المضيفة المصرية *5 اتفضلى اشربى شاى وخديلك &#1

السلام عليكم
ازيكم يا بنات
يا كابتن هبه عبد العظيم
انا ههب فيكي لسبب تاني خااااااااااااااااااااااااالص
هو انك يا بطاطس مش بتحبي الشخص ده و لا حتي شكلم متقبلاه و عماله تسالي و تدوري علي موضوع السن ينفع و لا لاء؟
بصي يا هبه لو انتي مقتنعه بالشخص ده اقعدي كده مع نفسك و فكري في مميزاته و عيوبه بعيد عن 7 سنين و لا 16 سنه فاهماني يعني كانه شخص عادي متقدم و بعدين لو انتي مقتنعه و بتحبي الشخص ده نبقي نيجي بقه لموضوع السن
اولا لا انا و لا اي حد في الصفحه ممكن يدكي راي لاننا مش عارفينه و لا عارفين شخصيتك و لا حتي شكلك
افهمك قصدي ايه انا قصدي ان الرد الطبيعي هيكون لاء و الفرق كبير بس كل جوازه و كل شخص حاله لوحدها يعني ممكن انتي تكوني اكبر منه بس شكلك صغير و ميديش سنك فاهماني و ممكن هو يكون عقله كبير اكبر من سنه
انا قدامي حالتين اعرفهم عن قرب واحده منهم اكبر من جوزها ب 9 سنينن و كانت مدرسهته في الماجستير و هو حاليا مرتاح جدا معاها و هي اللي مش مرتاحه و متجوزين من 7 سنين
وحاله تانيه الست شكلها اكبر من الراجل لان هي حاليا 50 و هو 40 او اصغر باين
يعني من الاخر شخصيته و شخصيتك اللي تحكم مش السن و عيلته و رايهم لاء
هو اكيد عارف فرق السن و فرق الوظيفه لان واضح ان انتي اعلي منه في الشغل يبقي اكيد حسبها 50 مره قبل ما يكلمك
انا رائي انك تتعاملي معاه الاول كشخصيه و لو اقنعتي بيه فكري في موضوع السن من وجهه نظر الشخصيه و العقل و الشكل
ربنا معاكيييييييييييييي و اهم حاجه الاستخاره

بصى ياهبة كل الكلام اللى اتقال جميل جدا انا حجيبلك من اخر الاخر الاخر اظن انا عاشرتك وشوفتك ...تمام ؟؟؟ انا حاسة من كلامك دلوقتى بتغيييير جميل فيكى وحاسة انك مبسوطة وحسة ان لولا موضوع السن كنتى وافقتى .....معلش دة احساسى لانى عرفاكى وقريت كلامك اللى مابين السطور بالنسبة لطنط مقدور عليها لانها عايزة سعادتك

حتقوليلى هاه يادينا

حقولك العقبة عندك مش فى السن

العقبة عندك هى اهله :( :( :( فقط اذا تاكدى الف فى المية ان السن مش حيفرق معاهم وانا من رايى ( انى لا اكذب ولكنى اتجمل) ان فرق السن ينزل شوية قدام اهله ...وفرق السن يطلع شوية قدام اهلك ومحدش حيمسكلكم شهادات الميلاد
ولو هو عجبك وانتى مرتحاله

اتوكلى على الله ومتقوليش لألأ

معلش يابنات اللى مش عجبه رايى وبيقول دينا متسرعه انا بقول معلش بقى انا بعيدة النظر جدا جدا فى هذا الموضوع وبقولك ياهبة اقرى كلامى كويس واتوكلى على الله

صباح الخير يا بنات كل سنة وانتم طيبين وسنة سعيدة عليكم

هبة انا مع دينا فى رائيها لانى انا اكبر من خطيبى ب 5 سنين والحمد لله عايشين مبسوطين اهم حاجة هو تفكريه ايه وفارق معاه السن ولا لا واهله ممكن سنك ينزل ادامهم شوية يا هبة لو هو انسان كويس وبيحبك فكرى بجد

