مشكلة ولدي بالمدرسه مين يحلها ؟

اخواتي في الله

بعودة المدارس عاد ابني لمدرسه جديده

المهم ابني يدرس مدارس اهليه وفي صفه ولد يقول ابني انه كل يوم يستلف من احد ريال او ريالين

المهم الاولاد ملو منه وصار يجي لولدي بما انه جديد وابني يعطيه

تخيلو في الفسحه الاولى يطلب والثانيه بعد

ولما يساله يقول امي وابوي مايعطوني مصروف يعطوني فقط وجبه (ساندوتش +عصير فقط)

والطفل هذا طبعا وده يشتري من المقصف بس يقول ماعنده فلوس

المهم اليوم طبعا جاء الولد ومعاه ولد من الصف السادس ويقوله والله بكره لو ماترجع لي 20ريال اللي سلفتك اياها من زمان لاطقك

والولد جاء لولدي يطلب منه فلوس ولدي قال له ماعندي غير ريال ماابيه واعطاه اياه

المهم الطفل هذا بكره لازم يرجع باقي الفلوس وطلب من ولدي يسلفه بكره 19ريال

يابنات ودي اسال

معقول فيه اهل يسجلون عيالهم مدارس خاصه رسومها 10الاف ريال ومايعطونهم مصروووف ؟

حرام والله يكسر الخاطر هالطفل

المشكله انه توه برابع ابتدائي ؟؟؟؟؟؟؟؟؟؟؟ويستلف ؟

طيب كيف اخلي ولدي يتعامل معه ؟؟؟؟؟؟؟؟؟؟

معقول نعطيه كل يوم مصروووف ؟؟؟؟؟؟؟؟؟ونظل نسدد له ديونه دايم ؟

تكفون قولولي كيف نتصرف اول مره امر بها الموقف

اخاف اقول لولدي بطل تسلفه علشان مايطلع يحب الطرار والشحته

واخاف اطيح من عين ولدي ويظن اني مااحب اساعد الناس ؟

14 تعليق 1,787 مشاهدة

شاركي في النقاش

سجلي الدخول لإضافة تعليق.

التعليقات

13
  1. @am_hnofy

    شوفي يااختي مالك الا واحد من اثنين:
    1- تكلمين انتي او ابو ولدك المرشد الطلابي حق المدرسه اشرحي له الموقف وهو يحله بعد ماتدرين عن هالولد يمكن يكدب اهله يعطونه بس يمكن يصرفها على شي ثاني لا سمح الله او على احد ثاني الدنيا صارت تخوف
    2- او انك تكلمين ام الولد وتسألينها وبعدين وش جاب ولد برابع يتسلف من ولد بسادس موضوع يحير
    اقترح عليك انك تكلمين المرشد انسب حل
    والله يعين وخبرينا وش يصير معك
  2. مرحبا أختي
    ليه ما تخلين المدرسة تتصرف عطيهم خبر وهم ممكن يكلمون أهل الولد ويفهمونهم أنه الولد يحتاج مصروف واذا ما يبغون يعطونه مصروف يفهمونه أنه ما يتسلف من الناس وأنتي فهمي ولدك أنه مايعطيه لأنه أكيد أهل الولد لو يبغونه يشتري من المقصف كان عطوه فا أنت لا تعطيه عشان لا تساعده أنه يخالف أوامر أهله .
  3. @bnt_almaaadyd

    هلا واللة باختي المجد ........... انا صار مع ابني نفس الموقف راح ابوه للمدرسة وتكلم مع المرشد الطلابي واستدعوا الطالب وبعد عدة استفسارات معة الطالب يكذب كل يوم ياخذ مصروف بس اذا شافوا بعض الطلاب مين يتجاوب معاهم ويعطيهم تعودوا على ذلك قام المرشد بعمل الاجراء الازم واخذوا تعهد على الطالب انة مايتكرر منة وفعلا اثمر ذلك الاجراء.
  4. @alam_aloakaa

    omdima
    مرحبا أختي ليه ما تخلين المدرسة تتصرف عطيهم خبر وهم ممكن يكلمون أهل الولد ويفهمونهم أنه الولد يحتاج مصروف واذا ما يبغون يعطونه مصروف يفهمونه أنه ما يتسلف من الناس وأنتي فهمي ولدك أنه مايعطيه لأنه أكيد أهل الولد لو يبغونه يشتري من المقصف …
    وممكن الولد متعود على هالشئ مو مسأله ان اهله مايعطونه مصروف ..لانك تقولين في مدرسه خاصه

    والاكيد لاتعودين ولدك يعطيه كل يوم ...
  5. @am_almgd_saaodyh

    صاحبة الموضوع
    ام هنوفي- ام ديما-بنت المعاضيد-الام الواقع

    سلمت يدينكم وبارك الله فيكم وانا خطر في بالي اقتراحكم بس احس بفشيله لو بنكلم المدرسه

    او نسال اهل الولد لان من كلام ابني ان اهله مقتدرين وقال لي ان بيتهم فيلا مثلنا وباحياء الرياض الراقيه يعني اكيد 100%ان شاء الله انهم ناس ميسورين ومابتتعبهم ريال او ريالين كل يوم

    ومن اسم الولد ولقبه طلع من عائله مشهورة بالثراء

    ماني عارفه وش السواة بس في راسي وسواس يقول يمكن اهو يجمع مصروفه في حصاله

    او انه متفق مع الولد اللي في سادس يجمعون فلوس كل يوم ؟؟؟؟؟؟؟؟؟؟

    او الولد اللي في سادس يحده انه يجيب له فلوس ؟

    خلاص ابي اتكل على الله واكلم المشرف الطلابي بكره ونشوف وش يطلع معه

    لان بصراحه الموضوع مضايقني وكاسر خاطري هالولد المسكين

تابعي تجارب أخرى من هذا القسم.