ممممممممممم، مع فاااااائق احترامي لأخصائية التجميل
اولا.... مسألة الأبر هذي إلي بتغير اللون جذيه و بنسبة كبيرة أمر مرعب و أحس وراه مصايب جلدية ... يعني ما اعتقد ان المسألة تحتاج لدكتور علشان يعرف هالشي!
ثانيا... الخوف من نشر اسم نوعية المادة إلي تحقن في الجلد بصراحة امر يدعو للشك! الحريم صاروا يحطون زئبق في ويوههم يت على الأبر ألحين ما تبون اتخبروننا!
و بعدين يا بنات.... انتوا من صدقكم تبون خرابيط التبيييض؟ ما تسمعون عن انتشار السرطان؟
ما ادري بصراحة! اهتموا بغذائكم و لا تتعرضون للشمس ... اشتري سن بلوك من ماركة عدلة و سويلج هالماسكات الطبيعية و انتهى الموضوع.. لازم اتصيرون شرات سنو وايت يعني!
من صدقكم تبون ابر تضربون انفسكم علشان يتغير اللون! و الله شي مرعب!!
المسألة واضحة جدا.... اذا عرفتوا نوع الأبر بيطيح سوق الخبيرة الأمريكية....
و يمكن لو دريتوا شو في هالأبر ما اعتقد بتجازفون! و آخرتها تطلع ((خبيرة)) تجميل مش ((طبيبة)) جلدية!
الرجاء القبض على العضوة"اخصائية التجميل" للأعتراف باسم ابر التبييض!!
متابعة النقاش، صفحة 2