شاركي في النقاش

سجلي الدخول لإضافة تعليق.

التعليقات

9,185
  1. المشاركة المقتبسة غير متاحة.

    الله يالثلاثينيه انا يوم اسمع كلامك معنوياتي ترتفع ما اعرف ليش كلما اشوف صوري احس اني خسفه و خواني و خواتي يقولون لا و الله شكلك رووووووووووعه. شكلي لازم احاول احب نفسي و ارتاح بجسمي سواء نحفت او لاء. تعرفين الواحد يوم يكون متييييييين ( طبعا مهب الكل ) يحبط نفسه و يقلل من قيمته. الحين انا صحيح مربربه بس المعرس ما عنده مانع لانه شافني و قعد معاي و كلمني و يعرف كيف شكلي كان ايام ال 140. اتمني و ادعي من كل قلبي انه يكون مثل يبينلي لاني مريت بمصاعب كثيييييييييره في حياتي و ما احب اعيش حيات كلها ارف و تعاسه. اقولك انا متوتره حيييييل و قلقانه.
    انا كنت ناويه اسجل في المسابقه بعد بس خفت اني ما اكمل مثل المرة الماضيه و تجمع المسابقه حلو و البنات حبوبات بس كثار فرح تشوفين الردود تطير 10 صفحات في اليوم و الصراحه هذي الايام ما عندي وقت من مركز المساج للجيم و مشي بالحديقه No time at all.
    خلاص كفايه كلام عني..............
    انا اشوف ان من 3 - 5 كيلو بالشهر ممتاز و حسب اخصائيه التغذيه ان يوم الوزن يوقف لمدة شهر بس بدون ما تخبصين و طلعت روحش تروحين عندهم يسحبون السائل كله و تقعدين يومين الي 3 ايام تاكلين الي تبينه و بعدها يضوقولش مرة ثانيه فينصدم الجسم و ينزل الوزن بسرعه. و هذي اخصائيه ثقه متخصصه لمتابعه المرضى بعد عمليات الربط و التحوير و الشد و الشفط.
    يا روحي يالثلاثينيه ما احب اتدخل في امورش الشخصيه بس لو ابو العيال عنده نظر رح يجيش ركض و ريله فوق راسه.
    بالنسبه للعمليه الي تقولين عليها ما عندي فكره عنها و اخصائيه التغذيه ما فهمت علي و قالت لي حتى اذا كان في شي مثل هذا ما رح يكون تاثيره كتاثير العمليه الاساسيه المعروفه حاليا.

    سلطانه : هلا و الله الغالى كله .......... انتي ريلش وش فيه لييييييييش الناس تموت على الفخوذ الملزلزه واااااااااايد حلوه على لبس البنطلون. انتي استهدي بالله و نزلي وزنك بالاول لانها اكييييد رح تنزل و بعدها سوي شفط و شد اما الحين ركزي على نزول الوزن و جربي المساج على الاقل اذا ما ضعفوا رح ينشدو و بييييييييي كووووووووووول. انا سمعت عن الشورت الحراري جربيه يمكن يفيد تحصلينه بالصيدليات

    بنت السوريه : انا باديه معاك من اليوم نتوكل و نخليها 3 - 5 كيلو و الي يزيد خير و بركه و سلة الباتشي عليه. الله يحميكي من عيال الحرام و يحفظك لزوجش و عيالش و هلش و يسعدش ربي دنيا و آخره و يبعد عنش كل شر و ضر و اذيه يا رب .......... لا تنسين تقرين على نفسك و عيالش و كثر من اواخر سورة البقره و آية الكرسي.
    :( ما عندي :arb: لسه بس جاي بالطريق خخخخخخ ذيك الساعه باساله و ارد عليش:22:

    ميمو : وييييييييييييي بداتي تاكلين و اندومي بعد يال العار ............. لا حياتي انتي اهدئي شوي و حاولي تشغلين نفسش عن الاكل حاليا بس على اي حال ما رح تقدرين تاكلين مثل الاول هذا اكير و التضويق لسه عليه وقت انتي الحين حاولي تلتزمين سوائل فقط و لا تجربين اكلات ثانيه حاليا. شو يعني طرشتوا ؟؟ انا كنت يوعانه 24/7 و ما حاولت اكل ابدا ظليت على السوائل و المهروس شهر كامل لاني اعرف نفسي طفسه اذا جربت اكلات ثانيه ما رح اقدر اوقف نفسي.

    روعه المكان : بنات درتش ان شاء الله يفيدونش لان ما شاء الله عندنا البنات هني وااااااااااااااايد متعاونات و حبوبات . تسلمي الغلا لا شكر على واجب.

    النيه الصافيه : لك وحشه يا حلوه ........... انا اقول الافضل تسويها عند دكتور تعرفينه و مجربتيه مدام انه كان اميين معك بالربط اتوقع يكون اكثر امانه بالشد لانك صرتي زبونه عنده و ان شاء الله يكون قد الثقه. ليش ما تنطرين ينزل وزنك للسبعين او 65 و بعدين تسويها علشان تحصلين على نتائج احلى .

