المضيفة المصرية *5 اتفضلى اشربى شاى وخديلك &#1

السلام عليكم ازيكم جمعيا كل سنة و انتم بالف خير و صحة عاملين ايه
انا فى اسكندرية المفروض انى بعيد بس الحمد الله لغاية الان زيارات عائلية و شوية تعب على تقيل شوية بصراحة الدكاترة مش عارفين دى كلى ولا قولون بس فى ناس قالوا الاتنين الحمد الله على كل شىء
لسه ىطبعا ما خرجتش ولا روحت فى حتة اسكندرية بردددد جداااااااا يظهر انى نسيت الجو هنا او اننا بقى اللى ما بقتش قادرة استحمل البرد مش عارفه
انتم كلكم عاملين ايه
سمسمة انا حاسة بيكى قوى ربنا يفك كربك بس انا رايى انك لازم تتشاركى مع احد فى المشاكل اللى انتى فيها لانى انتى كده لوحدك حتقكى وانا موجودة يا حبيبتى لو حبيتى ابعغتيلى على الخاص
لولو جوجو عامله ايه وحشتنى المجرمة دى
ايناس اخبارك ايه يا جميل وحشتينى انت كمان و اخبار اهل اسكندرية ايه؟
يا رب السنة دى تبقى احسن لان الواحد تعب جدا و الله يالا الحمد الله ربنا معنا كلنا

ربنا يخليكى يا ولاء
والله انا نفسى اتكلم ونفسى اعيط ونفسى اصرخ

والله العظيم انا تعبت اوى بجد تعبت من المشاكل اللى كل شويه بتحصلى
ادعيلى

صباح الخير يا بنات
ازيكم كلكم
انا بكلمكم من الشغل
محنا اجازة العيد عندنا يومين بس شوفتو بقى
المهم مالك يا سمسمة لازم تتكلمى ولا احنا هنا متجمعين ليه؟ مش عشان نشيل بعض؟
لو مش عايزة تتكلمى على العام اختارة اى واحده فينا تكون اقرب عليكى وتحسى انها هتفهمك وكلميها على الخاص او على المسنجر
بس المهم فضفضى حتى لو مدلكيش حل المهم ان الواحد بيتكلم ده بيشيل عنه شويه

هو انتوا بتتكلموا فى موضوع فيه جواز؟؟ "انتوا امتى يعنى ما بتتكلموش على الجواز؟؟!!"

هييييييييييييييييييييييه يبقى انا جيت على السيره "تلاكيك عدوووووها الله يستركم"

انا اول مره احكى معاكو "او على النت عموما" فى موضوع شخصى اوى كده بس مخى ما بيبطلش زن وجيتوا على بالى قلت احكى وربنا يستر

الموضوع يا فتيات المنفضه الكرام "خارجه من عيد ومتاثره شويه بالنظافه" ان عندى مشكله صغنوونه قوى قوى

عندكوا وقت تسمعونى؟

طب اعدو

اعدتوا؟؟

طب قوموا

خلالالالالالالالالالالالاص خلالالالالالالالالالاص بلاش تقلعوه وحياه الغالى عندكوا


انا عندى حد فى شغلى "بيقول انه بيحبنى" بس فيه مشكله فظيعه انه اصغر منى ب 7 سنين

احكى لكم القصه من الاول

هو زميلى بقاله سنه وشويه ملتحق بالشغل فى الاول كان شخص عادى بس الى انا فكراه انى على طول كنت ناسيه اسمه "انا فيا الخصله دى مع الناس الجداد عليا" لغايه يوم ما فتح المكتب وقالى هبه انا اسمى كذا وضحك وانا ضحكت
وبقيت كل ما ااقف قدامه لتخليص حاجه ااقوله يا فلان بصوت عالى اعمل كذا يا فلان هات كذا
المهم انى اساسا فى شغلى مرحه جدا بس فى نفس الوقت لا ارفع الكلفه ابداااااااا بينى وبين زمايلى وبصراحه هما كمان ما بيحاولوش يعدوا المسافه دى
المهم من فتره فوجئت بزميله ليا جايه بتقولى ان فلان "الى بنحكى عليه" بيقولها ان ليه اخت عندها نفس مشكلتنا "عدم الجواز يعنى" وان ساعات بيئه البنت بتحكم عليها لازم تتجوز جوازات معينه وده بيخليها تتاخر فى الجواز وكلام من هذا القبيل
ولقيتها بدون مناسبه بتقولى انه بيقول عليا ان اى راجل فى المستشفى هيخاف يتقدم لى لان اكيد هيترفض وشكله هيبقى وحش فى المستشفى
انا بصراحه لاول مره كنت اخذ بالى بقى ان فلان ده بقى اصلا واخذ باله انى مجوزه ولا مش مجوزه

