سؤال للمصريات : ما رأيكن فى اعلامكن !

بسم الله الرحمن الرحيم

اخواتى الفاضلات

لفت انتباهى بعض النقد و الاعتراضات التى وجهت لاول فيلم سينمائى سعودى من قبل السعوديين انفسهم و كانت وجهة نظرهم ان الفيلم لا يعبر عن حقيقة المجتمع السعودى ...

الاّن السؤال موجه للمصريين:

مارأيكم فى الاعلام المصرى ؟
هل ترون انه بالفعل يعبر عن الشعب المصرى ، هل ما يبث و يزاع على جميع الفضائيات العربية من مسلسلات و افلام و لقاءات مع الممثلين و شخصيات المجتمع الشهيرة يوضح الحياة الاجتماعية المصرية من كافة اوجهها و يعطى الصورة الحقيقية للشعب المصرى !!

سأخبركم بوجهه نظرى بعد رؤية اّرائكن ....

66 تعليق 3,742 مشاهدة

شاركي في النقاش

سجلي الدخول لإضافة تعليق.

التعليقات

62
  1. اللى سماكي شطوره ماكدبش

    لكن فعلا اعلامنا مش بيعبر عننا خااااااالص هما في وادي واحنا في وادى من الاخر
    حتى المسلسلات يا تلاقي مستوى في القاع وفقر وبؤس
    ياما ناس VIP ويحسسوكي انهم مش في مصر وانهم في اوروبا مثلا

    كمان احنا من زمان اعلامنا كده
    انا اختى في الكويت زميلاتها الكويتيات ماكنوش مصدقين ان مالناش قريبه ممثله ( من كترهم طبعا ) وكانوا فاكرين ان كل بيت مصري فيه بار زي ماكان في افلام زمان
    واننا لازم نكون زرنا كباريه قبل كده مثلا
    وهما مش غلطانيين احنا اللى اعلامنا بيتكلم عن فئه معينه في المجتمع وبيعممها
    ياريت اعلامنا يتكسف على دمه ويظهرنا بشكل كويس شويه
  2. @zmlkaoyh

    اعلامنا لا يعبر عن الشعب المصرى خالص
    للاسف الاعلام بتاعنا وحش جدا جدا
    احنا الحمد لله فى مصر بدا الدين ينتشر بصوره ملحوظه جدا جدا
    بس للاسف الاعلام مابينا غير كده خالص
  3. اعلامنا هو فين اعلامنا ده اساسا ده شوية عوالم على شوية رقاصات ايناس الدغيدي على يسرا على شوية بتوع كده مش فاهمين حاجه في اي حاجه وعملوا لنا صوره مهببه ربنا يهدهم والمشكله ان اي واحد تطلع في دماغه يقول اي حاجه ويلحنها ويتخيل انها اغنيه خلاص يبقى هو ده في الاعلام وجهة مصر والدنيا تتقلب والله انا باموت من الضحك لما واحد زي بعرور ولا الاشكال دي يطلعوا في برنامج المصيبه المذيعات مثلا يعملوا مقدمات تقولي اكيد هتستضيف حد حرر فلسطين ولا اكتشف علاج للايدز تلاقي مثلا رقاصه واحد بجاعوره اقولل ايه ولا ايه قلبتي علينا المواجع يا شطوره
  4. انا ليه راي

    اولا الاعلام مقسم الي كذا قسم يعني منخلطش الامور ببعضها

    - مثلا قسم الاغاني والممثلين ******** اكيد الساحه الغنائيه حاليا في نزول مستمر
    اما الافلام فيه الكويس وفي اللي مش كويس وعليكي انتي تختاري تشوفي ايه

    كمان بالنسبه للاعلام اللي بيعبر عن البرامج والاحداث

    احنا اللي بنختار نشوف ايه يعني اكيد في برامج في منتهي التفاهه
    بس علي الوجه الاخر برامج مميزه جدا يعني احنا اللي بحدد اللي نشوفه

    وانا من راي ان مفيش اعلام مصري او سعودي او كويتي في اعلام عربييييييييييييييييييي واحد



    واكيد احنا عارفين انه بيحكمه المصالح الشخصيه
    بدليل الفضائيات
  5. اعلامنا لا يعبر عن الشعب المصرى خالص
    للاسف الاعلام بتاعنا وحش جدا جدا
    this is to start with
    i will be back

تابعي تجارب أخرى من هذا القسم.