    UAE 111 : حياتي انتي من وين في الامارات اذا من دبي افيدش اذا من بوظبي العمده عندنا الثلاثينيه تفيدش اكثر


    يلا بنات تفلسفت وايد اليوم اشوفكم على خير باذن الله ديروا بالكم على اعماركن و سدوا الحلوج عن الاكل
  2. السلام عليكم
    شخباركم يا بنوتات ؟
    عيدكم مبارك وكل عام وانتوا بخير :hahaha: تو الناس


    عسوله

    :icon28: :icon28: :icon28: :icon28:
    مبرووووووووووووك .. الف مبروووووووك .. والله فرحت لج

    :42: وناسه بيصير عندنا فالرابطه بيبي وعروس

    عسوله .. قريت من ضمن الردود انج قلتي حق ميمو تاخذ انشور
    اذا كنتي تاخذين انشور لا تكثرين منه سعراته الحراريه عاليه
    ولا تعتمدين حبيبتي بس على المساج عشان الشد .. انا كل ما رحت حق دكتور قال لي امشي .. المشي يشد الجسم


    النيه الصافيه

    حج مبرور وذنب مغفور ان شاء الله :26:
    وطمنينا اشصار معاج عشان العمليه :)


    ريم

    الدكتور اللي سوى لج العمليه المدكتور محمود عطا الله هو نفسه اللي في مركز جراحة التجميل ولا واحد ثاني ؟


    يا بنات ..

    ما تعرفون اي شي عن غنوجه وشيخة الزين ؟
    لهم فتره مختفيين



    يا بنوتات

    اللي عندها مشكلة تساقط الشعر
    حبوب الفيتامينات مفعولها بطيء
    انا جربت الابر
    هي صج تعور بس نتايجها ممتازه
    اسألوا عند دكاترة التجميل او الجلديه
    عن ابر التغذيه للشعر
    شعري ما رد مثل اول
    بس في تحسن كبير الحمدلله


    الثلاثينيه

    انتي سألتي عن الشد بالليزر
    سألت اليوم في مركز جراحة التجميل
    وقالوا لي موجود عندهم
    بس لازم اكلم الدكتور وهو مب موجود الحين
    بتصل له ان شاء الله بعدين وبسأله
    بس اتوقع السعر يكون غالي



    سلطانه الطيوبه


    تعرفين من شنو تكبر الفخوذ ؟
    تكبر من كثر القعده
    لا تقعدين وايد
    انا اول كان جسمي وايد احسن
    بس قعدت فالبيت 8 شهور
    وانا من النوع اللي ما احب اطلع وايد
    يعني 24 ساعه قاعده
    صرت اذا امتن بس امتن من الفخوذ والجوانب
    في وحده من اهلي جذي
    وتمت تلعب رياضه
    وخفوا وايد
    انا ان شاء الله بعد العمليه برجع العب رياضه


    بنت السوريه

    حبيبتي حاسبي من خل التفاح .. يزيد حموضة المعده

    وسوري اذا نسيت اي حد :26:

    بالنسبه لأخباري

    ما في اي تغير يذكر .. وعمليتي ان شاء الله يوم الاربعا :)
  3. السلام عليكم
    كل عام وانتم بخير
    سو درب سو درب الحجيه الحامل وصلت :22: :22:
    شلونكم شعلومكم
    الف مبروك الخطبه عسووووووووووله عقبال الزواج:26:
    النيه الصافيه
    تقبل الله وحج مبرور وذنبا مغفور اقول اشفتج بالحج ونا ديت عليج يالنيه يالنيه ولا كنج تشوفيني هههههههههههه :22:
    الحمد لله الحج وايد تطور عن الاول واسهل الله يسهل على امه محمد:)
    انا رجعت من الحج نازل وزني من المشي بس شكلي اكثر نازل من الوزن
    :42:
  4. @rym_57

    هلا بنات الرابطة الحبوبات
    يعجبني الالقاب في الرابطة
    الثلاثينية - عمدة الرابطة
    ريم - ام شباصتين
    ياليت نضع القاب للبقية
    النية الصافية حج مقبول وذنب مقبول تقبل الله منا ومنك صالح الاعمال
    بالنسبة لتجربة الشفط والشد انا ذكرتها اكثر من مرة - اخاف البنات يأخذون فكرة عني باني هذارة
    ياليت تسترجعين ماسبق واذا فيه اي استفسار انا في الشوفه

    سلطانة الحبوبة
    حياك الله وبياك اذا انتي متعقدة من افخاذك لا تترددين سوي فيها عمليه شفط وشد والله راح ترتاحين كثير ولا تنطرين لين تخسين لان نزولنا بطىء جدا وراح العمر ياولدي
    ولان الدهون متركزة في هاي المنطقة والله ما يفيد الا الشفط والشد انا على فكرة ما سويت الافخاذ بس البطن اللي سويته 0

    توتا البنوتة
    بنت بلادي الله يحيك ويبقيك لا الدكتور عطا الله بس يشتغل في الرميلة فقط

    ليلو الحبوبه
    هلا وغلا وحج مبرور وذنب مغفور


    عسولة
    الثقة بالنفس اهم سمات الاعجاب بالشخص وانتي ما شاء الله عليك كاملة
    بما انك توك صغيرونة ولا عندك خبرة في ابو الشباب لا تحاولين تلفتين انتباهه لجسمك حاولي تلفتينة بجمالك وخفت دمك واغرائك والله يتمم لك على خير

    بنت السورية
    ماقدر اطلع الا اذا بعثتلك باقة ورد جوري وتحياتي
  5. هلااااااااااا وغلااااااااا ببنات الرااااابطة الحبيبااااات

    ياعمري عليكم كلكم,,عسسسسسسسسسسسسسل مصفى وقلب ابيض وحب للمسساعدة والمشورة الطيبة..

    بنت السورية
    جبتيهاااااااا والله يابنت ديرتي,,الله يعطيك 19000 عااافية

    عسووولة

    توتا البنوتا

    الثلاثينية
    كلامكم الصحيح دررر ربي يحميكم ويتم عليكم نعمته

    ريم ام شباصتين
    يالللللللللله ماتصدقين كلامكريحني يوم قلتي سويها وضاع العمر ياولدي..لان زي ماقلتي الدهون بالافخاذ مستحيييييييييييل تخف

    يامال العااااااااااااااااااافية