شاركي في النقاش

سجلي الدخول لإضافة تعليق.

التعليقات

55
  1. بسم الله علي ان شاء الله مااصير بمكانك واسوي كل هالمعاصي
    اسمحي لي لو كنت صغيره لخاطبتك باسلوب ثاني لكن الادهى انك
    كبيره وجامعيه ولاتفرقين بين الصح والخطأ
    أولا تسمحين لصديقتك بالتحدث مع غير محرم لها بعلمك ورضاك فالراضي كالفاعل
    ابيك يوصلها دون محرم!!!!
    تتحدثين مع زميلك بالجامعه وكأنه اخوك والعياذ بالله وتنوين اعطاءه رقمك معقوله كل هذا تسوينه من محرمات وبكل ثقه تنزلين موضوع تطلبيننا نساعدك
    أعرف ان حياتكم غير حياتنا لكن

    (فاذا ابتليتم فاستتروا )
  2. @ghrshob_raabob

    هذي غيره او نقص بثقتها في نفسها فلا تخلينها تأثر عليك
    ياعمري واضح انك طيبه جدا وهاي الصديقه نفسها تكون مثلك
    ولا لقت شي تقدر تمسكه عليك عشان كذا تكلمت عنك بالباطل
    ولا تستغربين من اللي صار لان المفروض تتوقعين من وحده تخون
    ربها واهلها وتكلم شباب وتعصي الله انها تسوي اكثر من كذا !!!

    اختي نصيحه من اخت ابتعدي وفورا عن هاي الصديقه ولا تكون
    لك اي علاقه بها او بوحده مثلها لان الانسان يعرف من اصحابه
    اللي يمشي معاهم مب كافي الوحده تكون شريفه ومستقيمه وتمشي مع
    وحده مثل هاي لان الناس عليها بالظاهر ومن احب قوما فهو منهم فانتي
    ابتعدي عنها عشان الناس لاتقول هي مثلها مثل صديقتها

    اتمنى اللي صار لك درس عشان لا توثقين في ناس مثل هالبنت وتكوني
    اكثر حرص في انتقاء اصدقاءك خصوصا في مجتمع مثل الجامعه مختلط
    وكل الشباب يبغي يتعرف والبنات تبغي تسوي لها مغامرات فلا تلتمين على
    مثل هالبنت لا تسئ لسمعتك

    واعلمي اختي ان الدنيا بخير والناس فيها من الخير الكثير فلا تهتز ثقتك
    بالناس وتنعدم لان الناس الطيبه موجوده بس المشكله فينا احنا اللي مانعرف
    نختار صح ولا نعرف عدونا من حبيبنا هالبنت كان فيها نقص وحبت تبين
    امام هالشاب انه النقص مب بس فيها هي والعيب مب بس فيها هي بل في
    الكل وما لقت احسن منك تشكك في عفتها واخلاقها

    يمكن صديقتك ندمانه بس ماعتقد ينفع الندم اللحين انهي علاقتك معاها بكل هدوء
    وبدون استفزاز او تجريح ونقاش لان ماتأمنين لها يمكن تحاول تضرك او تسئ لك
    اذا استفزيتيها قولي لها يا بنت الحلال كل وحده تروح في حالها وخليني بحالي
    ولا تجيبين طاري اسمي والله يسامحك ويهديك ويغفر لك
  3. @dr_albhryn_947

    إلي صار صار
    وإن شاء الله يكون هذا درس لك وإنك تفكرين قبل ما تختارين إي صديقه
    واهم شي لازم تكون البنت إلي تمشين معاها سمعتها محترمه وماعندها إي علاقات مع شباب لان هالشي راح يأثر على سمعتك إنتي بعد لانك تمشين مع هالاشكال

    ربي يحفظك وييسر لك اموورك إن شاء الله
  4. @mshroaa_fylsof

    المشاركة المقتبسة غير متاحة.

    اختي ساره

    الأخوات ماقصروا وقالوا معظم النصائح بارك الله فيهم .


    ولكن انا اقول لك انك كنت مقصره مع صديقتك !!!!!

    حين ترين صديقتك تبارز الله بالمعصية وبدل من الاخذ بيدها ونصحها

    ومنعها بكل السبل من الانجراف في وحل مكالمات الشباب اراك تسهلين المهمة لها !!!!!!!

    وتعطينها تليفونك الخاص حتى تتواصل معهم من خلاله!!!!!! ... أين الخوف من الله !!!!

    الا تعلمين ياساره ان المعصية لها شؤم ؟؟!!

    اين خوفك على صديقه غافله لم تجد من يذكرها بالله ؟؟!!

    الا تسمعي ياساره المقوله ( صديقك هو من صدقك القول لامن صدًقك)


    اختي .. احمدي الله تعالى ان ماحصل لك لم يتعدى سوى الكلام فقط .

    و رأيي كما قالت لك اخت قبلي اخبري والدتك بالموضوع,,,

    واقطعي علاقتك بهذه الصديقه نهائيا ,,,,

    وخذيها درس واتعظي بما حصل لصديقتك واحذري كل الحذر من التهاون بالاختلاط و محادثه الشباب حتى ولو عن حسن نية ,,,,

    وحتى لو كان مجتمعك يسمح بذلك تذكري انك مسلمة .


    وتذكري ياساره ان الحكيم من اتعظ بغيره والجاهل من اتعظ بنفسه .

    واذا سنحت لك الفرص بصداقه جديده فكوني نعم الصديقه الناصحة المحبة .

    ( صديقات الضحك والوناسة والعافيه كثيراااااااااات ولكن الصديقه الناصحه التي تقف في وجه الغلط لتوقفه قليلات جدا )

    فكوني عمله نادره واحرصي على ان تكوني حامل المسك تجد منك اخواتك الريح الطيب ..

    واحذري ان تكوني مثل نافخ الكير يؤذي صاحبه .


    الصدمه التي تمرين بها لعلها تكفير لتقصيرك في حق اخت مسلمه آثمه ....

    وتكفير لخطأك بتسهيل الخطأ لها ....

    وصدقيني مثل هالصدمات الوقت كفيل بمحوها.


    اختي انا لا اتهمك ولا اعنفك ولكن احببت ان انبهك لما قد تكونين غافلة عنه .

    بارك الله فيك ,,,, والهمك الصواب في كل اقوالك وافعالك ,,,,

    وسترك في الدنيا ويوم العرض الاكبر ,,,, وكفاك مااهمك من امر الدنيا والأخره ,,,,,
  5. @mkan_khas

    اختي

    اسمعي نصيحه لوجه الله

    الخلافات بين اعز الاصدقاء وارده جدا

    و الصديق الصدوق الي يخطى ويسامح

    بس في اشياء الواحد ما يتجاوز عنها اولها الشرف و العرض

    اختي لانه الموضوع هذا ما يخصك انت بس

    شرفك و عرضك هو شرف اهلك

    و بكره يكون شرف زوجك

    اذا كانت هذي الصديقه قادره على انها تشوه سمعتك جدام الناس

    انتي مش محتاجتها هي تنسى وانت تنسي بس الناس ما تنسى

    وانت ادري بمصلحتك

    والله يسر امورك

تابعي تجارب أخرى من هذا القسم.