المهم انى فى فتره قصيره قوى وحاجات كلها من عند ربنا لقيته بيقرب منى بطريقه سريعه جدا وظروف متطوره ومترتبه كده من عند ربنا يعنى لا بسببى ولا بسببه
انا متعلمه درس حلووووووو جداااااااا وافادنى للغايه انى ما اعملش اى خطوات ايجابيه ولا سلبيه وما ازقش حاجه لا لقدام ولا لورا
الامور فى طريقها الطبيعى اوى
لقيته دخل مره المكتب "انا وهو غالبا معظم كلامنا تهريج" قال لى انه عايز يجوز وادور له على عروسه
قعدت اهزر معاه واخذ مواصفات العروسه "الى هى لو كونت غوطت شويه فى الكلام كان هيبقى اول حرف من اسمها هبه عبد العظيم"
لميت شويه ورق "مش عارفه ايه هما لغايه دلوقتى" وقلت له لازم اروح مش عارف فين "خايفه اكون قولت عايزه اروح الحمام" وخرجت وسبته فى المكتب "بالرغم ان انا وهو كونا واقفين ما كناش قاعدين بس يظهر انى خرجت بسرعه الصااااااروخ"

خرجت والمره دى حسيت الموضوع بجد ولا ايه؟
يا لهوى
بجد؟؟
طنشت تماما وبقيت اعرف انه موجود فى حته احود من حته تانيه "بس سبحان الله يا بشر كل حته اروحها القاه فى وشى"

بركااااااااااااااتك يا ام ابيها

ما عليناااااا

قبل وقفه العيد كنا تلات بنات وهو وزميل تانى فى الاسانسير "ده مش عنوان فيلم" وكنا بنهزر على العيد وزميلى ده بيقول هجوز اربعه والفته فين واللحمه فين
بعد ما نزلوا فضلت انا وهو وهو وشه فى الارض ولقيته بيقولى انتى ليه مصممه تضغطى على اعصابى
ما لحقتش يا عيال اقول اى حاااااااااااااااجه
نزلنا
رحت المكتب
افتكرتك يا فاطمه وبقيت نفسىىىىىىىى اطلبك بس هحكى كل ده فى الموبايل "تفتكرى؟؟"

طلبته وقلت له معلش عايزاك دقايق
وقمت من المكتب وقعدت على كرسى اضافى فى الاوضه وجه وقعد قدامى
قلت له انت بقالك فتره مش كبيره فى الشغل ومش قليله معانا فى الفتره دى عمرك عرفت او سمعت انى بحب فلان او بلعب على فلان او غيره
قال لى ما بسمعش غير كل حاجه كويسه
قلت له طيب ليه بتفكر انى ممكن العب بيك او اضغط على اعصابك زى ما بتقول دى اولا كلمه كبيره قوى انا ما احبش انك تحس بكده ثانيا والاهم انت وباقى زمايلنا اخوات ليا واخوات صغيرين كمان
ضحك وقال لى لو كنت ممكن اتنبا باى كلمه فى الحديث ده فهى حكايه صغيرين دى
طبعا الحوار راح بينا فى اماكن كتيره
بس اهم حاجه انه عايز يجى البيت

انا مش قادره اتخيل بصراحه فرق ال 7 سنين

الساعه بقت 7 الصبح سلام بقى

سماح انا عايزاكى تهدى اكتر من كده
عارفه ايه ممكن يهديكى
الصلاه
فى اى وقت انوى الصلاه واعدى صلى لغايه لما تحسى انك هديتى ركعتين او 100 ركعه بس صلى كتير على قد ما تقدرى
سبيها على ربنا شويه يا سماح وخرجى الموضوع شويه من مخك
انا عارفه انا بقول لك ايه والله يا بنتى ما هيفيد باى شيئ انهيارك ده
والله ما هتاخذى غير نصيبك
والله العظيم ما هتاخذى غير نصيبك
روقى يا حبيبتى وخلى فيه دائمااااااا مكان تستريحى فيه ياريت يكون المكان ده موضوع سجودك
ارمى همومك بجد على ربنا وبجد من جواكى وكليه فى امورك وسيبى ربنا يفرجها وربنا لايمكن يخذلك او يخذلنا ابدااا
حبيبتى ياريت ياريت تطمنينى عليكى