يا بنات امي الله يهديها بس

السلام عليكم اخواتي

بقولكم اليوم والله تفاجأت من كلام امي بصراحه ما اعرف اقول شو تقصد في كلامها هذا لا والقهر اتقوله لزوجي وانا اسمع ...امي اجت اتقومني من نومي الصبح ادق الباب وزوجي طبعا محد طلع يشرب شاهي وقفل باب الغرفه عليه والباب الخارجي قفله بالمفتاح اجت امي ادق بقوه الباب الخارجي تبيني اقوم وانا كنت نايمه واسمع صوت دق الباب بس اقول يمكن احلم المهم ماادري هي طلبت المفتاح من زوجي حق الباب الخارجي ولا هو عطاها دخلت علي وفتحت الباب وفتحت باب غرفتي وقالت يالله قومي وديني اريد هنا واريد هنا قلت له الله يهديج يمه ما خلصت الايام وبعدين بوديج العصر الحين انا فيني نوم وحرام عليج يمه حتى يوم اجازتي ما تخليني ارتاح طلعت من غرفتي وهي زعلانه مني وقالت بعد زوجج امسكر عليج الباب حق الغرفه والباب الخارجي بالمفتاح والله وماتووووا الرجال اخييييه بس الزمن اتغير صاروا يغطونهم ويسكرون عليهن الابواب علشان ينامووون عدل والرجال يقوم قبل الحرمه ويفطر نفسه وانا اسمع صوتها وهي في الحوش وزوجي كان هناك سمعها قالها يا خالتي انتي كان ما عندج خادمه كنتي اتقومين بس الحمدلله البيت فيه 3 خدامات قالت لاااااااا من قالك اني اقوم يوم كان ما عندي خدامه انا اقوم وانا حتى عندي خدامه اقوم الصبح :( الله يهديها امي والله عيب علي اني اقول انها تكذب وعمري ما قلت لها وبعدين هي الله يهديها انا اشتغل واجازتي بس انام فيها واقوم الساعه 10 الصبح دايما وهي دخلت علي قبل الساعه 10 بساعه يعني 9 الصبح والله قهرررررر خاصتا زوجي ما يحتاج من النوع الي فاتح اذنه لاي شيء بيقول امها تتكلم عنها قهررررررررررررررررررررررررررر والله قهر والله اني قاعده افكر اني ابني لي مطبخ بجنب الجناح الي انا ساكنه فيه لانه بس غرفتين وحمام مافيه مطبخ وهي الي رفضت امي قالت المطبخ واحد بس الحين والله يالسه افكر اني اسوي لي مطبخ خاص بجنب جناحي احسن لي من المشاكل ولا نستاجر بيت صغير على قدنا بس انا عارفه امي ما بترضى وبتزعل علي...

اخواتي اسمحولي كتبت الكلام وانا ميته قهر ما اعرف شو بيكون ردي لزوجي اذا عاتبني اكذب امي ولا اسكت ...

12 تعليق 1,689 مشاهدة

شاركي في النقاش

سجلي الدخول لإضافة تعليق.

التعليقات

12
  1. الغاليه ....
    امهتنا لازم نتحملهم مهما صدر منهم لان رضي الله من رضى الوالدين وشكل امك مره كبيره حاولي تحتوينها لان الامهات لما يكبروا بعضهم تضيق اخلاقهم وتصير تصرفاتهم صعبه شوي فانتي بعد مشوار تودينها له او جلسه معها تكليمينها بالي تبينه منها وتوضحين لها انك تتضايقين من اسلوبها الهجومي وانك تبغين تحطين لك مطبخ وفهميها انه مو مطبخ كامل عشان ما تاخذفي خاطرها يعني مجرد بوفيه للامور البسيطه شندوشات شاي شي زي كذا وعلى شوي شوي بتتقبل الوضع انشاللله والله يهديها لك
  2. @dandosh

    بصراحة ما عندي رد على سؤالك المباشر
    بس اللي فهمته انك انت وزوجك ساكنين مع اهلك.. ؟
    اذا هيك لشي اللي لازم تعمليه هو انك تنقلي لبيت تاني مهما كان صغير و وضعك صعب.. بس لا تبقي معهم ... وبنفس الوقت لا تقطعيهم ابدا ابا عشان ما يحسوا انك كنت تجامليهم لانك عنهم.. ولانهم اهلك بالرجة الأولى..
    بتمنى يكون كلامي واضح
  3. الله يهديها
    يمكن هي كانت زعلانه ومعصبه شوي لازم ياقلبي تتحملينها هذي امك
    أقنعيها بفكرة أنكم تسكنون برا واذا كلش ما وافقت اقنعيها بمطبخ صغنون عشانكم
    واذا زوجك سألك وما أتوقع يسألك عن كلام أمك اللي قالته ..
    قولي له أنها كانت منفعله وزعلانه شوي
    الله يسعدك ويوفقك دنيا وآخره

تابعي تجارب أخرى من هذا القسم.