صلى على النبلى يا سمسمة وان شاءالله كل مشكله وليها حل يا حبيبتى هى بس المشكله لما بتيجى الدنيا بتسود فى وش الواحد لكن اكيد بيبقى لها حل وقدام عنينا بس احنا مش شيفينه وفعلا لازم لما يكون عندك مشكله متقفليش على نفسك انتى وهيا لان تفكيرك فيها حيكون هو هو فغظب عنك مش حتشوفى الحل اما تسئلى البنات هنا واديكوا كلكم اخوات او فعلا يكون ليكى صديقة مقربة تتشاورى معاها لكن متيليش فى نفسك كدة وتكتئبى على حاجة حتتحل بأذن الله حتى واذا كترت عليكى المشاكل اديكى بتتعلمى من كل مشكله وافتكاره ليكى رحمة وما ضاقت الا اما فرجت .

وعلى فكرة بقى انا حلغى الاعياد فى الصفحه هنا خااااالص واضح اننا مش وش عيد من ساعه ما الوقفه ظهرت وماشاءالله ماشاءالله الصفحات كلها بفيت ضرب نار :hahaha:

وعلى فكرة المستفيد الوحيد من النكد دة هو البيبى ابن البيبى علشان ميديش عدية :hahaha: ابن المضايقة:hahaha:

هالو عليكو

كل سنة وانتو طيبين عمالة من اول يوم العيد اقول بس يا بت متنكديش على البنات

اقوم اجي القيكوا متنكدين جاهزين

يلا معلش اصلي بعيد عنكوا زي كل عيد يعني متخانقة انا والباشا جوزي ومحدش يسالني ايه السبب لاني معرفش غير سبب واحد وهو الشياطين والعفاريت اللي بتشرفنا في كل مناسبة حلوة معرفش ليه مع اننا مش دعينهم بس هم هييجوا هييجوا



يلا مش مهم انا لاني عارفة اني على بكرة كده ان شاء الله هنتصالح
حد ذكي هيقولي اشمعنى هقوله علشان العيد هيكون خلص
بس خلاص


اما عنك بقى يا هبهوبة فكري كويس اوي اوي اوي
بصي يا بطة المشكلة مش فيكي او في اي ست ولا في اهلها
المشكلة في الراجل واهله
الست بطبيعتها مضحية وبتستحمل (طبعا مش كل الستات بس اكترهم)لكن الراجل نادرا ما بيتنازل عن حق من حقوقه

بصي يا هبة طبعا على حسب كل عيلة بس بعد الجواز هتسمعي كلام مش هيعجبك واذا سكتي مرة مش هتسكتي التانية وهو لو في الاول رد عنك بعد شوية هيرد عليكي انتي

فكري يا جميلة فرق السن ده مهم جدا

كمان اللي بيتجوز واحده اكبر منه في المواضيع الخاصة اللي بينهم بيكون هو لسه في عنفوانه وهي لما بتكبر شوية الرغبة عندها بتقل ودي حقيقة علمية وهو بكون محتاج الموضوع ده بشدة وهي مبتقدرش تديهوله على قد طلبه وبنفس احساسه علشان كده بتحصل مشاكل كتير وسببها الخفي هو الموضوع ده طبعا انا بتكلم على المدي البعيد مش دلوقتي

طبعا غير ان فعلا عقل الست بيكون اكبر من عقل الراجل علشان كده لازم الفرق يكون مناسب علشان الراجل يقدر يحتويها

طبعا اعملي استخارة لان كل شيئ بايد ربنا وسيدنا محمد اتجوز السيدة خديجة وهي اكبر منه وكان مبسوط معاها جدا وهي الوحيدة اللي متزوجش عليها امرأة اخري

يعني فكري كويس وعليكي بالدعاء
ومعلش هقولك على مثل بجد تحفة لازم كل بنت تفكر فيه

(قعدة الخزانة ولا جوازة الندامة)
ههههههه