شاركي في النقاش

سجلي الدخول لإضافة تعليق.

التعليقات

317
  1. @algbnh

    بصراحه موضوع جدا رائع ومفيد يشكرون عليه الأخوات
    بس لوكل وحده تذكرمنتج استخدمته تذكرمعلومات كافيه عنه
  2. @mymo_10

    المهــــــا
    [ مساء الخير ... فقدتكA أشكرك من كل قلبي على هالموضوع الأكثر من رائع.... بصراحه أنا ماعندي شي أكتبه أو أنصحكم فيه لأني أنا بعد ابي أحد ينصحني ويثقفني ... اللمهم أنا أشوف الأخت نسيم الصباح تنصح في الدلع .. بصراحه أنا ما أعرف شلون أتدل…
    أنا بعد مثلها أبي شويه ثقاافه
  3. @fkdtka

    صاحبة الموضوع
    مشكوووووووووره بنات وحياكم الله اصلا انا اخترت هالموضوع بالذات لانو البنات المقبلات عالزواج يصيرون عايشين بهم وخوف من حياتهم الجديده واحنا هنا نقول كل شي ممكن انه يفيد غيرنا ويفرج عنهم همهم وكربتهم وانشاء الله ربي يفرج بكلامنا همنا وكربناء يوم القيامه....
    وانتم يابنوتات للي مو متزوجات ولا مقبلات عا الزواج استفيدو لحياتكم بكراء وانصحو خواتكم وصديقاتكم ...... وسلاااااااام
  4. @fkdtka

