[CENTER]السلام عليكم
من جد اشتقت لكم يا بنات من زمااااااااااااااااااااااااااااااااااااااااااااان ما دخلت المنتدى
اسمعو يا بنات الموضوع الي دخلت خطير بالنسبه لي
كان في يمكن خمس شيبات ثم بدا يزيد والشهر هذا حسيت انه كثر بشكل موطبيعي والله خايفة يشوفه زوجي ويجلس بس تعليق علي
انا مو كبيره والمشكله كل الي اشوفهم كبار اكبر مني بكثير ومو مبين فيهم الشيب
فا انا قلت اكيد الناس يستخدمو حاجه غير الصبغة لان الصبغة صراحة عدمت لي شعري
وما ني مفكره استخدمها بكثره
فيا ترى ايش الي ممكن استخدمه يخفي الشيب ولو حبيت اصبغ بعده على طول ما يضر
عاد موتطنشوني كنكم صغار ترى البنات صارو يشيبو قبل العشرين
بما اني من زمان ما سولفت عليكم ابعطيكم هذي السالفة
يا شين الي يسهر في ظلام
بتقولون ليش ؟
اقولكم تجمع عليه الهموم بشكل موطبيعي تصدقون حتى السخافات تصير وش كبرها لدرجة الواحد يجلس يبكي ........الحمد لله بس
بتقولون ليه تسهرين في ظلام ؟
شوفو زوجي كان متعكنن وبعدين انقلبت لهوشة معي ثم زعله
وقال طفي النور ونام وانا جلست في الظلام هات يا تفكير لحد ما قلبي بينفقع
شوفو اش تذكرت
تذكرت يوم اطلع منيّّر ب800 ريال غير علبتهم الي ب400 ريال وزوجي وعدني يدفع نصهم ودفعتهم لحالي وهو سكت وانا سكت
المهم الطلاعه هذي والله ما زادتني ولا نقصتني عندها مع انه ما احد طلعها من جماعتنا
وبعد تذكرت يوم احفل بنتها ب1000 ريال وكمان انا الوحيده ولا زدت ولا نقصت عندها ....ولا عمرها رفعت السماعة علي
ما ادري متى ابعقل ؟
الظاهر ابموت هبله
هااااااااااااااااااه ومن ها التفاكير الي تجيب الهم
عاد نصيحة لكم لاتسهرون بالظلام
وان سهرت بظلام لابد اذكري ظلمة القبر اصرف لك على الأقل تذكرين ربك الي ما ينساك مو تذكرين منيّر
وسلامتكم لا تنسون ردو علي
الموضوع مغلق