5

    صباح اخير على اجمل بنات
    كل سنه وانتم طيبين ويارب تبقى سنه سعيدة وجميلة علينا وعلى ولادنا وكل واحده فينا تحاول تعيد ترتيب حياتها بشكل افضل ونحاول نتخلص من اى صفه وحشه ونقرب اكتر من ديننا ان االه لايغير من قوم حتى يغيروا من انفسهم والكلام ده بقوله لنفسى قبليكم
    وكل عام واحنا دايما ان شاء الله اخوات فى الله
    ديما
  2. السلام عليكم جميعا
    كل عام و انتم بخير
    احلام ازيك انتي يا قمر وحشاني جداااا
    انا ليا رائ في موضوع صاحبتك دي
    انا رائي ان الحب ممكن فعلا يقيم زواج ناجح بس مش بمفهوم الحب العبيط بتاع الافلام المصري اللي هو من نظره عين و احمد و مني و كده لاء
    الحب معناه انك تقتنعي بالانسان اللي معاكي بعيوبه قبل مميزاته و تبقي عارفه و حاسبه الدنيا معاه هتبقي شكلها ايه
    يعني مينفعش يبقي في عيوب انتي مش متقبلاها و توافقي علشان تقولي انك بتحبيه
    الحب مش معناه اننا نفوق بعد الجواز و نقول اتصدمنا لاء الحب انك تتقبلي الحياه مع الشخص ده بحلوها و مرها و انتي عارفه مرها و حلوها من الاول فهماني
    مشكله الشباب كله الافلام و المسلسلات المصري اللي تلاقي البنت و الولد ماشيين في الشارع و فجاه حبوا بعض
    او علشان مستلطفين بعض في الجامعه برضه لازم يحبوا بعض و الحب اللي هو تقعد البنت تعيط من عيوب الولد و برضه مستمره معاه
    او انك تساليها انتي عارفه تفكيره او طريقه معاملته في الموقف الفلاني تقولك لاء
    طيب يبقي علي اي اساس بتحبيه؟
    علي فكره انا باتكلم عن تجربه و الحمد لله اني غيرت طريقه تفكيري تماما من بعدها و ما زلت رومانسيه جداااا و مختاره جوزي عن حب
    زي ما بتتعرفي علي واحده صاحبتك هو انتي بتجيبي اي واحده و السلام و تاتمنيها علي اسرارك و لا لازم تعرفيها كويس جدااا الاول :26:
  3. @ahlam_aasfor

    spanishflower
    السلام عليكم جميعا كل عام و انتم بخير احلام ازيك انتي يا قمر وحشاني جداااا انا ليا رائ في موضوع صاحبتك دي انا رائي ان الحب ممكن فعلا يقيم زواج ناجح بس مش بمفهوم الحب العبيط بتاع الافلام المصري اللي هو من نظره عين و احمد و مني و كده لاء …
    أظن الفكره الي انتي بتتكلمي عنها هيه بالظبط الفكره الي البنت بتحاول توصلها للكل إنه مش زي الحب بتاع الأغاني مش زي حب .... أحمد ومنى على رأيك
    ده حب بمعنى إنها في مقدورها تستغنى عن كل ده علشان حاجه واحده بس إلي هيه الحاجه الي هيه بتحبها
    يعني الإنسان ده
    .........
    متعرفيش يارانيه لما بتتكلم عنه بحس إنها ...
    مش عارفه
    بس بجد بجد بحس انه حب نادر في الزمن ده
    بس أنا بقولها ياستي نفضي وسيبك من الكلام ده ومدام بتحبيه أوي كده عليكي بالدعاء والدعاء فقط له بالخير في الدنيا والأخره
    ولو فيه نصيب في الدنيا هتتجوزيه لو الكل رفض
    ولو مش فيه يمكن يكون فيه نصيب بس في الأخره
    ..
    ربنا يعنها
    ويعننا معاها يارب

    متشكره جداااااااااااااااااااااااااا
    يارانيا على ردك
    ...
    وكل عام وأنتم بخير:26:
  4. بسم الله الرحمن الرحيم

    احلام يا حبيبتى بصى انا شايفه ان اى حاجه بعيده عن الفطره هيا غلط ...يعنى لو البنت دى هاتتحرم من حاجات اساسيه زى الاطفال مثلا يبقى اكيد ده غلط ومش هاينفع لكن لو الموضوع ماشى طبيعى واتنين اتجوزوا وبعد كده ربنا ما ارادش انه يبقى فيه اطفال بسبب اى طرف او من غير سبب يبقى الحب هوه اللى هايخليهم يستحملوا وهوه اللى هايعوضهم
    بس الحب مش كفايه لازم عقلى يكون موجود يعنى مثلا مش هاحب واحد مش بيحب الشغل مثلا واقول استحمل عشان بحبه لا طبعا انا اتجوز واحد طموح وجد ومثابر واستحكل معاه عشان بحبه وعشان هوه جد فربنا ان شاء الله هايقف جنبنا

    مش عارفه كلامى واصل ولا لاء بس اصلى مش مركزه شويه

    للاسف انا فى مشكله مايعلم بيها الا ربنا ومش عاوزه اقولك انى جسمى كله بيرتعش من فوق لتحت ... وتعبت بصراحه انا مبقيتش بلحق افوق كل شويه فى مشكله وكل شويه ادخل اقول ادعولى

    بجد تعبت

تابعي تجارب أخرى من هذا القسم.