المضيفة المصرية *5 اتفضلى اشربى شاى وخديلك 
متابعة النقاش، صفحة 346
شاركي في النقاش
سجلي الدخول لإضافة تعليق.
التعليقات
2,027- يا بنات سلامى للجميع
- سلامى للجميع وده المره الخامسه كتبت مشاركات كتيروموصلتش
الف مبروك لاميره
الف سلامه لمامت رانيا
مليسيا مشمشه سمسمه جنه فاطمه ام ياسين وام شهاب ازيكوا عاملين ايه فى البرد ده اتمنى يكون الجميع بخير - مشمش والله ياحبيبتى مشغوله امتحانات وحاجات كده ومذاكره لانى بدرس اول سنه فى التعليم المفتوح ولسهع امتحاناتى اول الشهر
ازيك انتى يامشمش وازى اخبارك واخبار الناس اللى هنا؟؟
ازيك ياسمسم معلهش والله مشغوليات وادينى جيت اهوووووو
وعليكم السلام يابوتا - السلام عليكم ياقمرات
أم باسل ورانيا
طمنونا على الحبايب ربنا يكرمكم
بنات
ياريت بجملة الدعاوي تدعو لواحدة صاحبتي اتوكست مع جوزها
مستفرد بيها في السعودية لوحدها ومن يومين وهي يادوب لسه عارفة انها حامل اتخانقوا وضربها في بطنها وضهرها وشتمها واتصل بأهلها في مصر وشتمهم وقاللهم انا هعزبها واخليها خدامة تحت رجلي والبنت بقالها 5 أيام على المية والعصير والبنت راقية جدا خسارة في اللي خلفوه........
والقنصلية بتدخل هناك والسفير بنفسه لأن اهلها ناس مش قليلين
بس البنت فعلا منهارة نفسيا وجسمانيا الهي تتقطع ايديه...........
دعواتكم لها أرجوكم
مشمش
ربنا يكرمك ياحبي على السؤال بس اصل جوزي اجازة من يوم الوقفة ولسه هينزل الشغل بكرة فطبعا مش بعرف اخد راحتي في القعدة بس خلاص هو نازل والجو هيروق........ lolookasha السلام عليكم ياقمرات أم باسل ورانيا طمنونا على الحبايب ربنا يكرمكم بنات ياريت بجملة الدعاوي تدعو لواحدة صاحبتي اتوكست مع جوزها مستفرد بيها في السعودية لوحدها ومن يومين وهي يادوب لسه عارفة انها حامل اتخانقوا وضربها في بطنها وضهرها وشتمها…
nabila5050,mishmish,سمسمة*****,مليسيا
ألف شكر على الترحيب الجميل ده و اسمحولي بقى ابدأ بأولى مشاركاتي:
اعرفي عريسك بدري بدري.. من طريقة أكله ....؟؟؟؟
1- إذا كان عادي يعني لا بياكل بسرعة ولا ببطء ولا دايمًا شبعان ولامفجوع على طول..
يبقى شخص معتدل في عواطفه وقراراته ويبقى ده آخرالرجال المحترمين..
كلبشي.. واستعجلي الزفاف والحياة هتبقى بمبي
************************
2- إذا كان بيحب الأكل زي عينيه.. وأول ما يدخل من الباب وقبل ما يقوللك ازيك يقول لك ريحة التقلية تجنن ياروحي إنتوا عاملين ملوخية على أرانب؟؟.. أموت أنا.. ويقعد ياكل ويحشر لحد ما يغمى عليه..
يبقي انسان طفس.. وهوائي.. وطايش
وأوعي تتجوزيه أحسن ياكلك وانتي نايمة....؟
************************
3- أما إذا كان مش مهتم بالمرة.. لايقولك ده
حلو ولا ده عادب ولا مالح ولا مستوي ولا لسه ني ولا بيعلق أي تعليق.. وعمره مايقولك جعان أو شبعان
يبقى إنسان مالوش لزمه.. وزي قلته..
وأنصحك بدل ما تتجوزيه إتبنيه..
************************
4- أما إذا كان بياكل زى مايكون حد بيجري ورااااه وساعة الأكل بيجيله حالة صرع معوي.. ويقوم من ع الأكل قبل أي حد تاني
يبقى متسرع.. ومتهورفي اتخاذ قراراته وممكن بعد الجواااز يكتشف إنك لست ملهمته..ولست فتاةأحلامه ولستِ حلمه..
ويروح مطلقك بالتلاتة..
إخلعي إنتي بدري أحسن لكرامتك.
************************
5- أما إذا كان بياكل على مهله.. ويمزمز.. ف كل صنف لوحده.. ويسأل عن كل صنف إيه مقاديره ومعمول إزاااي ويقعد يستطعم ف الأكل من العصرللمغرب
حاسبي منه يا اختي ده النوع اللي له مخ.. وبيوزن الأموربطريقه تفقع المرارة.. ولو في يوم طلبتي منه يقولك كلمة حلوة هايقولك مش عاملحسابي ويقعد يفكر 3 سنين وبعدين يقول لك بحبك ويقعد يشوف وقعها عليكي إيه؟؟
نظااااام شلل رعاش بدري.... بدري
إخلعي يا أمي
************************
6- أما إذا كان بيقعد يقطع ف الأكل زي مايكون ف خناقة ويخبط فطبقه من الغل.. ويقطع حتة اللحمة زي ما يكون بيدبحها.. ويتفتف.. ويتكلم.. طول ماهو بياكل لما يغرق وشك أكل..
ده شخص عصبي جدًاااا.. ومع أول خناقة هايروح مناولك بالكرسي ف راسك أوبالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري ياروحي هي جت فيكي.. معلش"
""معلش برَّه يا حبيبي وخد الباب ف أيدك""
************************
7-أما إذا كان دايمًا قرفاااان دايمًا مش عاجبه العجب ولا الصيام في
رجب.. يع.. الملوخية تقيلة.. ياي.. السمنة كتيرة على وش الشوربة..
ياساتر.. دا محشي ولاصوابع مووووز.. أووووف.. الرز محصويل.. يامَّه
المكرونة معجنة..
إذا كان كده توكلي على الله وهاتي أحمى ساطووووورعندك
وأنا أعرف لك واحد محاميهايطلعك منها زي الشعرة م العجيييين
والأحسن من ده كله..... مالها القعدة ف بيت
أبووووووووكي؟؟
ههههههههه
مواضيع مشابهة
تابعي تجارب أخرى من هذا القسم.