خواتي المصروف والميزانيه

غروب وهو صاج والله تردي له التصرف بعدكم شهر
حقيقي صعب تسيطري على الامور الا لو كنتي انتي عندك قوة سيطرة وعامله كنترول عحالك يعني بيصير بهيك حالات انك تقدري تمسكي المصروف

اما اذا زي حالتي بتعاطفي مع العيال ومع الطلبات الطارئة فما راح ينفع ؟!


واضم صوتي لصوت كل الي طلبوا جدول متكتك نمشي عليه

واضم صوتي لصوت كل الي طلبوا جدول متكتك نمشي عليه

اختي غريبه والله انك صادقه والحمد لله ماأقدر امسك نفسي حتى لو وقتها قلت ماأبغى تلاقين انام وانا افكر بالشي
لكن فكره الجدول ممتازه ويليت اللي تعرف تدلنا

اها شايفه عاد

فيه بنات عيني عليهم بارده مافيه أمل الوحده تطلع ريال بغير محله

والله مرتبين امورهم لكن برضه عندهم مشكله ان الزيادة من المصروف تروح تسديد فواتير واقساط وايجار ومايبقى لهم شخصيا شيء او حق عيالهم


يعني ماشاء الله هالخبرات بالمنتدى مافيه وحده دراستها او تجاربها تفيد بهالخصوص


انا لازقة بها الموضوع لأن بودي السنة القادمة يكون بداية فهم للامور الماليه بالبيت
ولأن اطفالنا لازم يفهمون ان الزمن القادم مو شي ؟!

شوفو عزيزاتي قبل ماتروحين للسوبرماركت دوري المكان اللي تحسين فيه عروضات كثيره وسعره اقل شوي من باقي المحلات واقصد بالسعر ومو بالجوده طبعا .. كيف ذا الكلام انا اقولك أنا اروح لجيان أو كارفور وماراح ابدلهم ابد لأنهم بصراحه أقل من السوق برا لو بريال واحد أوكي ..

نجي للشي الثاني تقضي بالكرتون للأشياء اللي ماحتخرب لو طولت مثل النواشف ( جبن قشطه دقيق صابون ....وهكذا ) طبعا الخضار اللي ماتحتاجيها بلاش منها لأنها تخرب بسرعه شوفي ذا الاسبوع وش بتطبخين واكتبيه بورقه شوفي متطلباته من الخضار وجيبيها يعني قبل سوي ورقه فيها طبخاتك لهالاسبوع كل يوم وش بتطبخين واذا كان يحتاج خضار معينه جيبيها وتذكري اللي يكفيكم بس وشغله ثانيه مو كل يوم راح تطبخين خضار أكيد طبعا ... والله يابنات بتقضين بكل اللي معك أول شهر وبعدين خلاااااااااااص وين ووين بتصيرين محتاجه للغرض ... وحطي ببالك مو كل شي تبغينه تجيبينه لا اااااااااااا ... الشي الضروري والعبي على نفسك وقولي الشهر اللي بيجي بآخذ حاجه وحده بس نفسي فيها ولو انها كماليه .. والله اني اموت من القهر اذا رحت مطاعم فخمه طبعا بالنادر ألقى أكثر الموجودين أجانب وش معناته من زود الفلوس لا والله لاكن تلقينهم يدكنون طول الشهر ويفلونها يوم اصلا لما تروحين السوبرماركت وتشوفين اجنبيه على طول شوفي عربتها تلقينها حبه تفاح والا 2 وبرتقاله وخصلة عنب وعلبه بسكوت دايجستف ومعجون اسنان وخلصنا وحنا الا نزلنا تقولين السوق بيقفل الحمد لله بس على نعمة العقل ..

المهم حاولي تدخلين بالباقي اللي معك بجمعيه شوفي جاراتك أهلك .. وطبعا لاتنسين تخرجين منها لو 10 ريال صدقه ..

