تبي تتعرف عشان تاخذه !!!!!!!!!!!!

حياكم الله :)

بقولكم سالفتي يابنات

امس كنت مع زوجي بالمجمع وشفت بنات كثير كاشفات وجيهم وكلهم مكياج وعدسات وبلاوي:09:
المهم زوجي اكره شي عنده التسوق بس راح غصب عنه عشاني كنت مضطره
وحنا نمشي لفت انتباهي بنات ثلاث يلاحقونا وكاشفين الوجه وعبايتهم مخصره
جات وحده منهم تقولي هذا اللي معاك اخوك؟!!!!!!!!
قلت لها خير شفيك وزوجي ابتعد عني لما شافها جات تسألني
قالت بصراحه عاجبني وبما انك بنت و باين عليك من عمرنا فأكيد راح تفهمينا :eek:

قلت لها شنهو افهمك وشنهو انا من عمركم!!!!!!!!!
قالت لي خذي رقمي او اعطيني رقمك ونتعرف على بعض :eek:

انا ماعرفت شقول لها من شدة استغرابي للموقف
قلت لها توكلي على الله دوري غيره ومشيت عنها قالت لي بصوت عالي ياليت لقيت مثله انا اجيه مو هو يجيني!!!

فهمت من كلامها ان ماتبي اللي يلاحقها صارت موضه قديمه تبي هي اللي تختار واحد تلاحقه حتى تضمنه ان مارقم غيرها :09:
وعلمت زوجي بالسالفه مو مصدق ان في بنات وصلو لهدرجه من الوقاحه :42: وقالي اخر مره تقولين تبين السوق الا للضروره وتكون معاك امك وخواتك مب انا:09:

هذا غير وحنا طالعين من المجمع لقيت بنات داخلين كأنهم داخلين زواج اشكالهم طالعين من الكوافير
وعلى طول جايين المجمع والشباب يلاحقونهم واسمع واحد منهم يقول لقينا الصيده ياشباب وراهم وراهم
الحمد لله والشكر ويقولون ليش الشباب يتحرشون البلى منهم لو محترمين حالهم ماقربوهم

لو كنتو مكاني وش تتصرفون مع هالبنت !!!

43 تعليق 2,936 مشاهدة

شاركي في النقاش

سجلي الدخول لإضافة تعليق.

التعليقات

40
  1. @lab_tobh

    الله يهديهم ويسترهم بالزواج
    ويكفي الناس اذاهم وشرهم
    وتصرفك اختي هو التصرف السليم
    اي وحده مكانك كانت سوت نفس الشي
    وش تقوليلها هذي
    الله يزوجها بس وتلخم ف البيت والحمل والعيال
    آمييييييييييييييييييييييييين
  2. كف على وجهها او اصرخ عليها وافضحها قدام العالم لانها مهي محترمه والله حتى لو كان اخوبا مو زوجي ما ارضى عليه كده

تابعي تجارب أخرى من هذا القسم.