الحمدالله رب العالمين..العيال رزق من الله..وعندي ولد وبنتين..وبين كل طفل والثاني تركت فاصل من3 إلى أربع سنوات..وهالمرة بعد 4 سنوات أحمل للمرة الرابعة....وبصراحة في خاطري ولد لحبي الشديد لبكري....وأحس أنه وحداني لما يشوف الإختين يلعبون مع بعض..
كشفت بالألترا ساوند لما كنت بالشهر الثالث وقالتلي الدكتورة (على الأرجح إنها بنوته)....دمعت عيني بدون ما أحس...وإستغفرت الله لأني حسيت إني بدموعي هذه والضيق اللي حسيته ظلمت هالبنوته...
ما اعرف كيف أوصفلكم إحساسي....
الحمدالله رب العالمين
شاركي في النقاش
سجلي الدخول لإضافة تعليق.
التعليقات
26- الحمد لله رب العالمين الاولاد والبنات نعمة من رب العالمين
والله يرزقج الي تتمنينه يااااااااااااااارب ويطلع ولد لان الدكاترة يغلطو وروحي كشفي في الخامس ان شاء الله خير والله يتمم حملج وكل الحوامل على خير ويرزق كل المحرومات يااااااااااااارب
واذا بنت احمدي ربج وادعيه ان يرزقج اخ لولدج المرة الياية - الله يرزقج بولد آمييييييييييييييييييييييييين يارب
كثري من الأستغفاااااااااااااااااااااااااااااار - الله يزقك اللي تتمنيه يااااااارب ويرزق كل محرومه يارب ...
- قولي الحمد لله ياختي غيرك ما شمت ريحت الولد ...... وانتي عندك الولد وتبغين زياده !!!
شوفيني انا عندي بنات بس الله يحفظهم ويخليهم لي واتمنى لو ولد واحد بس الله كريم
انا الان حامل وكل مره اقول باروح اكشف واشوف جنس الجنين وبعدين اقول لالالا خليها مع الولاده والي يجي يجي
اسال الله العلي العظيم ان يرزقني واياك وكل محرومه بالولد الذكر الصالح السليم انه ولي ذلك والقادر عليه آآآآآآآآآآآآآآآآآآآمين - يابنت الحلال احمدي ربك واشكرية على الخلقة الحسنة..وان عيالك سليمين وما فيهم شء ..والله هذا بحد ذاته اكبر نعمة..وبعدين انتي احسن من غيرك عالاقل بكرك ولد..وانشالله يكون سند لخواته..مو مثل اللي خلفتهم كلهم بنات..وانتي توك ما عندك الا 3 والرابع بالطريق..يعن يمكن الخامس او السادس يكون ولد..وربي له حكمه في كل شئ..وترى انا اكبر شاهد على ان الولد الوحيد مايضره..انا امي جابت 8 بنات وولد واحد..والحمد لله ما ضرنا ابد ولا ضر اخوي بالعكس تحمل المسؤليه بدري..بحكم ان ابوي توفى بدري..والحمد لله عايشيتن مثل اللي عندهم اربعة اولاد لا ويمكن احسن..احنا وش خذنا من العيال الا التحكم..والسلطة..
مواضيع مشابهة
تابعي تجارب أخرى من هذا القسم.