انت اكبر وحده بين اخوانك بالبيت؟؟ تعالي قولي لنا الايجابيات والسلبيات بكل صراااااااحه

متابعة النقاش، صفحة 2

شاركي في النقاش

سجلي الدخول لإضافة تعليق.

التعليقات

28
  1. الايجابيات ان الوالدة الغالية كانت تحضر مجالس الامهات في المدرسة وتعتمد عليك في اشياء كثيرة
    وتسولف معك وتقربك منها الله يطول بعمرها ويرحم ابوي وموتى المسلمين
  2. @loz_oskr

    انا اكبر اخواني
    السلبيات/زي ماقلتي (انا بوجه المدفع)وكل ماصار شي خطأ يحطونه على راسي لان البزارين بيقلدوني
    اذا غابت امي اصير انا بدالها بكل شي طبخ ونفخ ومداراة الصغار اهي اهي اهي
    تزوجت وتركتهم
    بس بصراحه احس الين الحين وانا معي طفلين اني مسؤوله عنهم ويضيق صدري اذا كان فيه شي مزعلهم واحاول اوفرلهم اي شي ناقصهم واهتم لامتحاناتهم ولا انام الليل اذا فيه نتايج
    لدرجة انه اذا صار فيه شي عندهم مو زين مايقولون لي
    الله يخليهم لي
  3. @shbash_sfraaa

    هلا حبيبتي طفشاته موضوعك رائع فعلا >>وخلينا نفش خلقنا شوي
    انا الكبيرة ويكفيك انك شايله الهم طول الوقت والمسؤليه مبكرا احب خواتي واموت فيهم
    حتى بعد زواجي ما تغير شي فاتحه خط طول اليوم واحس فيهم واحيانا ادري عن اخبار البيت قبلهم
    الزبدة مسؤليييييييييييييييييييييييييييييييييييييييييييييييييييييه ودمتي
  4. @ansanh_tfshanh

    صاحبة الموضوع
    ام رنومه..

    هلا وغلا ..نورتي الموضوع..
    معاك حق الكبيره
    تصير حلالة المشاكل سواء من وراء الكواليس او من امامها..
    الله يخلي لك اخواتك ويخليك لهم ويدوم عليكم المحبه ياااارب..


    نونه العنونه..

    ياهلا فيك عزيزتي ..
    فيه ايجابيات انه الكبيره غالبا كلمتها مسموعه..والسلبيات اكثر منها مافيه..
    تكبرين قبل وقتك..
    الله يسعد ايااااااامك يارب..
  5. @mryomh_2

    انا الكبيره في البيت ..والحمدلله لا مسؤوليات ولا شي كلمتي هي الماشيه بالبيت على اخواتي بطريقه صارمه وامي طبعا بالاقناع والتفاهم.. وماتتثنى.. لكن مسؤوليتي فقط تجي بوقت العيد ..انا اتسوق لهم وكل شي بعدين اتفرغ لنفسي ..طبعا اكره نفسي هذيك الايام لانه كل وحده من اخواتي ذوقها غير وانا ابيهم يصيرون ستايل بكل شي ومرات امشي رايي ومرات لا ..

    لكن مسؤوولية اني انتبه للبيت و لاخواتي ومن ذا الحكي اختي اللي اصغر مني بثلاث سنين تقوم بهالشغلات ..انا اكون اخر حل اذا اختي اللي اصغر مني ماقدرت عليهم تجيني ويرجع كل شي لوضعه الطبيعي ..

    وطبعا امي تستشيرني بكل شي وتقريبا 90 بالميه من القرارات والشغلات ماتصير الا بموافقتي ...

    مشاءالله تبارك الله ..الله لايغير علينا يارب ..

    والحمدلله اني الكبيره ..بس يضايقني شي واحد ..انه امي اي مبلغ تحطه بحسابي لازم نفس حجم المبلغ يكون عند كل وحده من اخواتي بحسابهم مع انه مايكونون محتاجين وانا طلبتهم من امي لاني محتاجه ..هي تقول هالشي من باب العدل ..بس مدري ..

    والحمدلله على كل حال..

    مشاءالله تبارك الله

    وشاكره لك ..


تابعي تجارب أخرى من هذا القسم.