فواتير الجوال كل شهرين وعموما الجوال مو للرغي اللي اهلها بعيد زي حالاتي لاتكلمهم الا يوم الجمعه او الخميس او الاربعاء بالليل اولا هذي فيها تخفيضات وبعدين ليه تدقين عليهم بالجوال خذي لك بطاقه بـ 10 ريال وخليها ليوم من هالايام تكفيك ساعه كامله اهرجي لين ينفجر راسك وحطي ببالك اذا دقيتي على الثابت ارخص من لو تدقين على الجوال عالثابت ساعه يمكن وشوي بس الجوال اعتقد 50 دقيقه ... يعني الجوال لاتدقين منه الا لاصرتي برا البيت وللضرورة بس والباقي الله يخلي بطاقات الو وغيره ..

الثابت والنت حطي لنفسك ساعه وحده باليوم للنت ادخلي تصفحي عالسريع الموضوع اللي يعجبك احفظيه على سطح المكتب لاتقعدين تقرين اي موضوع وانتي شابكه النت خللي القرايه بعدين نزلي المواضيع اللي تشدك بكل قسم وحددي منبه جنبك على ساعه بس اول ماتخلص الساعه اجبري عمرك وقفلي النت ولو غصب عنك ثم روحي اقري المواضيع بركاده وردي بالوورد على الموضوع اللي تبين تردين عليه وارجعي افتحيه ووقتي ساتك على نص ساعه بس لنقل الردود من الوورد وسكري على طول وخلصنا .. واشغلي عمرك بأي شي ثاني غير النت ..

فاتورة الكهرب انا اصلا اموووت اذا شفت لمبه مفتوحه بالبيت وما احد عندها وربي ماهو بخل بس ليش أخليها مفتوحه والغرفه فاضيه .. تدرون عاد لما يطلع زوجي وعيالي فرضا يكونون مو موجودين اطفي كل الانوار مااحبها تضايقني طبعا اكون مشغله اباجوره بالمكان اللي انا فيه بس ..
نبهي عيالك على هالشي مو بس لمبات حتى المراوح او المكيف لاتشتغل مااحد عندها...

طبعا اللي عندهم اقساط الله يعينهم ويعينا غير الايجار هذا لازم منه بس بصراحه زوجي يعمل جمعيه للأيجار ويدفع سنه مقدم اريح ...

الأطفال والألعاب .. طبعا انا عندي 2 الله يحفظهم ويحبون الملاهي موت بس والله مو دايم اوديهم لها يعني مره بالشهر والباقي نروح البر او نروح حدائق عامه مثل سلام وطريق النهضه والأماكن هذي اللي ماراح تكلفك شي وطبعا اروح وانا مسويه الشاهي والقهوه وجايبه حلا وفطاير سواة بيت طبعا وساعات حتى العشا معي والمويه والسفره والصابون ومخلال الأسنان بعد.. واذا عندي بالبيت بسكوت للعيال وعصيرات آخذها معي يعني لو بنتكلف بشي يمكن نطلع بـ 5 ريال للرحله كامله ..
ويابنات تكفون حتى لو انتو مقتدرين لاتخربون عيالكم بالفلووووس والله هذي مشكله كبيره تصدقون انا اقول للعيال ااذا رحتو مع بابا اشترو بريالين بس حاجتين مثل ماكنا أول يقولون طيب وانبه عليهم العاب مافيه وعلك لايجيني فيقولون طيب يروحون مع ابوهم القاه داخل كل واحد معاه كيس وش كبره ويقولون بابا يقول طيب مافي مشكله وارجع اتخاصم مع ابوهم واقول أنا اعرف انك تقدر بس غلط كذا المفروض انت تساعدني فيهم والحين الحمد لله كل شي يطلبونه يقول لهم شوفو ماما بتهاوش فيرضون بالأمر الواقع طبعا مو دايم وهكذا ..

ايش بعد اعتقد خلصنا هذي اهم النقاط حبيت اجمعها لكم وهذا بصراحه اللي انا اسويه مع ان زوجي مايقدر يعطيني المصروف بدون مايقعد يسحب منه كل شوي ولأني حريصه جدا على المصروف اضطر اتنازل عنه يايعطينياه بيدي وينساه يا ياخذه ويفكني من الشرهات ...

وسلامتكم اتمنى اني افدتكم ببعض النقاط .. خبروني وش يصير معكم ووش الاشياء اللي تنقدونها على ردي وبس .