السلام عليكم ..
شلونج اختي .. ترى من اول ما قريت طلبج وانا ابي اسجل عشان ارد عليج بس مافيه فايدة وعقب ما فقدت الامل .. اشوف اليوم يصير اشارك ..
عموما .. ااول شي مبروك والله يوفقك ويهنيج .. ثاني شيء بخصوص الخطوبة ..مدري اذا فصلتي الفستان ولا لا بس فيه بالستي سنتر صوب كامل كله فساتين سهرة جاهزة .. اكيد بتلاقين شي يناسبك ..
او عندك محل في شارع النصر يمدحون فيه اسمه لك يسوي فساتين اعراس وياجرها عليك بس ما ادري اذا فساتين سهرة .. خيايط شارع المنتزة وااايد اوكي .. عندج علي اذا تعرفينه .. عطيه الموديل واذا تبين بيفكج عباله ويشتري لج الخلق .. ترى واايد زين ..
بالنسبة للعشاء .. انا اشوف الناس اكثر شي ياخذون بوفيه من البندر .. سعره زين واكله زين ..
بعد بعد .. تجهيزات الخطوبة اذا تبين حطي dj بيطلع عليج حوالي 800 ريال ..
الكوشة خليها بسيطة قد ما تقدرين عندج الغردينيا اوكي
هدايا الخطوبة .. روحي البحاراو الشاهين ترى عندهم تنزيلات هل الايام واشتري هدايا بو ريال ريالين .. اخذي بيض الصعو او حلاو من حلويات طارق او الصادق اللي بسوق واقف وغلفيهم بتور وشرايط او ورود من الرونق انتي وفنج وفي المنتدى وايد افكار حق هل الهدايا باحاول ادور واحط لج , اذا تبين شي جاهز عندج مركز اسمه العزيزية النسائي بيسويه لج كلميهم ..
المكياج .. عندج قنطار مكياجهم وايد حلو ..
عندج هي بس احس ان مكياجهم مكرر شوي ..
شعرج : المركز العالمي للتجميل يقصونه روعة اذا تبين قص
فيه ممكيجات بس للاسف ما عندي ارقامهم ..
التصوير فيه عندج رفيرا استديو بعد الغرديننيا
فيه شي بعد اذا تبين اخبر قريت عن عرض حق الكمال لتصوير الحفلات بالف ريال اعتقد بيسون لج كل شيء كلمي وروحي لهم وشوفي
اللحين هذا اللي في بالي اي شيء تبينه اطلبيه وانا حاضرة
كان عندي رقم وحدة تسوي لقيمات بس للاسف ضيعته
كل بنت من قطر واللي تزوجت بقطر تدخل ارجوكم ساعدوني
متابعة النقاش، صفحة 2