    صاحبة الموضوع
    اهلين بنات حبيت ااكد على سالفت انك تسوين نفسك ماتعرفين شي بالذات هذيك الليله العبي معه لعبت القطه المغمضه اي شي يسويه سوي نفسك ماتعرفين او مو فاهمه لانو بعض البنات تكون لها صديقه متزوجه وتعلمها بكل شي من تتزوج البنت تقوم توري ابو الشباب مهاراتها ويقوم يشك فيها وطبعا ممكن انه يحسب لك سوابق او انه يحسب انك من الناس اللي مدمنين افلام اللي بالي بالك وبكذا يصير مو مرتاح لك فاحسن لك تحسسيه انو ماعندك ساااااااااالفه علشان يرتاح واساليه عن اي شي وحسسيه انك محتاجه انه يعلمك علشان يحس برجولته وثقته بنفسه ويحس انك ملكه وانه هو اللي مدربك على يده.......... وشكريا........ولي رجعه
  5. السلام عليكم ورحمة الله وبركاته
    المهم انا متزوجه من شي سنه واللموضوع جدا شدني وجذبني لانو بالفعل مريت بهالتجربه وكنت جدا قلقانه بس اللي كان ماثر فيني بزياده انو اخواتي كانو بالدمام وماقدروا يحضروا بسبب المسافه وبسبب انو عيالهم بالمدارس وماكان في فرصه احد يفهمني اشياء احس اني اكتشفتها الحين وهي على نقاط المهم انها للعرايس ولكل متزوجه:
    1-لاتتعبي نفسك في حضور احد ولاتربطي مصيرك بمصيرهم انهم لو حضروا بتفرحي واذا لا بتزعلي صحيح فرحة عمرك بس انت المستفيده الاولى والاخيره والافضل تاجيلي زواجك برضى خطيبك لمن يكتملو الاحباب.
    2-اهم حاجه انك تروحي لكوفيره تثقين في شغلها وتختاري الوان جدابه كتير واهم حاجه لاتكثري في الميك اب الاضاءه اللي بتدي تشويهه بدل من الجمال اللي يسموها تل تقريبا والافضل الكوفيرة حقت الملكه اذا تثقي في شغلهاومدحوك في ملكتك
    3-اهتمي في اغراضك انك تكثري من العطور والبخور والبان واهم حاجه ريحتك وكوي ملابسك بيني لانو طبع الصبايا الريحه الحلوه والشياكه
    4-لاتلعبي في بشرتك كتير او تجلسي تراقبيها عند المرايا خاصه اذا كان فيها حبوب لانها بتزيد استعملي even اللي هو مياه معدنيه حاره اسمو كدا بس هو مش حار مع كريم diffren للحساسيه واسال مجرب ولاتسال حكيم وربي يشافيكم بس بطليه قبل المكياج لانو بيجعل البشره شوي مقشره
    5-لاتهتمي تكوني بيضا بقدر مايكون دمك خفيف بس باوقاته وخذي الامور ببساطه واستمتعي بيوم فرحك ولاتشيلي هم وفكري انك راح يجي يوم وينتهي كل شي اللي هو الهم حق كل العذارا وراح يجي يوم وتصيري ام وحرمه كبيره وبتزوجي عيالك ههههه
    6-بصيب العرايس تقريبا اشوية اكتئاب بعد الزواج بتحب تروح لاهلها اذا كانت بعيده استغلي الفرصه حتى لو طلب منك تبقي معاه لانك راح ترجعي وانتي ميته من الشوق وماعاد تطلبي تروحي عند اهلك بس هااااااااااا لاتطولي صحيح خلك بعيد حبك يزيد بس لاتنسي اللي قريب من العين قريب من القلب
    ولاتنسي تجيبله هديه
    7-بالنسبه للجنس معاه خليك ذوق واعرفي كيف تشعلليه باللبس والحركات والابتسامه والدلع والتمنع بس كلو بذوق وبالنسبه للدخله مانعي بس لاتسحبي فيه تكرهيه حياته ولو كانت عليك الدوره فهميه من الملكه حتى ماينصدم بعد ماتكوني بين ايديه
    8-مع العشره بتحسي اهتمامو قل فيكي بس لاتنسي ان الانسان يحن اشوي للماضي متل مابتحني انتي كمان لاهلك وصحباتك واديه جو ولاتجلسي لازقه فيه بيني له الحب وانك ميته فيه بس راحته اهم شي لانو المراه بطبعها تتنازل دايما وراح يجي اليوم اللي يقدرك فيه ولاتنسي الحفلات اللي بعد متلا شهر او رجعته من سفر او ترقيه او رجعتك من عند اهلك او بعد سنه لانها بتجدد الحب والود
    9-الرجال عادة بيحبو اللون الاحمر زي (الثـ...؟؟...) ههههههه بس هم بشر ولاتنسي الاسود كمان والابيض
    10-خليكي خلوقه دايما ومبتسمه ولو زعلتي منو يحس ان الابتسامه ماهي موجوده بس الاخلاق موجوده ولاتصيري صعبة الرضا لانو المؤمن هين لين فلو كلمة اسف او معليش او بوسه بترضيكي بس للزعله حدود وكبائر وصغائر وكل مقام مقال يعني ادي كل شي حقه
    11-اهم نصيحه صلاتك وصلاته ومخافةالله وعدم الكذب مهما صار الافي حالة الطلاق او الموت لاسمح الله
    12-احفظيه ولاتخونيه ولاتتوقعي انو الحياه دلع وحب وخيالات زي المسلسلات الحقيقه شي والخيال شي تاني يعني عالم الرومانسيه توقعيه بس قليل مو مره ولاتكوني حساسه لانك بتتعبي قسي قلبك شويه لانو الحياه تتطلب ذلك خليكي حنونه اهم شي
    13-مهما كان عندك من اخوياء او كنت تحبي احد قبله لاتخبريه ولو يستامنكي على كل اسراره لانو يامأمن الرجال يا مأمن المي بالغربال ممكن يجيله شي وينفر فيكي وتقولي ياليت
    14-اهتمي فيه وقت مرضه وتعبه وزعله ولاتكثري عليه طلبات الا باخر الشهر ههههه وكلمة ياليت اذا حاسه انك بتقوليها لو خبرتيه موضوع فالافضل ماتخبريه
    15-استقبليه احلى استقبال اذا جا من العمل وبيني له ولو مبالغه انك متلهفه عليه ومشتاقه له بس هي الحقيقه لانو راح تحبو ازواجكم
    16-لاتهني وحده عايشه قدامك مع زوجها وتقولي ياريت انا هي او متلها لانو الله اللي بيقسم النصيب والارزاق والفلوس ترى مو كل شي ترى السعاده في القلب ومدام الانسان معاه اللي ياكله ويلبسه وبعافيته السعاده معاه وهو جنب الله وفي طاعته اكيد اسعد
    17-لاتنسي تحترمي اللي حواليك علشان يحترموك وتجنبي الغرور لانو ماطار طير وارتفع الاكما طار وقع
    18-استعيني بالله دايما وابدا ولاتحرمي نفسك من الدعا لانو الدعا مخ العباده لو تنكدت بوجهك او ضاقت عليك الدنيا لاتنسي وكل وقت تدعي الله واحمدي الله على نعمة الزواج لانو غيرك يتمنى مكانك ولاتقولي عند اهلي احسن بالعكس الوحده كسرتها طلاقها والله
    19-لاتعوديه تعطيه ولو اعطيتيه خليها كانها سلف ولاتبيعي ذهبك مهما كان الا اذا صار بالسجن واشتدت عليه الظروف لاسمح الله
    20- الله يوفق الجميع اعتذر عن الاطاله بس اكيد راح انزل موضوع جديد لكل المتزوجات او المقبلات ع الزواج ومن تجارب الحياه ولاتسمعي نصيحة احد اتبعي نداء قلبك وهو دليلك وربي مع الكل

    اعتذر عن الاطاله
    ولكم خالص التحيه............

تابعي تجارب أخرى من هذا القسم.