شايله همي بقلبي

السلام عليكم خواتي اول مرة احط مشكلتي بس من القهر اللي فيني:( بصراحة تعبانة مع:arb: لان مشكلتي ما لها حل وهي مشكلة كل المتزوجات وهي المعاكسات لاني كل مرة اكتشف انه يعاكس وهو كالعادة ينكر وللمعلوميه انفصلت عنه بسبت المعاكسات بس ما حرم واليوم طلعت معه برا البيت واتكلمنا في هذا الموضوع وما وصلت معاه لحل وفي الاخر طلبت منه انه يطلع من البيت لاني تعبت منه ادري ان هذا مو بحل بس ابيه يحس بان اللي يسويه غلط لاني اعرفه يحب الاستقرار ادري انكم بتتعجبون من كلامي بس :arb: يحوس ما يعرف يسوي شي اتعود كل شي يلقاه جاهز والله تعبت من هالحياة

14 تعليق 1,147 مشاهدة

شاركي في النقاش

سجلي الدخول لإضافة تعليق.

التعليقات

13
  1. الله يسخرلك زوجك ويجمع مابينكم بلموده والمحبه ويبعد عنه المعاكسات وبنات الحرام ...آمين يارب العالمين ....
    عليك ياختي بالدعاء له بلهدايه والصلاح وانه يسخرلك زوجك ....اكثري اكثري من الدعاء والتقرب من الله ...
    حاولي تدورين بلشي الي يحبه زوجك وتقربي منه قدر الأمكان ....
  2. @shaylh_hmom

    اولا هلا وغلا فيك يا شبيهة اسمي :)

    وانا بداية مشكلتي كانت مثلك

    اكتشف ان زوجي يعرف بنات ويكلم تلفون وهو ينكر وكنت اصيح واهاوشه ودايم افتش وراه كنت احس الم وقهر يعتصر قلبي واهانه لمشاعري كزوجه
    والحين متندمه لانه صار يطلع من الصبح ومايرجع الا الفجر احيانا ينام بالبر ويطنشني مايقولي بنام برى وانا الي خسرت بالاخرومتندمه والحين احاول اصحح غلطي الي محسوب علي بدون ذنب عشان احافظ على بيتي وزوجي وعيالي

    1- الحل ياقلبي سوي نفسك ماتدرين انه يعاكس هو صعب وقهر بس الشكوى لله ومافي حق بيضيع عند رب العالمين

    2- حسسيه انك واثقه منه وتلبسي وتعطري وخليك مثل الورده صدقيني بيمل وبيرجع لك

    3- ذكريه بان الدنيا فانيه وماتسوى شيء وانه مايسوى نظيع الجنه بسبب الدنيا .. وانتبهي لايحس زوجك انك تقصدينه خلي كلامك بشكل عام
    4- عيشي حياتك واستانسي والله.. ليش هم مبسوطين واحنا نحرق اعصابنا لما تدمرت نفسياتنا والشعر طاح والبشره شاحبه

    لاتكررين غلطتي لما طفشته من البيت وصار يزيد ويزيد لان طلعته من البيت فتحت له باب الراحه في الي يسويه

    ولاتقولين مايقدر يسوي شيء لوحده :)

تابعي تجارب أخرى من هذا القسم.