شلة الفراشه الماسيه((اطفالنا اكبادنا 5))

أم نفل وينك ؟؟؟؟؟؟؟؟

ماصارت ترى بنطلع لك أنذار أول بالفصل .

أو بنروح كلنا الشلة وندور عليك في الأمارات ونسوي مظاهرات شفتي صرت شاعرة ياسلام علي .ترى بنقدم فيك شكوى عند هيئة الامم المتحدة لو ماطلعتي وبينتي ((أطلعي وباني عليك الأمان ))

السلام عليكم
شخباركم
لسه راجعه من بيت اهلي ونيمت حمادي وجيتكم ركض
انا الحمدلله تعبانه لان البارحه حاولت اني ما اخلي حمادي ينام جنبي لكن كان كل شوي يقعد اخر شي ما قدرت اقاوم النوم ونيمته معي :(
زوجي يقول يمكن يكون بردان عشان كذا يبي يحس بالدفى والحنان وما يبيني انيمه في سريره


اماني اي والله صادقه العين ينخاف منها وامي دايما تقول ان حتى الام ينخاف على ولدها من عينها عشان كذا حصنوا اولادكم دايما الله يبارك فيكي مع انه لسه ما توازن في المشي بس صار يلهيه عن اشياء وايد
وهذاني احاول انيمه لوحده لان ما ابيه يتعود على هالشي مع ان راسي خفيف اقل شي اقعد من النوم بس سبحان الله ما تدرين شيصير

بالنسبه لانه كل شوي يقعد انا بعد محتاره لان من اول ما ولدته لحد 6 اشهر ينام تمام مع اني ما انيمه العصر وايد ولا اخليه ينام المغرب بس ابي احل مشكله نومه في السرير بعدين قعدته احس هذا اجسن حل وما ادري هل صح او لا
وانا وياكي ام نفل طولت الغيبه عسى المانع خير:)

خلود مشكورة وان شاء الله يتعود على النوم لوحده ادعي لي:) والله يشافي بنتك ويخليها تعرفي اسم جمانه عاجبني موت وكنت مختارته اذا الله رزقني ببنت بس الله رزقني بولد فقلت ما فيه احسن من اسم الحبيب المصطفى (ص) :)

انوار الله يشافي غلا ان شاء الله ويخليها وما تشوفين شر وان شاء الله نشوف موضوعك:)


ام رسيل انا زوجي يقول كذا يمكن يبي دلع اكثر وحنان اكثر مع اني ما اقصر معاه طول اليوم


بطني يوجعن الله يخلي لك بناتك ويرزقك الولد الصالح:) اللي يقر عينك وعين ابوه:)




اشوفكم على خير وفي امان الله

انوار اي والله بناتنا مهبل كل يوم والثاني صخاين
جبت لها من الصيدليه مذيب للبلغم وعطيتها جرعه بخار وحده والله ينفع به يارب
صايره بس تستفرغ من الكحه وكل شوي تغيير ملابس وبطانيات وتمسيح الله يشفيهم يارب
ام شهد انا ادخل الليل تقريبا لاني في النهار اصير لاهيه وماافضى تو دخلت شفتك وفرحت يوم ارسلت لك مارديتي طلعتي غير متصل والله قهر..........

وبالنسبه لبرد القصيم انا تقريبا ذقته لاني كنت عند اهلي والله ياهي ثالجه المجمعه مووووووووت اصلا هي دايم برد وشلون في هالجو؟؟؟؟
تراها ميب بعيده عن القصيم ابد من ناحيه البرد......

اما حليب نيدو الدكتوره نجلا مانصحتني فيه قلت اجل هي ابخص مني........

ام حمادي نصيحه من الحين خليه ينام لحاله ترى والله يتعود ومايفارقك لاكبر واذا جبتي طفل ثاني بتحسين بالمعاناه وبيصير يغار وكله على راسك........

اجل علجبك اسم جمانه تسلمين ياقلبي مع ان الكثير حطمني عليه والى الان والكل يقول لي مو حلو لدرجه اني الحين مليت من الاسم من كثر تعليقات الناس
لكن كنت اعشق هالاسم وحاطته في بالي لمده 6 سنوات كنت اتمنى اجيب بنت عشان اسمي هالاسم بس

الله يرزقك ببنت وتسمينها جمانه واكيد بتصير قموره حلوه .........

بسمه خجل غريبه مالها حس عساها رجعت بالسلامه من الحج
والله كاني مو غلطانه فهي جالسه فتره نقاهه عند اهلها عقب التعب .....
الله يتقبل منها ومن المسلمين اجمعين.........

سلام بنات

انا زي ما قلت لكم استخدم لرسيل حليب بروجرس

ام نفل وبسمه خجل

الله يرجعكم لنا بالسلام

رسيل موعد تطعيمتها بكره صباحا بالحبيب الله يستر
ما احب التطعييييييييييم وامي تعبانه يمكن ما تقدر تاخذ رسيل شكلي بتوهق واروح انا


بنات عندي صديقتي مره مره مره حبوبه ما شاء الله عليها وهي قصيميه بس ما اتزوجت ودي القالها عريس ما حولكم احد محترم تخطبونها له

شغاله خطابه انا هاليومين