هلا والله حبايبي شلونكم شخباركم مع الحمل:( والنساه:09: :eek:
شلونج ياانوف إن شاء الله بخير حبيبتي وايد اعرف حريم يولدون بأول وثاني يوم من التاسع بس انتي وش عايلج خليها على الله سبحانه والولادة مثل ماقالوا أمهاتنا مثل فوحة الدلة (دلة القهوة) متى ما فاحت خلاص طلع الياهل فهمتي .. وكل شيء بيومه حلو..الصبر حلو ولاتشربين لاخروع ولا غيره توكلي على الله وخلاص ..
هلا أم ياسمينا
شلونج ؟اما عن سؤالج عن الإبرة زينه بالبداية بس عقب تتعب يعني انا عطوني أياها لما فتح الرحم عندي 3 أو 3 ونص (وتحملي تاخذينها إذا الرحم كام مفتوح أكثر من 4 لأن مامنها فايده بنج على الفاضي لكن 3 و2 أوكي بس بقولج وش صار لي بالضبط تأخرت ولادتي عدل يعني يوم كامل وانا بغرفة الولادة ..:08: ولما صار 10سم حسيت بثقل تحت وهم يقولون لي متى أعصر ومتى ارتاح بس لكن بعد ولادتي جاتني سخونة الي تنفضني من السرير نفاض والم بظهري موووووووت يوجع حيل ير كذا بنتي من كثر ما طولت بالولادة تعبت طلعوها من بطني مزرقة وشاربه الأخت من الماي الين قالت بس على طول طاروا فيها وشفطوا منها الماي ..والإدهى من ذلك يوم ودوني الإستراحة حسيت بحرورة تحت الله يعزج مووت ولما جاتني النرسه اكتشفت إنهم ناسيين واير صغير حق البول تخيلي اسحبوا جزء ونسوا جزء وسوالي احتباس في البول طول فترة الولادة..بلاوي بعيد عنج..لا ولا يفوتج رزفي كانت حاضرة ولادتي بعد:bkh: ..
عشان جذيه حرمت اخذ الإبرة ولا ني برايحة الطوارئ إلا إ زاد على الوجع حيل وحسيت خلاص بروح اما اروح لهم يلعبون فيني مثل قبل مستحيييييييييل والله يسهل علينا إن شاء الله
نصيحة لوجه الله الكريم الإبرة لا تاخذونها مش كل أحد يعرف يضربها :08: وايد حريم انشلوا منها اسم الله عليكم وتذكروا وجع كم ساعة فيا لولادة ولا وجع الدهر كله..:26:
واحنا بعد حوامل قطر (تجمع)
متابعة النقاش، صفحة 131