:: ديوانية التوائم..ممنوع دخول الحامل بواحد ::

أنا البلسم كيفك حبيبتي
أنا ولادتي راح تكون قبلك في 25في شهر 5....
وحبيت أقولك إن حتى دكتورتي ماقالتلي على عملية الربط قالت في الرابع راح تعملي تصوير لعنق
الرحم وبعدين تحدد إذا أحتاج أو لا..
وأنا صراحه ماعملت لأني أتوقع إنها راح تكشف من تحت وأنا ماأبغى..
وبعدين الحمد لله من يوم ما بطلت المثبت ماحسيت بألم أو شي موطبيعي عشان كذه راح أخليها على ربنا وماراح أسوي ربط...
وزي ماقالت في السابع إنشاءالله راح أرجع آخذ المثبت...
فنصيحتي لا تسوين الربط إلا لما تتأكدين إنك تتحتاجين له ودعواتي لك ولكل الحوامل بولاده سهله وفي
موعدها....

هلا ومرحبا بالكل
اولا...... الرياض ان"انا بناتي وحده الحمدالله هاديه وحده لا بس طول الليل ما ينامون والنهار العكس والي مضايقني اذا بكوا كلهم وما اعرف وش يبون ولا المغص ياعيني عليه
وش رايك نفتح ديوانيه للتؤام بقسم الطفل؟؟؟؟؟؟؟
الي سألت عن اسم بناتي......عمي ابو زوجي الله يخليه هو الي مسميهم(دانه..واسماء)وبنتي الاكبر (لينا)

لكل وحده تعاني من فقر الدم انتبهوا لصحتكم قبل الولاده
انا كان دمي 11 وبعد الولاده8
وجلست بالمستشفى 9ايام لان الي حامل بمشيمتين تنزف دم اكثر وقت العمليه

أنا كتبت الرد دا من الظهر وبعدين الجهاز تنك
وقعدت الى الان وانا احاول فيه وبعدين تفتق ذهني عن فكرة رهيبة
اني افتح النت من الجهاز التاني خخخ شفتو الحمل وعمايله

وهذا ردي


بنوتة
إنتي لو تشوفي وجهها وهي مستصيبة وانا اتمدد على سريرها طارت عيونها
بالنسبة للأسماء الى الآن انا على جنى وجودي
اش رأيك؟؟ صراحة وبدون مجاملات
الناس قالولي جنى زايط بس زوجي عاجبة وما ودي اكسر خاطرة وهو قاللي لو مو عاجبك خلاص لأني سميت بنتي الكبيرة على والدته الله يرحمها

آرام
الله يعينك غمضي عينك وفتحيها تلاقي شريطك وصل للـ Ok Ok ومني فاكرة الباقي
يعني الزبدة توصلي التاسع على خير بإذن الله


إن رياض
بشرتيني الله يبشرك بالخير أجل مافيه نوم
انا اليومين دي قاعدة أخزننننن
انام 3 الفجر ولا اقوم الا قريب الاتنين الظهر

مع اني عارفة التخزين دا ما حيجيب نتيجة بعدين بس عشان اقعد بعدين اتذكر الايام الخوالي



أم الحلوة
حسستيني اني مهمة
خخخخخ
والله شكل الناس حيولدو قبلي وانا مكانك سر
مافيه اي بوادر الى الان غير حقت قبل كم يوم
بكرة اخلص الـ37 أسبوع وعندي موعد وربنا يستررر
سأوافيكم بالتفاصيل بإذن الله إن لم يحبسني حابسسسسسسس


أناالبلسم
اعتقد في الخامس ممكن يبين
بس الاكيد على الاسبوع 26 كدا الدكتورة قالتلي

الا صحيح انتي في كم دحين عشان نعرف مين الأخيرة انتي ولا ارام


مؤمنة
بالنسبة للآلام قولي للدكتورة احسن
والحركة الاكيدة كانت 4 شهور و10 ايام تقريبا قبلها كنت احس بنبضات بسسسس


دونا6
حتى احنا بنوش يكون عندك كي بورد عربي نبغى نعرف قصصك
وهل هم متشابهين ولا لأ
وولدتيهم في كم
طبيعي ولا قيصري >>>>> حتكرهي الساعة اللي دخلتي فيها هنا خخخخخخ

وحتى لو ما اتوفرلك كي بورد اكتبي انجليزي عربي واحنا نحاول نفك الخط:hahaha:


جنونة
لا تقهري عمرك خلاص اعتبريها وصلت

وبالنسبة للإبر ما عندي خبر اعتقد ام الحلوة اخدتها
والله يكون في عونك

ام زوزو
اخبارك؟؟ وطمنينا عن النتيجة اليوم


اعصار مالها حس الله يطمنا عليها

ودندون خلاص شكلها اعتزلت النت الله يعينها
ياريت دندوش تطمناعن اخر اخبارها

أنا وياكم

معليش حبيبتي

كيفك وفي أي حكومي تراجعي <<<< جبتيه لنفسك خخخخ

انا كدا حولوني على اتشاري في الجامعة ولا عمري شفت وجهه كل مرة يدخلوني على الدكاترة اللي تحته وكل مرة واحد شكل
وكل واحد برأي وحالة
الله يستر منهم بس


ضوري
حياكي الله بينا


العنا وانا
الله يرزقك اللي فيه خير لكي