۩ التجمع الخـامـس لبنات قلب ♥ المملكة ੀ القصيـم ਿ ۩

السلام عليكم

مررراحب بنات

من زمان عنكم

صراحه عجبتني فكرة تطور الفكر على الاقل تريحنا من هالاجنبيات اللي يلطن بوجيهنا بالمشاغل
شغلهن عادي بس يتكسبن فينا<<<منقهره من مشغل صبغة عنده تحوم الكبد ب450

عندنا ببريده جمعية الملك عبد العزيز فيها دورات ليش ماتسوين استبيان على اللي يدرسون فيها
هم استفادو ووشي الايجابيات والسلبيات علشان تتفدين الاخطاء

نواعم

يا بعد قلبي القلوب شواهد يالغالية الله لا يخلينا من بعض قولي آميييين

الا يا نواعم تدرين عن وردة وشلونه؟!

ولهنا عليه مرررة ..

تكفين ان كنت تكلمينه بلغيه سلامنا الحاااااار وقولي له تدخل النت لو قنيزة لا زارت اهله !
نبي لو بلة ريق من وردة !! ما تعودنا على غيبته كذا ..

نواعم
خابرتك مره تسألين عن حواض السمك الفخمة الي تنفع كقاطع ديكور حلو ..
أنت لقيتيهن والا لا ؟ ووين ؟؟ وبكم ؟ ووش أشكالهن ؟
وان قدرت تصورين لي الي حطيتوه أكون ممنونة لك بالمرررة لاني أثق بذوقك واختيارك .. فنانة وش خليت !!


تطور الفكر

مشروعك حلو لكنه يبي دراسة جدوى .. وكنت أبقول لك انه من ضمن مقررات المعهد المهني دورات وفنون المكياج .. ونفس الشي في الثانويات المطورة عندنا ! <<< الله يخلف علينا على ايامنا ندرس تفصيل وتدبير وفنية !!!

لكن ان كان مشروعك مصغر وغير مكلف واجد فممكن ينجح ولاسيما ان المعهد توه بادي .. يعني ما اعتقد بيبدون بالدورات الخارجية من الحين ..



بنات

بغيت أسأل عن أحسن النظارات الشمسية وشي؟

السلام عليكم ورحمة الله وبركاته ..

أول مشاركه لي في هذا التجمع ...

أريد أسأل عن أفضل معهد لتعلم اللغة الإنجليزية ؟" ببريدة "


وشنو أحسن نظارات شمسيه ومن وين ؟


ومشكوووووووووووووووووووووورين ,,,,,

ياحبي لتس يا ابداع .. لقينا الحوض ويعتبر حوض كبير ..
وشريناه قبل ثلاث او اربع اشهر من تحفة بالراجحي .. كان سعره يوم نشتريه بألف وميتين ..
وقبل كم اسبوع شفت واحد اصغر منه بشوي بس بـ 700 :09: .. ماخفضوا الا يوم شرينا .. :(

هذي الصورة :


بالنسبة لـ وردة الحمد لله بخير .. وان شاء الله يآصل سلامكم ..

أما النظارات الشمسية .. طبعاً ديور وشانيل وموجودات بمحلات النظارات بالنخيل بلازا ..
فيه محلين بالبوابة الرابعة على اليسار .. واذا تبغين نظارات اللي يصير فيهن مثل الألماس ..
حصرياً ولأول مرة بالمنطقة عند علياء بمجمع بريدة افونيو ..

اتمنى افدتكم ..
:26:

هلا نعومة

حوض السمك حلوووووو مررررة ..

الغريبة اني مارة محلات الراجحي من كم يوم وما شفت شي حلو زي كذا !!

الي بتحفة مو حلو خشبهن .. شين مرررة .. والورد الي جوى بعد شييين .. يعني ما يواجهن أحطهن بالمجلس ولا بالصالة ..

أبي زي حقكم .. تبيعونه !!!!! <<<<<< يا شين اللزقة لامانت !! تراي امزح يالغالية بس ما تخبرين محل غير تحفة لان الزين مخلص على ما يبدو ..

أما النظارات فودي أعرف المواصفات الزينة لهن مو بس الماركة لأني تفاجأت ان اسعارهن متفاوته بشكل مو طبيعي !
يعني تلقين ماركة بألف وماركة بميتين!!

وأنا ودي أعرف المواصفات الزينة حتى ما يلعبون علي ! <<< متليعة من هك البياعين!!

المقصود اننا اذا بغينا نشري غرفة نسأل عن نوع الخشب والصناعة ... وبكذا نميز الزين من الشين بناء على المعطيات الي عندنا عن أفضل الاخشاب وأفضل الصناعات وووو ..

طيب لما نشتري نظارات شمسية .. وشي المواصفات المطلوبه بدقة حتى ما نتوهق ونشتري شي ضار !!
لأن النظارات المغشوشة تضر العين مررررة لأنها تسوي لها خداع فتتسرب لها الأشعة الضارة ..

تكفون الي تعرف تعلمنا .. والي ما تعرف تسأل أو تبحث معنا عن جواب ومعلومات ..