دورة تعليمية لفن التريكو

اختي يوكو
اشكرك جد جدا جدااااااااااااااا على ردك السريع
وان شاء الله بس اعمله رح صوره واريك اياه

يعطيك العافية أختي على مجهودك الرائع
بس ممكن تعلمينا كيف انفك رموز الباترون مثل هذي

lo2lo2a
بلوفر لطفل سن من سنتين ل3 سنين
اولا الظهر
ابدائى 91 غرزة بالخيط العادى

وبالخيط الطخين 81 غرزة واشتغلى البليسية لمسافة 17 سطر

ثم اشتغلى بالغرزة اللى تحبيها حتى تصلى لطول حردة الابط
حردة الابط اقفلى 3 غرز فى اول السطريين ثم انقصى غرزة فى اول واخر كل سطر عدل

حتى يبقى 73 غرزة ل91غرزة او 63 غرزة ل81 غرزة اشتغلى دون تنقيص حتى تصل
لطول حردة الابط المناسبة احردى الكتف
اقفلى 7غرز فى اول الاربع اسطر التالية ثم 8 غرزفى اول السطريين التاليين

ثم القطى باقى الغرز على دبوس لعمل بليسية الرقبة

ثانيا الامام

اشتغلى مثل الظهر حتى تصلى لحردة الابط احردى الابط مثل الظهر مع

عمل حردة الرقبة للامام حسب ماتحبى اما سبعة او مدورة
لو هتعملى حردة الرقبة 7 يبقى هتبتدى الحردة بعد ماتنقصى ال3 غرز فى اول السطريين التاليين

يعنى هتبتدى مع اول تنقيص غرزة فى اول واخر السطر تعدى عدد الغرزثم تحددى غرزة الوسط

تقفلى غرزة اول السطر ثم 2 معا فى الوسط دة بداية فتحة الرقبة ال7 ثم تقفلى اخر غرزة فى السطر
وتستمرى فى التنقيص جهة حردة الابط والرقبة حتى يصبح عدد الغرز لكل طرف 25 غرزة

مع ملاحظة انى هنقص عدد غرز الابط مساوى لعدد ابط الظهر وباقى غرز التنقيص سيكون للرقبة

اقفلى الاكتاف مثل اكتاف الظهر

الكم

ابدائى 45 غرزة واشتغلى بليسية مثل بليسية البلوفر

ثم اشتغلى نفس الغرزة المستعملة فى البلوفر مع زيادة غرزة فى اول واخر

كل سادس سطرحتى يصبح عدد الغرز 69 غرزة اشتغلى دون زيادة حتى طول الكم المطلوب
ثم ابدائى فى حردة الكم بقفل غرزتين فى اول السطريين التاليين ثم فى اول واخر كل سطر

حتى يصبح على الابرة 11 غرزة اقفليهم
خيطى البلوفر ثم القطى غرز حول الجهة اليمين لفتحة الرقبةللامام ثم الغرز اللى فى الدبوس
للظهر ثم القطى حول الجهة اليسار واشتغلى بليسية لمسافة قيراطين واقفلى الغرز

أختي يوكو
يا ترى انتي خبيرة بالكوروشيه زي ما انتي خبيرة بالتريكو كدة؟؟؟؟؟؟؟؟؟

natally

sherwait
عمل الاسكارف او الكوفية او الشال

ابدائى 45 غرزة واشتغلى اما غرزة البليسية المفرد 1ع -1م

او البليسية المجوز 2ع- 2م او غرزة اللاستك التزينية ودة مشروحة داخل الدورة

وهى سهلة وتدى شكل حلو اشتغلى بالغرزة اللى تعجبك حتى الطول المناسب

اقفلى الغرز واعملى الشراشيب

عمل الشراشيب
احضرى ورقة كرتون بطول الشراشيب المناسبة ولفى عليها الخيط بكميات كبيرة

ثم قصى الخيط من طرف واحد وخدى كل 8 خيوط وادخليهم وهم مثنين بابرة الكروشية

فى طرف الشال ثم مررى الطرفين فى الجزء المثنى واعملى عقدة بسيطة

كررى الطريقة على مسافات متساوية
حلم الصبا

بالنسبة لادخال اللون

حددى مسافة عرض اللون مثلا كل قيرطين او ثلاثة

اشتغلى باللون الاول حتى تنتهى من المسافة الاولى

ثم اربطى اللون الثانى فى اول غرزة من السطر وخلى طرف الخيط طويل

لمسافة 4 او 5 غرز وضمى الطرفين على بعض واشتغلى عادى وكدة هيكون اول 4 غرز بفتلتين

وهتختفى العقدة ةيبقى شكل الشغل نظيف واستعملى نفس الطريقة مع تغيير الالوان مع المحافظة على المسافات اللى انت حددتيها
Um Yara

الرموز دة مشروحة الدورة ياريت تدورى عليها