معاش الشغاله الفلبينيه 1400 درهم اماراتي:09: :09:

وابشركم حتى في قطر ...بس مش من حكومتنا الله يعزها ولا من دول الخليج ...من الفلبين هي اللي شارطه رفع الراتب اسوة بالهند ..

(( فينيسيا ))

ايه والله يا اختي مافي حل غير المقاطعه ، بس عن جد صعبه سالفة الزياده + الاجازه

وهم بعد الاندونيسيات ارتفع سعرهن ماشاء الله المفروض يسوون لهم منظمه للخدم مثل منظمة الاوبك للبترول مره ترتفع اسعارهم ومره تنزل

هم بعد في دول الخليج( قطر والسعوديه ) نفس الشي زادوا اسعار الفلبينيات والاندونيسيات ؟؟؟؟شو رايكم نصمم لنا شعارات وتواقيع مقاطعه ، وخل يشوفون بناتهم في بلادهم ونزل سوقهم بيرخصونهم^_^

ممممممم، في البداية.. هل نحن نتكلم عن أوادم و لا عن مواعين و لا ثياب؟
انزين اتعرفون ليش بيرفعون رواتبهم... بيدخلونهم دورات و يدرسونهم ... يعني تييج الوحدة زاهبة متدربة على كل شي.....
و بعدين تبون الصدق.... البشاكير أكثر مننا! رفعوا رواتب الفلبينيات.... عندكم البنغاليات و لا السيلانيات
لو انهم لغبات.. لكن حق الكراف

هلا يا اختي^_^

نعرف انهم اوادم ، احنا احتجينا على رفع الرواتب، ولو على الدورات اوالدراسه اللي بيدرسونها مب مشكله بس يا ترى تضمنون لنا ما نشوف نفس المشاهد اللي شفناها في الاخبار من معاملة سيئة للعيال بغياب الاهل؟؟؟ يعني خلاص هالدورات بتخلينا نستغني عن كاميرات المراقبه؟؟!!وبعيدن احنا مجربات الفلبينيات ونعرف انهن بدون دورات وخرابيط وشايفين روحهم علينا شو بيصير اذا دخلوا دورات ؟؟بتكلمينها وبتقولين لها الشي هذا غلط بتقول لج لا انا هذا اللي تعلمته في الدوره التدريبيه، يعني كل ما بتناقشينها بشي بترد لج على نفس الحجه هذا اللي تعلمته وفق النظريه الخربوطيه( اسفه ) للتربيه الحديثه :eek:

وبعدين الدورات هذي راح تكون على اي اساس او اي مبدأ؟؟؟تربيتنا وعاداتنا وتقاليدنا ، ولا على اساس تربيتهم وعاداتهم وتقاليدهم؟؟؟وشو التخصصات للي بيدرسونها يعني اذا انا بكفل فلبينيه ( حق الطبخ) ياترى تخصصها بناء على الدوره اللي خذتها راح يكون في شؤوون المطبخ الخليجي وبين قوسين قسم المطبخ الاماراتي مثلا؟؟؟يعني من توصل البيت ما بتكون محتاجه لتعليم من اول وجديد؟؟؟:09:

واذا بكفل وحده مربيه ، شو بتكون شهادة الدورة اللي ماخذتنها ؟؟ تربيه عيالنا على عاداتنا وتقاليدنا ولا من يكمل البيبي سنتين ويبدأ الكلام بيطالبني بحفلات الكريسماس وعيد الميلاد وغيره؟؟
ابي افهم شو الدورات اللي بياخذونها بالضبط وشو اللي بيدرسونه؟؟

وبعدين اللي مجربه تشغل عندها فلبينيه بتعرف انهن راعيات مشاكل وقلة ادب ( الا اللي عمرها فوق الاربعين ) عشان جذي ما ينفع تطلع من البيت في وقت الاجازة، وعشان جذي اقولج اذا بتطلع في اجازتها بترجع لنا بحفيد:eek:

وبعدين البنغاليات والسيلانيات ندري انهن ينفعن حق الكراف، بس مب في نظافة الفلبينيات :30:
واحنا اذا كل مره ارتفعت رواتبنا من صوب وارتفعت الشغلات الثانيه من بترول وسلع وغيره من الصوب الثاني وسكتنا مب من حقنا باجر نحتج اذا طالبت الجاليه الهنديه في الامارات بالجنسية ولا طالبوا لهم بمنطقة تكون خاصه فيهم ولا زيادة رواتبهم بحجة عددهم الكبير في الدولة، او بحجة ان الطفرة العمرانيه اللي صارت بالبلاد ماتمت الا بفضل اياديهم السمراء:30:

حبيبتي اذا زيادة بالعقل ووفق خطة مدروسة اهلا وسهلا ، لكن جذي لا حبيبتي ، في اسر تتحمل وفي اسر ما تتحمل تدفع هالزيادة... :26:

المشكله ممكن نحتج ونقاطع بس في ناس عاااادي عندهم ولا بيهمهم وهم الي بيقوون علينا هالقرار وبيخليهم يأكدونه بعد ...يالله شكلنا بنرد على طاري الاول وبنشتغل ارواحنا والا اقولكم ترى الروسيات تارسات البلاد والصينيين ..ههههههههههههه عز الله حصلنا رياييلنا ...