تجمع أطفال الأنابيب والحقن المجهري + مواضيع واستفسارات مشابهة

mmyt1010الله يسهل كل امورك وادعي لي انا للاسف ما نجحت عمليتي بس انتي وين سويتيها والله لا يحرمنا من الذرية الصالحة

ياحبيلكم والله ..توسعون الصدر..أنا بديت هاليومين في الابر المنشطة.
وما اخذت ابرة تحضيرية لاني مسويتها قبل كم شهر وفشلت فيفولون ان هذا يسمى كورس متابعة للأول:blink:: .المهم انا مسويتها في فرتي كلينك عند دكتور سورية الكل ذمها لي..
لكن زوجي كان مقتنع فيها وفي المركزنفسه فاستخرت وبديت معها رغم عدم ثقتي فيها ..بس من أول
مادخلت عليها ارتحت لها مرة شرحت لي سبب فشل عمليتي السابقة وبسطتها لي بأسلوب الكل يفهمه..يعني بعض الدكاترة الله يهديهم لما تسأله مايعطيك وجه كأنه يقصد انك ماراح تفهم ..وبعضهم
يشرح لك يحسبك بتدرس عنده (مصطلحات ماتفهمها)..الشاهد اني ارتحت لها مرررة والحمدلله طبعا بحكم خبرتي السابقة اعتقد اني الممت بهذا الموضوع من كثر ماأقرأ وأسأل وابحث..
يعنى السحب وللأمانة مايألم بحكم التخدير، والعملية كلها على بعضها مع تخديرك وصحيانك عشر دقايق..وبعد العملية تحسين بشوية مغص وينزل معك شويتين دم:42: بس عادي وطبيعي،في نفس اليوم
تواصلين حياتك الطبيعية جدا..ومتى مانضجت الأجنة وصارت جاهزة للترجيع دقوا عليك ..وفي الغالب
انها بعد يومين أو ثلاثة..والترجيع سهل جدا جدا ولايؤلم ابد وشغلة ثواني بس وكل شي منتهي..
بس طبعا الي يشغلني دائما ويتعبني المثانة الممتلئة:09: ..
بس الوحدة منا تتحمل شوي ماباليد حيلة..
وفي فترة الترجيع طبعا يصرفون لك أبر مثبته وتحاميل مهبلية..وبالنسبة للتحاميل سألت الدكتورة عنها
وانه تنزل بعدين؟فقالت :حاولي تدخلينها كوييييس ..يعني تقريبا يدخل معها نص الأصبع ..وارتاحي على ظهرك نص ساعة والي ينزل بعدين عادي..
وكنت أقلل من الكافيين قدر الامكان والمواد القابضة للرحم ..وش بعد؟؟؟
أما الراحة فالحقيقة كنت أحاول ارتاح قد ماأقدر بس طبعا شغل البيت من يخلصه أسويه على أقل من
مهلي.,
وتبون الصدق؟؟



؟

؟

بالمرة الي حملت فيها ماارتحت كثييير..بالعكس كنت ماخذه راحتي شوي وماكنت حاسه أني بحمل أبد ..بس الحمدلله ربنا كتب وحملت ببنتي الله يخليهالي..


تعبت من الكتابة أي استفسار أنا جاهزة وفي الخدمة....

اموووره الله يرزقج يارب


سيسبانه
ماشالله عليج تسميعج ممتاز هههههه
انا مثلج خلاص صرت خبره
...
الله يرزق الجميع بدون علاج انشالله ...

السلام عليكم
أنا ا أمس رحت للدكتور تصوروا من الساعة العاشرة صباحا حتى الساعة الثامنة مساءا و انا فى المركز لين جاء دورى
الدكتور طمنى و قال وضعك ممتاز الحمد لله و استمرى فى الأبر و موعدى الثلاثاء القادم عشان يشوف الوضع
تصوروا و أنا خلاص قريب دورى جاءت وحده باين عليها مريييضة قلت لها وش فيك إن شاء الله طيبة ماهى قادرة ترد قامت طلعت ورقة أنا شفتها قلت لها أنتى حامل لأنى أعرف أقرا التحليل صارت تبكى و تقولى أنت بتسوى زرع لالالالا ما تويه حرق أعصاب أنا لى 8 سنوات و اليوم مسويه التحليل و جايباه للدكتور أنا لما شفت كده قلت لها لا مادرى شوفى الدكتور المهم صرت أهديها لين طلعت الممرضة و أعطوها التحليل جاء الدكتور قا لها انت حامل و استمرى على العلاج المهم ما شفت إلا وحده تعيط و تقول لا هيك بيقولى بس ما نى مصدقة
أقول لها أنا شفت التحليل انت حامل و يمكن بتوأم كمان صارت أحضان و بوس و جاء زوجها و يحضنها و تحضنه فى العيادة و يباركون لبعض و كل من فى المركز صاروا يبكون المهم جاء موعدى مع الدكتور و هو يقولى هذى مهبوله حامل و تعيط
الله يعطيه العافية دكتورنا و الله ماشاء الله عليه الله يحفظه

السلام عليكم
كيفكم يا جماعه

غاليتى الاموره لاتزعلين ماهو مكتوب لك هالمره000المره الجايه ان شاء الرحمن نبارك لك
عزيزتى انا سويتها بمستشفى سعد التخصصي بالخبر كثير ذموه بس انا رحت بعد استشاره لدكتور كبير بمصر عن طريق موقع له يرد فيه علي اسئله الناس وذكر المستشفى ومدح المختبر وارسلنى للدكتور هذا بعينه اسمه عارف الخالدي
وربي مازلت ادعى لكم وان الله مع الصابرين
ادعولي الله يتمم كل شي بخير