اخواتي الغاليات اليوم رحت اشتري بعض المكياج و قمت بدمج القديم مع الجديد طلعت لي مجموعة جملية ماشاء الله وددت ان اطلعكم عليها وأن أقوم بوضع موضوع نستفيد من بعضنا البعض يعني انا الحين احط موضوعي مع الصور واللي تقدر تحط صور لمكياجها وأجمل الأشياء فيه اتمنى أن تفيدنا ..وان شاء الله يعجبكم موضوعي :)
نرجع لموضوعنا
أولاً : شنطة المكياج
في البداية صورت لكم شنطة المكياج التي استخدمها لوضع المكياج واشتريتها من سيتي بلازا ب 190 ريال ولها ايجابية وسلبية ..الإيجابية إنها برقم سري يعني تضمني ان شاء الله لا اطفال ولا اي شخص يقدر يلعب فيها ...:26: أما السلبية وهي انها بعد الاستخدام صارت صعبة عندما احاول قفلها وفكرت صراحة اني اشتري وحدة جديدة لكن قلت استفيد منها الآن وسرت اخليها مفتوحة ...
هذه صورتها وهي مفتوحة

وهذه صورتها وهي مقفلة

ثانياً : - فرش المكياج
عندي 6 أنواع فرش كلها من ميكاب فور إيفر ما عدا وحدة من ديور
وهذه صورتها

صورة لشكل الفرش من قريب

الان نجي لشرح عمل الفرش
1- طبعا رقم 1 هو المحلول المنظف للفرش وبصراحة احسه مهم وضروري لأنك لمن تشتري الفرش تكون غالية ولازم يكون لها عناية خاصة عشان تقدري تحافظي عليها أكبر مدة زمنية ممكنة سعره على ما اتذكر تقريبا 45 ريال (في هذه الحدود).
2- هذه فرشة البلاشر ، كانت عندي وحدة من بودي شوب ولكن كانت تكتل البلاشر في وجهي ودايما كنت اتعرض لموقف انه البلاشر مكتل .. بصراحة مرة روعة وسهلة لمن تحطي فيها البلاشر وتوزعه بطريقة رائعة وسعرها في حدود 250 ريال ..
3-الفرشة الصغيرة هاذي انا مخليتها مخصوص اذا كنت ابغى احط جليتر و يكون نحيف مثلا أو وضع ايشدو في منطقة صغيرة او للتصحيح ..
4- فرشة ديور استخدمها لتوزيع الشدو بعد ما احطه بفرشة رقم 6 (الاسفنجية) وهي رائعة جدا وهي عندي من زمان وكان سعرها اتوقع حوالي 80 ريال
5- هذه الفرشة أستخدمها لتحت الحواجب عندما اضع الإضاءة و هي من الممكن أن تكون لتوزيع الشدو لكن انا عاجبتني ديور اكثر في التوزيع وهاذي فقط للإضاءة ..
6- الاسفنجية طبعا لوضع الايشدو وهي جيدة للغاية .
7- هاذي الفرشة استفيد منها كثيرا لوضع ايشدو خفيف تحت رموش العين ( من تحت) واعتقد انها من الممكن ان تفيد للحواجب..
ثالثاً : الأساس وما يتبعه

1- هذه صورة الفاونديشن الذي استخدمه وهو ماركة كلينك انا الحمد لله استخدمه منذ سنوات ويناسبني كثيراً.
2- البودرة المضغوطة وهي كذلك ماركة كلنيك وهي جيدة جدا اشتريتها ب 90 ريال.
3- البودرة السائبة كلينك أيضاً لمعتها حلوة وتنفع كثير للسهرات، احب احطها تحت العين مكتلة عشان لمن يطيح ايشدو لمن امسحه بفرشتها يروح وتفضل المنطقة نظيفة.
وفي الصورة القادمة تلاحظوا وجود الكونسيلر (الفاتح) وأساس تقدري تتحكمي في لونه اما تغميق او تفتيح.. ما ناسبني هو الكونسيلر رائع جدا جدا وبالفعل يخفي السواد تحت العين انا اشتريت قلم كونسيلر كلينك وبصراحة مرة اتورطت فيه و الحمد لله لي فترة وانا مرتاحة على هذا الكونسيلر و هو ماركة كرولاين ..كما من الممكن ان استخدمها في اضاءات الأنف ولكن لم اتقنها الى الان ، اما بالنسبة للأساس فلم يعجبني كثيرا و صرت اخليه لمن احاول واتدرب على وضع المكياج..
وفي يسار الصورة تجدوا اسفنجة اشتريتها من ميكاب فور ايفير وبصراحة لم استفد منها كثيرا الى الان..

يتبع






















